شي ضروري خصوص الايفون 4 بسرعه دشو... | المؤشرنت
   

شي ضروري خصوص الايفون 4 بسرعه دشو...

الحالة
موضوع مغلق

شقورة

عضو نشط
التسجيل
30 أبريل 2010
المشاركات
140
الإقامة
ربي يحفظ عروستنا الكويت
يا جماعه انتو قاعدين تدفعون حق الايفون4
ب500
ب400
ب300
ياجماعه حطو عقولكم براسكم يعني انتو حطو ابالك لو (ايفون 4) زين جان كل الي شروه ماباعو ياجماعه مو كل شي نزل اهو زين وخلاص وموضه ياجماعه مدام قاعدين تدفعون عال 400 و 500 و300 دينار عالفاضي واخر شي مقفول او بس موضه وعلى بنه يديد ومادري شنو شوفو شنو استعماله


ياجماعه ترى اذا ايفون 4 زين جان الكل استخدمه وماباعوه


ياجماعه انا وحده مو قاصده اني اكسر بحلالكم او شي لا والله
بس ياجماعه التجاره شطارة مو لعب على الناس وبالاسعار

وسامحوني ياجماعه ...
 

com@live.com

عضو نشط
التسجيل
18 أغسطس 2010
المشاركات
13
والله ياختي عن نفسي طلبة من ابل بريطانيا واهوه عندي والحمدالله

طبعا الي خلاني اطلبه من النت اهوه الاسعار الي عندنا والعياذ بالله

(( الكل عقله براسه والكل يعرف خلاصه ))
 

اقشر

عضو نشط
التسجيل
18 أبريل 2009
المشاركات
122
في وحده من الاخوات في منتدى ثاني اشترته من شركه في الكويت 440 دينار وبعد فتره قصيره باعته بخساره مو اقل من 100 دينار طبعا هالمبلغ ياب لها الحين وهو في عزه لكن لو مستعملته بعد شهر مثلا جان يمكن خسرت 200 دينار يعني حرام هالمبلغ يروح على استعمال تلفون.

الاسعار مبالغ فيها وشركة ابل تتحمل المسئوليه لانها نزلت كميه قليله في السوق وطبعا اللون الابيض لي الحين ما نزل وهذي سياسة الشركه عشان تخلي منتجها يحافظ على سعره.

الحمدلله سعر الايفون في نزول وان شاء الله بعد فتره قصيره راح ينزل اكثر ويصير بالسعر المعقول لو هالملاقيف يركدون شوي.

لكن اللي مستغرب منه انه في عدد لا باس فيه قاعد يستعمله وبعد اقل من اسبوع يعرضه للبيع ليش؟؟؟؟؟ عشان الربح ؟؟؟؟ لا مو عشان الربح لانه شاريه بسعر السوق واكيد راح ينزل سعره بعد الاستعمال.

وعلى فكره من ناحية النظام والاستعمال ما يفرق وايد عن ال 3gs

وسامحوني على الاطاله
 

ابو بندر2000

عضو نشط
التسجيل
27 يناير 2006
المشاركات
1,752
الجهاز حلوو ومافيه كلام لاني استعمل الايفون من 4 سنوات من ايام ال3g
لاكن السعر حده غالي يعني الي معاشه 1200 ويبي ايفن ياخذ ثلث المعاش
وهالشي فوق الطاقه والعيال البيت اولا بهالمبلغ الي يروح علي تليفون طبعا
انا اتكلم عن الفقير مثلي ابو معاش انا الي الله رازقه وال1000 عنده جنها دينار
هذا خل يدلع نفسه ولا يهمه السعر .
الجهاز يستاهل بس مو بهالمبلغ اضن اني راح انطر شهر لين تتعدل الاسعار
وخلني علي ال3gs لين تنزل الاسعار وتنزل الدفعه الثانيه الي مافيها مشاكل اتصال
وتقطيع في المكالمات .
 

