يقولك المندوب ياخذ من 2-3 دنانير .. شريت والا ما شريت | المؤشرنت
    يرجى من جميع المعلنين عدم نشر أكثر من موضوعين على الصفحه الأولى حتى لا يتم إلغاء العضويه وحذف المواضيع ويفضل أن تكون جميع مشاركات المعلن في موضوع واحد

يقولك المندوب ياخذ من 2-3 دنانير .. شريت والا ما شريت

أعصار

عضو نشط
التسجيل
27 مارس 2009
المشاركات
326
للاسف يعمد البعض على الربح من خلال سالفة المندوب ... حيث تفاجأ ببضاعه سيئة الصنع .. وعندها لا ترغب باقتنائها بكل تأكيد .. ولكن لن يفوت التاجر الربح حيث يطالبك بسعر التوصيل .

- اذا كنت ساكن في الديره سيقول لك المندوب قادم من الجهراء يعني 3 دك
- اذا كنت ساكن في الجهراء سيقول لك المندوب قادم من الديره يعني 3 دك

هذا ما حدث لي تماما وبالضبط ... حيث اضطررت لدفع 3دك لمندوب وهو هندي الجنسية .. رغم انني لم اشتري لسوء البضاعه ( سوء التقليد )

وفكرت قليلاً كم سيربح التاجر من قضية المندوب وسعر التوصيل .. خاصه وانني لم استفد شيئا حيث لم تعجبني البضاعه لسوئها في ظل عدم عرض التاجر للصور الحقيقيه للبضاعه !!

فقط أحبب أن الفت عنايتكم لتلك المسئله حتى لا تقعوا بالفخ كما وقعت .. وقد يردع هذا الموضوع لمثل هؤلاء التجار .
 

بحريني1972

عضو نشط
التسجيل
26 مايو 2009
المشاركات
3,229
الإقامة
الكويت الحبيبة
هلا فيك

حبيت بس اني اضيف تعليق بسيط علي الموضوع

اول شيئ لازم احنا ما نلوم المندوب لان شغله بس توصيل الطلب من بيت البائع الي المشتري ولازم يأخذ فلوس توصيل الصراحه هذا حقه صحيح

بس انت لازم تلوم صاحب البضاعه لانه لو حاط لها وصف صحيح وصور صحيحه جان الواحد يعرف قبل لا يطلب ان البضاعه تناسبه او لا

مجرد راي وان شاء الله انك تتقبله بصدر رحب
 

أعصار

عضو نشط
التسجيل
27 مارس 2009
المشاركات
326
هلا عزيزي البحريني .

أولا ..... المندوب اهو سايق عنده في البيت :)

الظاهر ما وصلت الصوره الي ابي اقولها بصورة صحيحه... والي حبيت احذر الناس منه .

عزيزي البحرينيي ..البعض يعرف ويعلم تماما عن سوء بضاعته ويجته للربح عن طريق التوصيل 3دك للتوصيل يعني لو عنده 10 توصيلات باليوم فقط = 30 دك

يعني بالشهر ربح 900 دك

ومعاش السايق الهندي 70دك ... وتكلفة السياره القديمه السكراب بالشهر كم ستكون ؟!

بكل تأكيد ربحه سيكون كبير .. يعني سواها سايق أجره .

ويا ليت لو كان التاجر عارض الصور الحقيقيه للبضاعه .. لا عزيزي لم يعرض الصور الحقيقيه للبضاعه .. وحتى وان كان عرض الصور .. فالصور خداعه عزيزي .. سوء البضاعه وهي بالمناسبة تقليد لماركات .. كان فاحش السوء .. وهو يعلم بأن المشتري لن يقتني مثل تلك البضاعه لذلك يربح بالتوصيل .

وين ما كنت يقولك 3دك

بالجهراء 3 ... بالديره 3 ... وبالفحاحيل 3 ... ويقولك بعد ما يعرف عنوانك انه السائق قادم من منطقة بعيده عنك :)
 

s351

عضو نشط
التسجيل
8 سبتمبر 2008
المشاركات
35
صح كلامك

طالعيلي بسالفة المندوبين واهم سواق عندهم
 

بوحمود1

عضو نشط
التسجيل
28 يناير 2008
المشاركات
525
الإقامة
الحبيبة الكويت
اخوى يقول المثل " اللى اوله شرط آخره نور "

اذا كنت تعرف ان المندوب ياخذ اجرة التوصيل سواء شريت او ماشريت فلا تلوم احد الا نفسك لانك مو مجبور على الشراء من الاساس ،، وللعلم انا عمرى ما بعت ،،، كله اشترى علشان لا تقول هذا بياع وعنده مندوب ،، وبالنسبة لى انا ما اشترى من اللى يبيع وعنده مندوب ،،، طريقتى بالشراء اما انه الشخص يجينى للبيت او نتواعد مكان واخذ البضاعة
 

أعصار

عضو نشط
التسجيل
27 مارس 2009
المشاركات
326
بالضبط يا شباب

لحد يرضى بقضية المندوب .. لانه البعض بالمنتدى قام يستغلها تجاره ... يعتمد على السايق الي عنده ومن كل واحد 3 دك

وهو بضاعته تعيسه حدها .

والاحسن تشترط اذا ما شريت شي ما اعطي للمندوب... والي واثق من بضاعته وجودتها راح يوافق ... او انه اهو بنفسه يروح له وطبعا للاسف بعض التجار اهني ما يرضون ويبون المندوب يروح له

حبيت لكم النصيحه بس ... تحياتي .
 

