عندي 6000 أخذ bm ولا مرسيدس ولا شرايكم ؟؟

الحالة
موضوع مغلق

فودري

عضو نشط
التسجيل
12 أكتوبر 2008
المشاركات
610
الإقامة
الكويت
يعطيكم العافيه


ياجماعه ابي النصيحه عندي 6000 كاش ومحتار بصراحه ... بين مرسيدس ام عيون
او بي ام 530i ابي منكم النصيحه
واذا في صوبكم سيارات للبيع بهالسعر لاتبخلون علي ... بس ترا مستعجل يعني هاليومين ... ولا تهونون
 

Se7T

عضو نشط
التسجيل
25 يونيو 2009
المشاركات
1,079
البي ام لا تقربله من 2002 الى ال 2005 مشاكل بالكهربه والسيارة ماتنفع نهائيا

مرسيدس افضل ومشاكله قليلة جدا ومركوبة حلو وسعرة بالبيع افضل من البي ام

البي ام شيلة من بالك
 

bo_sultan

عضو نشط
التسجيل
9 أكتوبر 2008
المشاركات
296
البي أم من أول ماتم تصنيعة و أهو خرابات حجي روح أي ديرة بالعالم تلقي مرسيدس بجميع موديلاته و بجميع الظروف الجوية مايهزة ريح

بس من تجربة البي أم مريح بالقيادة و ناعم و سلس

و تصليحة غالي و قطعة أيضا غالية و الله يعينك علية اذا طاح واير أو احترق واير بالغلط يعفس لسيارة كلها

و المرسيدس كد و مد و لا تخالف البشر معروف و قطعة غالية لكن عمرها طويل و عسالله يبارلك في مشتراك مقدما و اتعب علي وارد البشر أو الخليج و حاول كثر ماتقدر تبعد عن التجاري لانة التجاري مو اختياري :)
 

sound blaster

عضو نشط
التسجيل
13 أبريل 2007
المشاركات
1,003
الإقامة
الكويت
البي ام سيارة تخليك تداوم بالصناعيه .. ومو حق استعمال كلش .. ابعد عنها ولي ينصحك فيها والله ماعنده سالفه ..

أنصحك بين المرسيدس واللكزس .. والمرسيدس كصيانه أفضل وأرخص .. واللكزس يمسك سعره بعد البيع

بالتوفيق ..
 

Dived

عضو نشط
التسجيل
2 يناير 2010
المشاركات
119
اخذ بي ام 550 2006 وفوق اذا تبي تستمتع
 

@H@

عضو نشط
التسجيل
19 أبريل 2009
المشاركات
930
سلام عليكم ...

ام اعيون ....

وتمتع بالراحه ..
 

sound blaster

عضو نشط
التسجيل
13 أبريل 2007
المشاركات
1,003
الإقامة
الكويت
اخذ بي ام 550 2006 وفوق اذا تبي تستمتع

صَح راح يستمتع الظّهر بفرفرة كراجات الشّويخ بشارع النّصابين عفواّ شارع الألماني ..

حقَا سَيكون للصّيف طَعمٌ آخر
 

bamk555

عضو نشط
التسجيل
17 مارس 2004
المشاركات
395
الإقامة
الكويت
أخوي أخذ سيارة من الوكالة موشرط تاخذ بي أم أو مرسيدس أخذ تويوتا أصفار أحسن من سيارة قديم وكل يوم رايح كراج هذ ألماني يعني سيارة جديدة مكفولة أحسن من سيارة مستعملة
والله يوفقك
 

xxx

عضو نشط
التسجيل
30 أغسطس 2008
المشاركات
471
نصيحه
اخذ شبح وارد اليابان
 

560SEL

عضو نشط
التسجيل
13 مارس 2008
المشاركات
731
يبه مرسيدس ام عيون 2005 او 2006 وريح نفسك صيانته كامله نصف تكلفة صيانة البي ام
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
ممممممممممممممم
عدل كلامكم
وانا الكل يقولي ان المرسيدس اجود من البي أم ...
الحين عاد تعال دور وارد البشر ودور النظيف منهم
 

q8yvip

عضو نشط
التسجيل
11 أبريل 2009
المشاركات
253
حبيبي اخذ مرسيدس وانا قاعد ادور نفسك والله صارلي 5شهور ولازم تتعب موتاخذ اي شي اخذي شي مضمون بعد الله سبحانه وانا قاعد ادور موديل 2003 او 04 الكل مدحها لي قالولي كامري بس الماني كد ومد اتعب عالزين وارتاح والله يوفقك
 

