افضل كاراج يصلح راس مكينه للمرسيدس؟؟

الحالة
موضوع مغلق

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
السلام عليكم

اتمنى تساعدوني.. ابي اعرف وين احسن كاراج يصلح راس ماكينه.. مادري شفيها سيارتي هذي ثاني مرة تخلط زيت و ماي :(

صلحتها قبل 4 شهور تقريبا و اليوم الحرارة ارتفعت و يوم فحصوها طلع الراديتر خالط زيت و المكينه فيها ماي و يقولون جاز قيت مادري شنو يعني.... :(

بليز منو يعرف كاراج زين و اللي عنده فكره لو بالوكاله جم يطلع تصليحها؟

نوعها مرسيدس c180

شكرا

اختكم مريم
 

BOSHHAB

عضو نشط
التسجيل
3 أبريل 2009
المشاركات
290
الإقامة
KUWAIT
تصليحها 80 لي 100 دينار

اغلب كراجات الشويخ يسوونها سهله هذي

عموما رجعي للي صلحتيها عنده ما يمديها تخرب مره ثانيه
 

بوعبدالله

عضو نشط
التسجيل
10 يونيو 2004
المشاركات
470
الإقامة
دولة الكويت
اختي المفروض تردين حق الي صلحها من قبل لانه اهوا الي يتحمل المسؤلية اذا ماكان في اهمال واضح منج .
و اذا الفاتوره موجوده يحق لج تشتكين عليه عند حماية المستهلك و عسى الله يوفقج وتفتكين من مشاكل الكراجات .
 

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
تسلمون اخواني عالردود.. انشاءالله باجر اوديها عند الكاراج و اشوف شيصير :)

مشكورين ما قصرتوا..
 

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
بس غريبه ان تصليحها من 80 لي 100 دينار !!

انا اخر مرة صلحوها لي تقريبا 300 ديناااااااار !!!!!!!! كان تبديل راديتر و تصليح راس مكينه مع قطع الغيار قالولي 300 !!!

ارجو الافاده.. هل معقولة نصبوا علي؟ :(
 

مضارب مبتدىء

عضو نشط
التسجيل
30 يونيو 2009
المشاركات
291
حالتج نفس حالتي بس انا سيارتي خلط القير ماي وزين ووديتها عند واحد بالشويخ وكلفتني تقريبا 300 دينار ورجعلته مره ومرتين وماكو فايده اخر شي رحت حق كراج ريما بالري ماشاالله عليهم ارمن فنانين احسن من النصابين الي بالشويخ
 

japan skyline

عضو نشط
التسجيل
10 أغسطس 2009
المشاركات
83
اذا تبيني نصيحتي بدل الماكينة من السكراب احسن

لأن الحين الماكينه احترت مرتين ولازم يفكون راس الماكينه ووممكن احتمال راس الماكينة مشعور

واذا طلع مشعور الراس لازم تجيبن راس ماكينه نظيف + قازقيت راس يعني راح تكلفك

ياليت تكتبين كم موديل السيارة وانا ارسلك على واحد عنده مكاين بأسعار زينة ...
 

بو جابر

عضو نشط
التسجيل
7 يوليو 2009
المشاركات
617
في كراج في الشويخ شارع كنددراي على الشارع أسمه الخالدية تخصص مرسيدس زين بعد محطة الصافي على الشارع
 

BOSHHAB

عضو نشط
التسجيل
3 أبريل 2009
المشاركات
290
الإقامة
KUWAIT
بس غريبه ان تصليحها من 80 لي 100 دينار !!

انا اخر مرة صلحوها لي تقريبا 300 ديناااااااار !!!!!!!! كان تبديل راديتر و تصليح راس مكينه مع قطع الغيار قالولي 300 !!!

ارجو الافاده.. هل معقولة نصبوا علي؟ :(

ايه نصبو عليج - سيارتج سي 180 اربعه سلندر صغيره

تبديل راديتر ليش ؟؟ اذا مقظوظ ينلحم و اذا مسكر يتشيش (تنظيف الراديتر )
و بالحالتين بعشر دنانير او 12 بالكثير ويرد يديد
راس المكينه طقم اصلاح راس مع الكازكيتات 18 دينار ومخرطه 15 - 20 دينار اذا فيه لحيم المنيوم

يبدا اللعب بشغل الايد - المفروض 50 لي 60 دينار بالكثير بعد
الظاهر حسب عليج شغل ايده فوق ال 200 دينار - هذا اذا هو اصلا بدل القطع صج لانه المفروض ما تخترب بهالسرعه هذي
لازم يعطيج فواتير قطع الغيار وفاتوره قيمه شغيل ايده !!
 

