تبي تنزل مليون كيلو بيومين ... ادخل وتعلم

خبير تغذية

عضو نشط
التسجيل
22 مارس 2010
المشاركات
125
السلام عليكم اخوي خبير التغذيه راجع بيناتي صفحه 5 هذا الكلام قبل فتره الحين وزني صار 76 ووزن الدهون 36 اللي ابي اعرفه انت ذكرت باول صفحه ان ماينفع وزن الدهون ووالوزن اثنينهم يتناقصون بعد فتره يصير الجسم رخوي انزين شسوي بهذا الحاله انا قام العب رياضه باليوم احرق الف كالوري واكلي طبيعي واخذ حبة بروتينات كل يوم وحده شلون يعني اخلي وزني ثابت وبس الدهون تنزل؟



اختي بنت الزهراء ...

انتي نزلتي 8 كيلو ... 5 منهم دهون ... وهذا الرقم طبيعي جدا ولا تحاتين ابدا

خصوصا اول فترات الرجيم ... مع كل كيلو دهن تنزلينه ... تنزلين نص كيلو عضل ...

بس الغريب شلون تحرقين باليوم الف سعره .!! ...

ساعه من المشي السريع فيها تقريبا 350 سعره حرارية ...

والبروتينات عادة ما تيي على هيئة حبوب .... تأكدي من المنتج اللي تاخذينه

واذا في اي استفسار او سؤال تفضلي
 

بنت الزهراء

عضو نشط
التسجيل
21 يونيو 2010
المشاركات
10
سوري اخوي مو بروتينات اخذ ...اخذ فيتامينات شريته من محل كل منتجاته طبييعيه بما اني اعيش بهولندا فعندهم وايد شغلات طبيعيه فشريت علبه فيتامينات فيها كل انواع الفيتامينات اخذ حبه كل يوم قبل النوم وبالنسبه للالف كالوري اروح النادي العب عالقاري الثابت 200 كالوري وعلى الغزال الطاير 350 كالوري وعلى جهاز المشي 350 ..طبعا من بديت اروح النادي وقمت احس براحه مابعدها راحه قل اكلي للاكل والحمدالله انا بصحه جيدا جدا الله يعطيك الف الف عافيه عالنصايح
 

بنت الزهراء

عضو نشط
التسجيل
21 يونيو 2010
المشاركات
10
و100 كالوري على جهاز ماادري شسمه فالمجموع يصير 1000 كالوري وتعودت كل يوم احرق الف ماقمت اتعب مثل اول قبل احرق 500 واحس بموت من التعب
 

tshan

عضو نشط
التسجيل
25 يونيو 2011
المشاركات
12
دكتور
طولي 169
وزني 85
النسبه الدهون 26%
الهدف 15% دهون
لانه ابي احافظ على العضل
شنو تنصحني
 

q8ihome

موقوف
التسجيل
28 ديسمبر 2009
المشاركات
837
الإقامة
الكويت اليرموك
وزني 170 وطولي 189 شنو يناسبني شرط اريد رجيم لا يخلو من الكوكاو .
ليس مزحه لكن بالفعل ما اقدر استغى عنه بالاضافه اني مدخن واكره شيئ عندي شوربه الخضروات مسلوقه .
 

خبير تغذية

عضو نشط
التسجيل
22 مارس 2010
المشاركات
125
دكتور
طولي 169
وزني 85
النسبه الدهون 26%
الهدف 15% دهون
لانه ابي احافظ على العضل
شنو تنصحني

أخوي tshan ...

الحفاظ على الكتلة العضلية لا يكون الا بتمارين كمال الأجسام أو ما شابهها من تمارين. مهما زادت كمية البروتين في الغذاء فهو ليس كافي للحفاظ على العضلات.
 

خبير تغذية

عضو نشط
التسجيل
22 مارس 2010
المشاركات
125
وزني 170 وطولي 189 شنو يناسبني شرط اريد رجيم لا يخلو من الكوكاو .
ليس مزحه لكن بالفعل ما اقدر استغى عنه بالاضافه اني مدخن واكره شيئ عندي شوربه الخضروات مسلوقه .

أخوي q8ihome ...

أتمنى تقرا الموضوع من الأول. ثانيا ... روح أقرب صيدلية علشان تعرف نسبة الدهون . الوزن بروحه مو كافي
 

q_kush

عضو نشط
التسجيل
27 أغسطس 2011
المشاركات
153
انا كنت 120 ونزلت 101 جان ازيد 115
ورد انزل لي 94
بعدها بسنه ونص زدت لي 114

