منو يعرف عياده لزراعة الشعر الطبيعي

[مضارب مبتدىء]

اخوي انا حاس ان هالدكتور قص عليك

متأكد 10 الاف شعره ,, يعني عدييييييتهم ؟؟

ولا زارعلك 9900 وكلا الـ100 عليك ؟؟

انت ماوقفوق قبل عشان ملاقتك هذي ياصبي روح كويت 25 لا تلعب هنيه عيب هنيه كبار

 

[troy1]

انا سويت عند هالبروفيسور http://www.hb-clinic.com/home.html بمصر بشهر 9
وترى هم يسوي زيارات وعمليات بدار الشفا
زرعت 3000 شعره بـ 950 دينار ... واتبعت التعليمات
وقال لي النتيجه تبين بعد ثلاث شهور .. وخلصت الثلاث شهور وماكو شي يفرح
شعره منيه وشعره مناك ... ودقيت عليه قالي بس تكمل 6 شهور راح تشوف النتيجه
وانا ناطر مع ان الامور وشكل النتيجه مايطمن بس الله كريم ..
يمكن على قولته فيه ( جذور خامله ) ههه وتطلع بعدين

 

[CPA]

السلام عليكم اخواني
موضوعكم حلو ووايد مفيد
بس بغيت استفسر انا سامع ان الشعر المزروع ما يطول
بس بغيت تأكدلي المعلومة ويجزاك الله الف خير

 

[نفحة امل]

ما زلنا في انتظار اخونا طلال للنتيجة .

 

[طلال نت]

السلام عليكم اخواني
موضوعكم حلو ووايد مفيد
بس بغيت استفسر انا سامع ان الشعر المزروع ما يطول
بس بغيت تأكدلي المعلومة ويجزاك الله الف خير

لا بالعكس اخوى الشعر المزروع يطول وتحلقه بعد لانه زراعه شعر طبيعى الشعر الى يزرعونه لك ياخذونه من شعر راسك من الخلف
علشان ىجذى يطول طبيعى اخوى

 

[k-n-p-c]

بيض الله ويهك اخوي طلال نت انا رحت حق العياده في شيراز وسويت زراعه شعر ومثل ماقلت والله خووش شي واحسن من الكويت وارخص ابوايد وتوني راد من شييراز والشخص اللي اسمه مسعود ماقصر وياي

 

[بوعلي الشمري]

بيض الله ويهك اخوي طلال نت انا رحت حق العياده في شيراز وسويت زراعه شعر ومثل ماقلت والله خووش شي واحسن من الكويت وارخص ابوايد وتوني راد من شييراز والشخص اللي اسمه مسعود ماقصر وياي

الحمدلله علي السلامه بس لو تكرمت كم المده اللي قعدتها وكم المصاريف شامله وايران بفيزا او بدون فيزا

 

[k-n-p-c]

هلا اخوي

الحمدلله علي السلامه بس لو تكرمت كم المده اللي قعدتها وكم المصاريف شامله وايران بفيزا او بدون فيزا

الله يسلمك اخوي
الله يسلمك زرعت 6000 بصيله تقريبا 650 دينار كويتي
وسكنت في فيلا ابروحي وسياره وسايق لمده 8 ايام
باليوم الفيلا والسياره 90 دولار
وبالنسبه حق الفيزا سويتها بالمطار مال شيراز خذو مني 50 يورو
وعليك الحساب:d

 

[بوعلي الشمري]

الله يرضي عليك ما قصرت بس سؤال صغيرون الفلوس شلون صرفت من الكويت ولا بايران وتقدر تسحب من رصيدك هناك

 

[k-n-p-c]

هلا اخوي
انا صرفت الفلوس كلها من الكويت
بعدين ترا ماتقدر تسحب من رصيدك من ايران لان ماعندهم شي اسمه كينت

 

[a7mdany]

السلام عليكم


اولا مبروك للاخوان اللي زرعوا شعورهم

بس في سؤال مهم محد تطرق له

انا سمعت انك بعد ماتزرع ماتقدر تلبس شي على راسك لمدة 6 اشهر مثل غترة وعقال او كاب او بريهه للعسكريين ... هل هالكلام صحيح ولا حجي

ياريت تفيدوني لان هالشي اهو اللي مخليني الغي فكرة الزراعه لاني ما اقدر استغني عن الغترة والعقال بحكم عملي

 

[اعزالناس]