شقورة

عضو نشط
التسجيل
30 أبريل 2010
المشاركات
140
الإقامة
ربي يحفظ عروستنا الكويت
والله ياناس تسلمون على مشاركاتكم الطيبه
اخواني ترى صج لو واحد معاشه يوصل ماشاء الله لي 1000
بس ياجماعه الي عنده عيال ومراه وبيت ومسؤولية
والله حرام تدفعون فوق طاقتكم على تليفوني بس موضته الحين وبعد 3 سنوات اتغيرونه
انا هذي من وجهت نظري ولا اشرايكم يا اخوان
 

ايطالي 71

عضو نشط
التسجيل
10 يوليو 2010
المشاركات
131
ياريت بعد 3سنوات يغيرونه
مجرد ماينزل تلفون يديد على طول يبيعونه ويشترون غيره بظرف 3 شهور مو 3 سنوات
 

bo7anon

عضو نشط
التسجيل
6 أكتوبر 2007
المشاركات
421
شكو تنزلين يااختي هالمواضيع ترى كسرتي حلال ناس وايد بكلامج
 

بث مباشر

عضو نشط
التسجيل
14 مارس 2009
المشاركات
555
شقوره كل ألي تقولينه صح ١٠٠ ٪ أسعار ألي هني نار وفي نصب كبير وانا اقولج عن تجربه الأيفون مافي مثله من اي ناحيه وسالفه انا ينباع بكثره اقولج ليش اغلب الموجودين هني يشترون كميه من برا تلقينهم يستعملون واحد ويبيعون الباقي وأسعار مثل ما قلتي نار وبعضهم يبيعهم كلهم بقصد التجاره وبعدين الناس ألي هني وشرا تيلفون بقيمة ٣٠٠ و ٤٠٠ و ٥٠٠ هم السبب ألي رفع سعرهم عند التجار يشترون ولا عندهم عقل مع احترامي للكل مو قادرين يطلبون من برا بالنت وينطرون ٣ اسابيع ولا النصابين ألي عندنا أنا واحد من الناس ما كنت اعرف اطلب من برا لغايه لما لقيت واحد من الشباب في مزاد الكويت جزاه الله خير حاط شرح طريقه الطلب من برا ورحت فتحت حساب في اراميكس وكان عندي فيزا وطلبته وراح يوصل خلال ١٠ ايام ولا الحرامين المستغلين ألي عندنا الله يكافينا شرهم .
وموفقين خير
 

بث مباشر

عضو نشط
التسجيل
14 مارس 2009
المشاركات
555
شكو تنزلين يااختي هالمواضيع ترى كسرتي حلال ناس وايد بكلامج


وانت شنو حارك البنت معاها حق بكل ألي تقوله انت شكلك واحد منهم
 

شقورة

عضو نشط
التسجيل
30 أبريل 2010
المشاركات
140
الإقامة
ربي يحفظ عروستنا الكويت
يااخواني انا مااكسر بحلال احد

لكن ياخوي الواحد اذا يبي يبيع يبيع بسعر معقول
انا هذا الي اقضده مو قصدي اني اكسر بحلالك ولا بحلال غيرك يا bo7anon

ياجماعه مشكورين واااااااايد وااااااااايد على ردودكم الطيبه
بس بصراحه والله انا مو قصدي اني اكسر بحلال احد لا والله
الي قصدي اهو الاسعار مو حلوة ترتفع بزياده 500 وال 400 و300

وكله علشان تليفون

يعني لو الواحد شاري اثاث

نقول شي زين
 

اقشر

عضو نشط
التسجيل
18 أبريل 2009
المشاركات
122
والله ياناس تسلمون على مشاركاتكم الطيبه
اخواني ترى صج لو واحد معاشه يوصل ماشاء الله لي 1000
بس ياجماعه الي عنده عيال ومراه وبيت ومسؤولية
والله حرام تدفعون فوق طاقتكم على تليفوني بس موضته الحين وبعد 3 سنوات اتغيرونه
انا هذي من وجهت نظري ولا اشرايكم يا اخوان



3 سنوات؟؟

هذاك اول 3 سنوات

الحين الجهاز حده سنه واقل من سنه

وعلى طول يروح موديلها وينزل موديل ثاني
 

اسير الشوق1

عضو نشط
التسجيل
6 يناير 2010
المشاركات
73
اذا في ناس تاخذ وتحب الكشخه ....