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
السلام عليكم

والله احترت.. الحين ابدل الماكينه ولا اصلحها ولا شسوي :(

سيارتي مرسيدس سي 180 موديل 2005

من البداية كان اكله الكومبريسر يخترب و بعد ما صلحتها و خلصت الحين دور الماكينه و كل واحد يقولي حجي.. و انا ضايعه بصراحه و بشويخ اسعار خياليه.. اللي 300 و اللي 500 ماني عارفه شنو الحل

اشتري ماكينه ولا اصلحها؟ ولا ابيع السيارة؟

اختكم مريم :(
 
التسجيل
11 يناير 2009
المشاركات
353
اختي مريومة ركبي ماكينة من السكراب مع كفالة والله احسن الماكينة تخلط تصلحينها يطلع خراب ثاني ولا تعورين راسج مالج الا السكراب اريح واحسن
 

GTO

عضو نشط
التسجيل
11 يناير 2009
المشاركات
488
السلام عليكم

قبل فتره بصيطه (شهرين) كانت سيارتي تخلط والسبب راس المكينه
والسياره مرسيدس sl 300
وتصليح راس المكينه كلفني (شغل ايده 50 وكانت محتاجه غازقيت) يعني التكلفه الاجماليه بحدود ال70

القراج الي صلحت عنده ما اعرف اسمه بس اعرف مكانه
شويخ-مقابل سوق لندن-بجانب سوق رامز-يكون رامز على اليسار ولفه القراجات على اليمين وهناك في قراجات كلها سيارات قديمه اهو الوحيد يصلح مرسيدس وماعندي علم اذا مايصلح موديل حديث

ووقت التصليح اكتشفت انه المكينه فيها صدى وبدلتها وسعر المكينه 300 وشوي
ودام سعر ال6 سلندر 300 اكيد ال4 سلندر ارخص

وتبديل المكينه بالسكراب أو شويخ-دوار الاكسجين-شارع مرسيدس

وان شاء الله اذا لقت الفواتير بحط اسم المحل ورقمه
واي استفسار انا جاهز
وشكرا
 

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
انا بصراحه قاعده افكر اوديها الوكاله و يصير اللي يصير.. على الاقل اضمن ان كل شي يحطونه اصلي حتى لو ماكينه يديده :(

مادري.. الوكاله احس المكان الوحيد اللي اقدر اثق فيه.. بس مادري هل يعطون كفاله بعد التصليح او تركيب مكينه يديده؟

انا احتمال اراجع الوكاله باجر و اشوف سعر المكينه اذا متوفره بعد ما ادري.. و اشوف شنو سالفه سيارتي.. لان مو مستعده كل شوي اصلح فيها والله قطيت عليها اكثر من قيمتها !!

علما بان السيارة استعمال 4 سنوات بالضبط.. و ماخذتها من الوكاله !! يعني ما كانت مستعمله حتى

و ما ادري شنو سبب خراباات هالسيارة و تكون مفاجئة..

اتمنى احد يساعدني هل اوديها الوكاله افضل حل؟ حتى لو السعر غالي.. بس ارتاح بالنهايه :(
 

الوالي@

عضو نشط
التسجيل
23 يونيو 2009
المشاركات
219
في كراج في الري اسمه كراج الناصر يصلح مرسيدس

اذا خالطه السيارة ماي وزيت سعره بحدود ال 80 مع كفالة

العنوان قبل لااوصل الميرة وانا جاي من الجسر عند الاشارة يمين بعدين يجي دوار شهرزاد بعد يمين يكون الكراج على اليمين لوحته زرقة كراج الناصر
المعلم حسن لبناني
 

ابو عوالي

عضو نشط
التسجيل
22 أغسطس 2009
المشاركات
55
انا راعي سكراب والكلام إلي تقولينه صحيح عن تصليح السياره لأن الماكينه سعرها من 700 دينار الى 1000 والاخوان يعتقدون ان السياره موديل 95 يكون هذا سعر التصليح الي من80 الى 100 السياره موديلها فوق 2003 يعني كل شي بالماكينه غير وانا انصح تودينها عند كراج السره بالشويخ ناحية شركة المطاحن اسم الشخص إلي هناك وليم هندي وإلي معاه اغلبهم كانوا بالبشر يشتغلون
 

ابو عوالي

عضو نشط
التسجيل
22 أغسطس 2009
المشاركات
55
اشكرك على الرد لكن سعرها بالوكاله وتصليحها والله ماأعرفه نصيحتي لكي تودينها عند كراج السره لانه بصراحه هو الشخص الي بعيني الي يفهم مع الإحترام للإخوان واذا تبين ماكينه إن شاءالله ماأقصر وشكرا
 

free-boy

عضو نشط
التسجيل
7 مارس 2010
المشاركات
25
افضل انج تبدلين المكينه و حرام انتي تروحين الصناعيه خلي اخوج و يكاسرهم يعني مثل قال 200 يقول لا 100 اصقليهم صق مافي

و اي تصليح بكل السيارات اذا بطل راس المكينه لازم يبدل قازقين الي هي مثل شريحه كبيره بين راس و المكينه نفسها تسوي مثل عازل بينهم
 
الحالة
موضوع مغلق
أعلى