عندي 6000 أخذ bm ولا مرسيدس ولا شرايكم ؟؟

[مسـتـثـمـر]

اخوي فودري انت سبق وطرحت الموضوع وكان عندك 7 الاف مو 6 وين وديت الالف ها

ورديت عليك وقتها وهذا انا اعيده بالتوفيق

اسمحلي اخوي اذا دشيت عرض

عدني مثل اخوك ... شلك بالسكاريب مواتر مدقوقة دق الله اعلم بحالتها 2002 او حتي 2009 وبتدفع فيها 7 الاف

اشور عليك وانت بكيفك

اخذ لك تويوتا fj 2010 او تصبر كلها شهرين ينزل 2011

اسود اوسلفر موتر يبض الوجه وكوووووووووول

قدم الــ 7 الاف ويبقي عليك تقريبا 1500 قاصدهم او دبرهم منيه او منيه

تركب موتر جديد علي ايدك وتتهني فية مو كل يوم شابه لمبة من هالمواتر القديمة

ورايح راد علي الشويخ


وتقبل مروري

 

[يوسف_007]

السلام عليكم ورحمة الله وبركاته،،،

أدخل على هذا الموقع وراح تدعي لي وتبي تحصل كل ماترغب بمعرفته


أدخل على منتدى السيارات العام وبعدين أدخل على المواضيع الثانيه


ويمكن يخليك تكون فني درجه أولي وتجاوب على الأسأله بالمنتدى بالتوفيق


​

www.assayyarat.com/forums

 

[ابو راشد 123]

عندي همرh3 مديل 2006 اسود كامل المواصفات الدرجة الاولي ت 66115321

 

[نبض الهواجر]

السلام اخوي المرسيدس ممتاز بكل المقايس

بس حرام سياره 6000 دينار مستعمله ولاتنسي داخلين على سنة جديده 2011

بصراحه تبي الكشخه المرسيدس كشخه بس الموتر اذا تغير شكله طاح سوقه

طال عمرك تبي مستعمل وتقول وانته بكرامه والجميع ( تاهو او يكون 2007 اذا عندك زياده اخذ موديلات فوق )

او وانيت من الوكاله 2011 سلفرادو 6600 كاش والايام هذي عروض وبهذل هيشته ولا يتاثر

واذا تبي سيارت المجتمع الخليج ( فورد فكتوريا ) 5999 وكرفهها 100 سنه سالنيي عنها انا عسكري عندي كرف موطبيعي سفر دول الخليج وفوق هذا دوام يومي في جليعه بس اهم شي السيرفس تسويه

 

[ميسي]

افالون افالون افالون

اوريون اوريون اوريون

حرام عليك حرام عليك حرام عليك

 

[فودري]

ليش ياميسي حرام عليك انت

 

[دعله]

انا انصحك تاخذ لاده 2011 ب 1500 وريح بالك لوووول لا ولد عمي خلك مرسيدس احسن

 

[اليوفي الثاني]

:d

فيه مثل يقول يدلك على الخيل اثمانها قبل كان الخيل تفرق وهي حيوان مخلوق لكن يفرق من خيل لخيل الله يهديكم بس الرجال يقول مرسيدس او بي ام وتقولون كامري كاني اشوفه يقول ابي فرس اصيله او حصان اصيل وانتو تقولون لا اخذ كديش يبه كامري منو يركبها سياره فاشله بجميع المقاييس الكيا والهونداي احسن منها والدليل ان الكامري 2006 اغلا من كامري 2007 لانها سياره فاشله بس ماخذه سمعه وكل التيوتا فاشل ادري راح يهاجموني كثير لكن انا مقتنع برأيي التويوتا وصل للقمه وبدا بالنزول تدريجياً واكبر دليل المشاكل اللي كل يوم بسيارات تويوتا راحت عليه التويوتا يبه عيش حياتك بس لاتاخذ موتر الا انت واثق منه لاتشتري على عماك نفس الناس الدايخه اخوي شرا سياره بدون فحص على كلام الرجال ويحلف له ومدري شنو وانا مابي ابيعها بس ابي اروح دراسه تدبس بعد اسبوع قامت المكينه ويقول حسبي لله عليه اهم شي تفحص وتتاكد ان الموتر سليم واستعمالك يكون محترم توكل الله واخذ اي موتر ببالك على استعمالك انت اذا بتطق مطبات وبتلعن خيره ورجلك حاره على الموتر اكيد بيزعل
وبيسحبك للصناعيه وتقبل مروري

متاكد فاشله الكامري انت من صجك يخوي :d

يلا ورنا وين ال2006 اغلا من 2007 على 4 سلندر

يحليلك اخوي
الحين اللي يشتري تيوتا دايخ ..... يمعود الدنيا كلها تستعمل تيوتا انت وين عايش اخوي لا يكون بلندن بس

 

[و111حد]

اخوى اترك عنك الكامرى والاوريون انا مع الاخ الى قال اخذ افالون 2011 القصة الجديدة
انا اخذتها بسنة 2006 واستعملتها 5 سنوات راحة وراسية وعملية وواسعة كثير
وبعتها من شهر بسعر 5 ألاف xl الدرجة الثانية ماخذها قبل ب 8600دك
والله متحسف لانى حبيت استعمالها ماخليت ديرة ما سافرت لها بطريج شوى وتنام من الهدوء
لاصوت هوا ولا اصوات فى الديكور وغيره ماكينتة قوية حيل اذا انتا ماشى بسرعة 40كم
وضغطت الدعسة حدها عليها طمره تخوف

وبنسبة لاستفسارك

اخوى عنده مورسيدس e240 موديل 2004 وكالة على ايدة لليوم ماشى 164.000كم
مرتاح منة كثير وما يشتكى منه ابدا نفس كلام الاخوان مثل استعمال الكامرى
ومكيف ثلج موتر حلوه سياقته ورزين يعودك على السياقة بهدوء وثقل
فرق عن الكامرى والاوريون بس يطامر ويفز < جنك ملقوف

انا اشور عليك بهسيارتين بنسبة لفلوسك
بس حرص وابحث عدل وافحص زين واخذ الى استعمالة حشمه وابتعد عن المكاتب
تنزيل عداد من امه

حاول تاخذ سيارات شخصية وانت وحظك
لاتطيح بلى مكروفات كرف مناطق بعيد ودوام بعيد وراعى قز وشاليهات وبر ورجلة ثقيلة على السيارة ومايعرف وين الوكالة شغلة كلة كراجات وبنشرجية
فية سيارات يسمونها بنت البخار او صاحبها عندة كذا سيارة غيرها
او الدوام صارفين لة سيارة وفية ناس مو راعى قز دوانية ودوام قريب للبيت وبيتة بلمناطق الداخلية
والى يقهرك ان سعرهم قريب لبعض ويمكن النظيف ارخص مرات < تصدف
بس عشان ما تندم

وسلامتك اخوى