syassi

عضو نشط
التسجيل
18 فبراير 2009
المشاركات
109
نصيحتي اشوي بعيده عن اختيارك

السلام عليكم

انا لو منك اخذ هال 6000 ودش وكالة الساير وحطها مقدم حق افلون الجديده 2011 متبدل شكلها وقيمتها 8500 وخلي 2500 اقساط وقسطك 50 دينار حتى معاش خدامتكم اكثر منه ودقها ست سبع سنوات وانتا مرتاح او خل القسط 250 دينار على سنه
وبعد خمس سنوات تبيعها ب 4500 وانتا تضحك اذا مداريها
بالنسبه للمرسيدس تبدل شكلها الجديده ماتصيدها حتى ب 16 ام عيون والبي ام نفس الشي فا هذه شوري لك وانتا كيفك
 

Bo-SaNaD

عضو نشط
التسجيل
23 أغسطس 2007
المشاركات
413
الإقامة
الكويت
السلام عليكم

والله كلام سياسي اهو الصح حتى الاخ اللي فوق قالك اخذ ياباني من الوكاله وسياره مكفوله صح

اخوي شلك بالمستعمل حرام اقطلي 6000 على سياره موديل 2004 ومستعمله ومكروفه كرف هذا المبلغ سلمك الله حق الانسان اللي يفكر مايقطه على سياره اساسا الناس تدور الكاش بيدها وانت تصرفه

اما اذا كنت مصمم على سياره كاش فأنا انصحك بالافالون 2011 قدم فيها فلوسك واخذها فل ابشن وعيش حياتك

اولا ياباني ثانيا سياره مكفوله ماتحاتي ثالثا وهوا الاهم مكيف ثلج وبالتوفيق اخوي
 

sma

عضو نشط
التسجيل
20 يناير 2009
المشاركات
207
6000 دينار علي طول دش الساير وطقلك كامري اصفار او زيدها شوي وخذلك اوريون وريح بالك خمس ست اسنين براد با الصيف وصيانة بدل دهن بس ,, وتبيعها ب 3000 الي 3500 وانت تضحك
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
والله ياجماعه فكرت بكلامكم ....
بس كامري الجديده محد مدحها بالنسبه لتكييفها .. ولا انا كنت ناوي عليها
 

khaled6

عضو نشط
التسجيل
9 نوفمبر 2009
المشاركات
281
الإقامة
kuwait
فيه مثل يقول يدلك على الخيل اثمانها قبل كان الخيل تفرق وهي حيوان مخلوق لكن يفرق من خيل لخيل الله يهديكم بس الرجال يقول مرسيدس او بي ام وتقولون كامري كاني اشوفه يقول ابي فرس اصيله او حصان اصيل وانتو تقولون لا اخذ كديش يبه كامري منو يركبها سياره فاشله بجميع المقاييس الكيا والهونداي احسن منها والدليل ان الكامري 2006 اغلا من كامري 2007 لانها سياره فاشله بس ماخذه سمعه وكل التيوتا فاشل ادري راح يهاجموني كثير لكن انا مقتنع برأيي التويوتا وصل للقمه وبدا بالنزول تدريجياً واكبر دليل المشاكل اللي كل يوم بسيارات تويوتا راحت عليه التويوتا يبه عيش حياتك بس لاتاخذ موتر الا انت واثق منه لاتشتري على عماك نفس الناس الدايخه اخوي شرا سياره بدون فحص على كلام الرجال ويحلف له ومدري شنو وانا مابي ابيعها بس ابي اروح دراسه تدبس بعد اسبوع قامت المكينه ويقول حسبي لله عليه اهم شي تفحص وتتاكد ان الموتر سليم واستعمالك يكون محترم توكل الله واخذ اي موتر ببالك على استعمالك انت اذا بتطق مطبات وبتلعن خيره ورجلك حاره على الموتر اكيد بيزعل وبيسحبك للصناعيه وتقبل مروري
 

Bo-SaNaD

عضو نشط
التسجيل
23 أغسطس 2007
المشاركات
413
الإقامة
الكويت
خالد انا وياك بكل كلمه قلتها الالماني مركوب سنع وسياره قمه سواء كانت مرسيدس او بي ام بس مو تاخذها مستعمل لا يا حبيبي تاخذها على ايدك من الحفيز والاخ يبي مستعمل وفلوسه تجيبله ياباني كاش هذا اللي صار اما الياباني عمره مايوصل للالماني اذا كانوا اثنينهم طالعين من الوكاله
 
الحالة
موضوع مغلق
أعلى