هل شركة كفيك، شركة ربوية ؟؟

q8_kuw

عضو نشط
التسجيل
31 مايو 2009
المشاركات
20
السلام عليكم

شبااب

انا داقين علي شركة كفيك علشان الوظيفة، وبغيت اسأل عنها، هل اهيا شركة تتعامل مع الربا او لا؟؟

لان سمعت عنها، انها تعطي قروض مع فوائد، يعني حالها حال الوطني وباقي البنوك الربوية... فبغيت اسأل عن هالشغلة، وهل عندها شغلات اسلامية؟؟ وشنو طبيعة عمل الشركة؟؟ الي اعرفه بالاستثمار، بس ياليت توضحون لي اكثر... وياليت اذا في احد متوظف فيها او يعرف اخبار عنها يفيدنا اكثر عنها....

انا حبيت اسأل عنها كثر ما اقدر ، علشان ابتعد عن المال الحرام، ماودي يكون معاشي حرام... وهل هذا الكلام ينطبق على باقي الشركات الاستثمارية؟؟ يعني هل شركة الساحل ومنا القابضة وغيرهم معاهم ؟؟

وجزاكم الله خير..
 

بوغمازات

عضو نشط
التسجيل
15 مايو 2007
المشاركات
2,416
شلون مقدم عندهم علي وظيفه ومو سائل عن الشركه !!! وانت تاخذ راتب علي شغل معين تؤدييه ,,,, موداش بفلوسك معاهم ومشاركهم ,,, !!!! والحين كل شخص يقول اللي عنده وتظيع السالفه وكل واحد يدش في موضوع ثاني وااخر شي يتسكر الموضوع !!! الله يعينك اخوي :)
 

q8_kuw

عضو نشط
التسجيل
31 مايو 2009
المشاركات
20
بس شباب
توني قاعد اقرأ الاخبار، وله اشوف ان الشركة انجزت تحولها الى النظام الاسلامي وانها وقفت الاقراض من بداية السنة ويقولون انها على نهاية السنة راح تبلش ...

هذا اهوا الخبر
http://www.gulfbase.com/site/interface/arabic/NewsArchiveDetails.aspx?n=101543

بانتظاركم
 

adventurer

عضو نشط
التسجيل
12 يناير 2009
المشاركات
4,262
عدل على ما انا اذكر انها من زمان بدت اجراءت التحول لشركة شرعية

انا عن نفسي اروح لهم دام انها قاعد تتحول او على حسب الخبر انجزت التحول الى شرعية وان شاء الله مافيها شي

اذا مو متأكد اسأل شيخ و اشرحله انها تحولت او قاعد تتحول الى شرعية وان شاء الله مافيها شي
 

q8_kuw

عضو نشط
التسجيل
31 مايو 2009
المشاركات
20
ان شاء الله يكون مافيها شيء

انا بسأل فيها شيخ ان شاء الله... انا بعد لي الحين ماخلصت وياهم ، ماقالوا لي نهائيا ابيك، لان الا الآن ما اتفقنا وماعرفت شروط العقد والمعاش و...الخ

ياليت الي عنده معلومات اكثر عن الشركة(طبيعة العمل والمعاش)يفيدنا... وجزاكم الله خير
 
أعلى