وامس جيكت خذيت الوزن من الصيدليه حسبلي نسبه الدهون ونسبه السمنه ومن هالامور

تحبطت لاعت جبدي موقادر انزل وزن اللي ابيه ولا حتى اقدر احافظ عليه

والحل ؟


نقطة ضعفي وجبات السريعه ماقدر اتخلى عنها مليت شلحل ؟
انا موراعي حلو ولا راعي مجابيس
 

shorok

عضو نشط
التسجيل
5 فبراير 2006
المشاركات
552
السلام عليكم جميعا و يعطيك الف عافية خبير تغذية على المجهود الرائع و الله يجعله في ميزان اعمالك أولا انا عندي مشكلة مع الوزن صار لها اكثر من 15 سنة في تزايد مستمر و السبب ان قبل هال 15 سنة كنت عايشه برا طريقة الحياة مختلفة الأكل مختلف و نوع النشاط كذلك
حاليا عمري 39 و طولي 164 و وزني 115o_O نسبة الدهون في جسمي 50% و نسبة الماي 14% فصيلة دمي o+صار لي شهر اشتركت بنادي ماقدر العب بكل الاجهزة لوجود مشاكل صحيه (ديسك) اللي احس اني ابذل فيه مجهود و من غير مشاكل هو القاري و السباحه و الأكواجيم اكلي من شهر ابتديت اكل بطريقه صحيه و ليس رجيم صرت الصبح اتريق حليب مع نسكافيه ساندويتش خبزشعير و بذرة الكتان مع سلايس جبن خالي الدسم و مرات اتريق حليب خالي الدسم مع 5 تمرات الضحى اشرب عصير اناناس سيزر و الغدا ساعة 3 اكل سلطة او شوربة او خضار سوتيه مع سمك مشوي او تونه و مرة وحده لحم مشوي في الاسبوع و العصر اخذ قطعة كاكاو اسود و بالليل عشاي روب او لبن بصراحه للحين ماوزنت بس احس ان في تغيير بالوزن من هدومي سؤالي كم سعرة حرارية بالضبظ لازم اخذ في اليوم و كم ساعه رياضة العب و الوقت المناسب للرياضه بصراحه انا العب من ساعه 6 لين ساعه 8 او 9 بالليل و في شي ثاني مو قادره اتحكم فيه انا في فترة زمنية من الشهر تصير عندي رغبة ملحه في اكل الشكولا شنو الحل للحد من هالشي و شكرا
 
التسجيل
10 أبريل 2011
المشاركات
604
يعطيك العافيه انا ما ادري صراحه انت دكتور ولا عضو ذو خبرة وكفائه في مجال الصحي لكن بأي حال من الاحوال يعطيك العافيه انا مشيت على نصايحك للاعضاء :

المهم ... نفس الخطوات اللي كتبتها حق اخوي قدساوي راح اكتبلك اياها بتفصيل زيادة ...

١- أشرب ماي دافي على الريج
٢- امش مشي سريع او هرول لمدة ٤٥ دقيقة لاتزيد ولا تقلل سواء السرعة اول الوقت.... حاول تخليها الصبح اذا قدرت
٣- وزع أكلك على ٥ وجبات بين كل وجبة والثانية ٣ ساعات ... واخر وجبة عندك قبل لا تنام بأربع ساعات (ضروري)
٤- قلل من البروتين والطعام الحيواني كثر ما تقدر ... رتب أولوياتك على النحو التالي : ١- نباتي ... ٢- سمك .... ٣- دجاج (بس الصدر ومن غير جلد) .... ٤- اللحم الأحمر (لا يفضل نهائيا)
٥- الوجبة الأخيرة باليوم حاول تخليها من الألياف كثر ما تقدر والبروتين الخالي من الدهون المشبعه ( مثال: البروتين النباتي , سمك التونا)
٦- لا تشرب أي شي طول اليوم غير الماي ... سواء كان بيبسي ولا كولا ولا سفن اب ولا عصير كي دي دي ولا حتى عصير طبيعي انته عاصرة بيدك
٧- كثر من الماي لين ما تطفح ... يعني مو أقل من ٩ جلاسات ماي باليوم الواحد ...


بس ظفتلها حبوب الشاي الاخضر ونزلت لي درجة اني وقفت النظام ورديت للفاست فود واتعشا بس ماكو فايده نزلت 15 كيلو في وقت قياسي بس المصيبه اني وقفت النظام ومستمره في الظعف من 80 كيلو الحين صرت 64 وقاعده اظعف اكثر واكثر وبين على وجهي
السؤال الحين انا ابي اوقف عند وزن معين شلون وما ابي ارد وزني مره ثانيه اشلون اثبت عند وزن معين ؟؟
واستمر عليه؟؟

السؤال الثاني هل يستمر مفعول الشاي الاخضر والنظام الغذائي في دمي وفي جسمي فتره معينه وكم هي الفتره ؟ على ما يروح مفعوله من جسمي ومن الدم وارد أمتن مره ثانية؟؟

شكرا لك وجزاك الله خيرا
ياريت تراسلني بالاجابة على الخاص
 

sound blaster

عضو نشط
التسجيل
13 أبريل 2007
المشاركات
1,003
الإقامة
الكويت
موضوع رائع ومهم ومفيد حتى لو كان قديم

يرفع للفائده .. ولي يبي يستفيد يقرا الموضوع من البدايه .. لان الخبير كاتب كل صغيره وكبيره عسى ربي يحفظه
 

هيثم محمد

عضو جديد
التسجيل
27 أبريل 2013
المشاركات
1
سلام عليكم انا اخوكم هيثم من السعوديه
بغيت تسوي لي نظام نسبه الدهو 26% الطول 159 الوزن 67
ياليت ترد علي
 

Nada omar

عضو جديد
التسجيل
18 مارس 2015
المشاركات
1
ادرى الموضوع قديم بس هل اخوى خبير تغذية ممكن للحين يرد علينا
 
أعلى