وهذا فيها رزقت ناس ( شقوره ) ما يصير الي كتبتيه ....

والله لا اشتري فيهم ولا ابيع ... لاكن في ناس شغاله بهالشي ...

الله يهديج ...

وتقولون ليش الديره جذي ...

من الحسد ... الرازق بالسماء والحاسد بالارض ...
 

bo7anon

عضو نشط
التسجيل
6 أكتوبر 2007
المشاركات
421
لاياجماعه انتوا فاهميني غلط

ومنو يقولج اني منهم لايبه حشا والله لوببيع ابيع بسعر معقول والله عسى ماشر كلامج كله صح بس لاتقولين عنهم نصابين وحراميه مايجوز اللي ببيعه ب500 طاف شحقه نعصب ونقول عنه حرامي كيفه حلاله وكيفه اللي بيشتري خل يشتري المهم لاتعصبين وتنزلين موضوع شحقه وشهالنصب مايشوفون شر

واتمنى محد يفهمني غلط
 

دكتور الليل

عضو نشط
التسجيل
9 سبتمبر 2008
المشاركات
322
شباب وشابات

قرقيعان بلش

وكلامكم هم قرقيعان اشدعوه قلوبكم شايله هل كثر

المنتدى صاير مثل مجمع تجاري فيه محلات دش اي محل وشوف البضاعة وكاسر بالسعر

عجبك اشتر ما عجبك الف محل ثاني موجود وانشاء تحصل الي يرضيك

الموضوع كان وجهة نظر والردود نفس الشئ بس الحساسية زايده شويه

اسعار نار لا شابه ضو ما عليه كلام بس ساعات الزبون اهو يفرض الشروط

وانا وانتو زباين نحط شروطنا نشترى بالسعر المعقول وبهالطريقة الي يحب يعرض

بضاعته راح يوازن بسعر السوق

الله يوفق الجميع وعساكم من عواده ( والسموحه من الجميع )
 

soud_ss

عضو نشط
التسجيل
15 أغسطس 2007
المشاركات
186
السلام عليكم
كل واحد عقلة براسه ويعرف خلاصه
الجهاز قوي ويستاهل الي بيستعمله لفتره طويله يعني يحلل سعرة موغلط
والافضل انك تشتريه من بره الكويت وتشتري معاه كم واحد عشان تبيعهم وتقلل من تكلفه الجهاز
 

Kaubar

عضو نشط
التسجيل
24 أكتوبر 2009
المشاركات
258
للبيع نوكيا n80

نظيف استعمال 5 سنين
 

CENTRALBANK

عضو نشط
التسجيل
8 أغسطس 2005
المشاركات
1,656
الصراحه الجهاز عجيب وطبعا انا استخدم ال3gs ..وانا اذهب الى ما قاله الاخ دكتور الليل ..بس اشوف مو حلوة ان الواحد يتهم الناس بالنصب يعني مثلا الجهاز يطلع على اللي يطلبه من لندن 280 او 290 وبيربح فيه 40 او 50 او 30 مو حرام ..مو معقوله يبيع بسعر التكلفه..واحل الله البيع..طبعا الربح مقابل ان الشاري جمد فلوسه شهر غير الفايدة اللي على بطاقة الائتمان والفرق بين سعر الصرف بالبنك وسعر الصرف في محلات الصرافه..شوفوا المحلات اضطروا لتخفيض اسعارهم لان الشباب قاموا يستوردون الاجهزة ..ولا جان شفتوها على 600 دينار لا والناس تشتري..وطبعا كل واحد يمد رجوله على قد لحافه حتى لو بيشتريه من لندن يعتبر مو رخيص .
 
الحالة
موضوع مغلق
أعلى