لووووووووووول بينوا الصلعان
وانا واحد منهم
ترى سوال الغتره وغطاء الراس وايد مهم لانه صعب جدا على البعض كشف الراس على طول

والله المستعان

 

[nsnas]

اخواني لو تكرمتو ابي ابي عنوان العياده ورقم تلفون لاني مقبل على زواج وابي ازرع شعر انا بانتظاركم

 

[بوعلي الشمري]

اخواني لو تكرمتو ابي ابي عنوان العياده ورقم تلفون لاني مقبل على زواج وابي ازرع شعر انا بانتظاركم

هذا رقم مسعود الايراني يضبطك 00989177128671 وهو بمدينه شيراز

 

[nsnas]

هذا رقم مسعود الايراني يضبطك 00989177128671 وهو بمدينه شيراز

انا اريد عنوان العياده ورقم هاتفها ودبر نفسي بدون مسعود

 

[style_kuw]

مساكم الله بالخير أنا حاب أعرف اذا حصلوا الجماعة اللي عملوا زراعة الشعر علي نتائج مرضية ولا له لأني أسمع أن صعب تغطيات مناطق الصلع الكبيرة حتي لو عندك مناطق واهبة كافية لأنه في نسبة كبيرة من هالبصيلات تموت وبالتالي ماتحصل علي النتيجة المطلوبة طبعا هذا الكلام في السابق اذا تتطورت عملية الزراعة وأصبحت بالشكل المرضي ياريت يفودونا الأخوان اللي سبق لهم تجربة لأن الناس تعبت من البواريك

 

[AZIZ77]

ناطرين اخباركم بعد الزراعة
واذا ممكن الصور قبل وبعد
عندي اليهال ينحرجون اذا يبتهم من المدرسة وربعهم شافوا صلعتي :-(
واحد يقول بابا تصدق اليوم بالفرصة كان ضايق خلقي . قلتله عسا ما شر بابا ليش. بابا قاعد افكر بصلعتك تخيلوا يا جماعة
تصدقون عقدوني والله هاليهال

 

[حداق 75]

موفقين يالصلعان

 

[نايف العبدلي]

السلام عليكم مرحبا شباب بفيدكم بالي اقدر عليه وطبعا تجربتي مو تجربه غيري انا من الناس الي دخلت على هالموقع ولقيت رقم المترجم مسعوود وفي احد من الاهوان مدحه والله اخذت الرقم واتصلت عليه واستفسرت عن كل شي طبعا نسقت معا الرجال ورحت يوم الاربعاء الي قبل سبووع مو الي قبل يومين ورديت الاحد تقريبا قعت 5 ايام اول ماوصلت علىطول معا المترجم مسعوود الله يعطيه الصحه والعافيه ماقصر رحت عياده التحليل وخللت الظهر والتحاليل طلعت بليل وسيده اخذتها بليل ورحت عياده زراعه الشعر ودخلت على الاستشاري قالي انت يبيلك 5000 شعره الي هي 2500 بصيله البصيله الوحده اقل شي تطلعلك شعرتين وبعضها تطلع 3 وبعضها 4 على حسب شعرك والعياده يحسبوون البصيله حساب شعرتين بس وتكلفه 5000 شعره تساوي 560 دينار الي هي مليونين تومان والمترجم مسعود يوميته 30 دولار وانا ساكن بشقه يوميتها 50 دولار والنتيجه لحد الحين ناطر ماصلرلي سبوع بعد الزراعه قالولي بعد 20 يوم يطيح وبعدها يطلع وناطرين النتيجه وانشاء الله اذا النتيجه اوكي راح ارد واكتب النتيجه وهذا رقم مسعود بشيراز 00989177128671 والله انه رجال ماقصر والي حاب يستفسر منه اكثر يتصل عليه وشكرا للشباب الي حطو رقم المترجم لانه انا اخذته مني ورحت ولا اعرف اي شي عن الزراعه بس المترجم ماقصر معاي بشي ... وشكرا

 

[hidden]

السلام عليكنم

متابع الموضوع من بدايته وناطر سؤال محد سأله

انا من فريق الصلعان

بخصوص المنطقه الي يتم اخذ البويصلات منها شنو وضعها تنبت فيها بويصلات من جديد ؟ او يخف الشعر فيها ؟
والسؤال الثاني انا مصلع جدام وشوف الصلع مكمل اخاف ازرع الي جدام والي بالنص وورا يكمل ويطيح

وتحياتي
ابوعبدالله