أعصار

عضو نشط
التسجيل
27 مارس 2009
المشاركات
326
لا لتجارة الخداع الذين يعتمدون على ايهام الناس ببضائع ممتازه .. لينصدموا فيها .. وليدفعوا تكاليف سايقهم 2 او 3 دك على حسب المناطق ;)
 

بووبدر

عضو نشط
التسجيل
6 أغسطس 2009
المشاركات
210
الإقامة
الكويت
والله لو اني منك ما اعطيه وله فلس اذا البضاعه مو نفس الي طالبها من جيث الجوده
 

اروتيسا

عضو نشط
التسجيل
8 مارس 2009
المشاركات
489
السلام عليكم ورحمه الله وبركاته

صبحكم الله بالخير والعافيه

يا شباب ان بعض الظن اثم

بعض البشر تجيه البيت ويقول نزلي من السعر عقب ماتتفق معاه ويزعل ويرد
بدون فايده
احس حل
مثل ما قال الاخ ابو حمود بشرط اما يجيك البيت او تتواعد معاه

انا من الناس اللي وصلت للجهراء وانا ساكن الاحمدي وتواعدنا بعد صلاة العصر ودقيت عليه وقلت له انا جايك وعقب ماوصلت الجهراء ادق عليه وما يرد قعدت حوالي نص ساعه ورديت البيت وعلى الساعه 11 في الليل دق علي وقال لي راحت عليه نومه وتواعدنا بالصليبيه وجيته

اما سالفة المندوب مفروض تشرط عليه انه هو يحاسبه او يخصم من السلعه

وجهة نظر
 

أعصار

عضو نشط
التسجيل
27 مارس 2009
المشاركات
326
حتى تعم الفائده ... وحتى لا يخدعونا التجار اصحاب عبارة ( شريت والا ما شريت تدفع حق المندوب ) ... وحتي لا يتم التجارة من واقع ال3 دنانير رسوم التوصيل .. لانه التاجر الواثق من بضاعته لا يشترط دفع مبلغ 3 رسوم توصيل في حالة عدم الشراء .
 

كوويتي

عضو نشط
التسجيل
26 نوفمبر 2009
المشاركات
4,398
موضوع رائع

وانا اقول نفس ماقالو بعض الاخوان ان بعض الظن اثم فية ناس بس جذى تبي تشوف البضاعة ولا تدفع شى و المندوب يترزق الله اقل شى حق بانزينة انا صارت وياي شخص طلب شغلة مني و لما وصل المندوب جان يقول خلاص مابي ...!!! مني و الطريق يقول شريت من براا زين ليش تخلى المندوب يجيك ..!! ودفعت حق المندوب بانزين من جيبي والله و كان اول يوم رمضان تخيل ها المندوب اللى يترزق الله جم دعوة دعاء على الشخص .. الله يهديهم ان شاء الله و المندوب يترزق الله حالة حالنا تجار او اشخاص
 

أحمـــــــد

عضو نشط
التسجيل
12 أغسطس 2005
المشاركات
1,309
بارك الله فيك على الموضوع

وابتلشنا بسالفة التوصيل

أنا والله أخذت عطورات من صاحبة ذوق

والله العظيم لا قالت مندوب ولا قالت عموله

عسى الله يوفقها

وأخذت والله من الخالدي أقلام ما قال عموله ولا مندوب

أنا من يقول مندوب أقوله مشكور
 

صقر3

عضو نشط
التسجيل
25 مارس 2010
المشاركات
713
مافي تحديد اسعار للمناطق المطلوب وزارة التجاره تحديد سعر لتوصيل لجميع المناطق يعني تحسب في الكيلو متر مو علي المزاج
 
التسجيل
15 مايو 2010
المشاركات
329
والله ياخوي مالوم الا يلومك
والله اتمنى ايب سايق عشان افتك بس همن اقول رزقه
ومرات اتورط ادفع من جيبي تلقى الزبون مايرد عليه وهو لازم ياخذ حقه
فقمت اوفر اقول اللى يبي يستلم من البيت حياه
والله اريح لي وله عشان ماظلمه
ويعاين

والله يعوضك
 

وليد السعيدي

عضو نشط
التسجيل
24 سبتمبر 2006
المشاركات
1,089
الإقامة
الكويت
السلام عليكم
انا اشوف البضاعة بالصور ولكن مو من حقي اني اشوفهاعلى الطبيعة
والله يا اخوان واحد عارض جهاز للبيع ولما واعدتة طلعلي مو مثل اللي بالصورة حيل بعيد
واخر شي قالي عط السايق اي شي جنة يشحذ مع العلم اني طلعتله على الدائري السابع علشان اهون علية المشوار
 

بوغيث

عضو نشط
التسجيل
17 أغسطس 2010
المشاركات
178
ماني ملزم اعطي المندوب حتى لو اشتري من البضاعه
 

فهد97788

عضو نشط
التسجيل
12 أغسطس 2007
المشاركات
307
خاصه وانني لم استفد شيئا حيث لم تعجبني البضاعه لسوئها في ظل عدم عرض التاجر للصور الحقيقيه للبضاعه

بهذي الحاله والله ماياخذ فلس لأن بالطريقه هذي مافيها حرام ولا شي تخاف منه

اطرده لأنه مغير البضاعه اللي عارضها
 
أعلى