تعال وسدد قرضك

بوغيث

عضو نشط
التسجيل
17 أغسطس 2010
المشاركات
178
بسم الله الرحمن الرحيم
شباب نبي طريقه ندفع فيها قروضنا
بالنسبه عن نفسي على 35 الف من الوطني وعلى 15 سنه ابي اول شي طريقه افتك من الربا اللي على والطريقه الثانيه السداد بسرع وقت
يمكن بطرح افكاركم وتجارب الغير نفتح مجال حق ناس تبتعد عن الربا ونعتمد على انفسنا بالسداد
وشاااكر لكم
الله يكفينا شر الربا
 

سرور

عضو نشط
التسجيل
11 أغسطس 2009
المشاركات
6,831
املك باذن الله بصندوق المعسرين والا اسقاط فوائد القروض ـ غير هذا صعبة
 

بوغيث

عضو نشط
التسجيل
17 أغسطس 2010
المشاركات
178
ياخوي انا مو معسر ولا شاكي الحال انا ابي طريقه افتك من الربا وبعدها طريقه لسداد اسرع ومابي اعتمد على اسقاط القروض بعتمد على نفسي احسن
 

المهندس حسين

عضو نشط
التسجيل
16 مارس 2008
المشاركات
1,359
الإقامة
الكُـــوَيـْــــــتْ
شخصيا قرضي كان 15 سنة وتخلصت منه بأربع سنين فقط لأني كنت أدفع دفعات على القرض ولم أكن أسمع لما يروّج له أعضاء مجلس الأمة من أحلام وردية وخداع للمواطنين مما يصب في مصلحة البنوك

لأن المقترض حتى لما يكون عنده النقد متوفر أقول له سدد قرضك ووفر على نفسك الفوائد أكتشف إنهم مو فاهمين كيفية حساب الفوائد .. مايدرون إن كل ما طال قرضك كل ما زادت الفوائد اللي راح يحصلها البنك

تمكنت بحمد الله أن أوفر حوالي 35 ألف

الحل بالسداد المبكر وإن لم تستطيع الآن لأن المركزي وقف مؤقتا إعادة الجدولة أنصحك بتوفير الأموال ومن ثم سداد القرض في أقرب وقت ممكن ولا تنتظر 15 سنة لأنك ستدفع الكثير.

موفق
 

العاشق

عضو مميز
التسجيل
18 يناير 2009
المشاركات
14,324
الإقامة
هنا

عسى ربي يوفقك التوفيق المبارك

ويبعدك عن الربا ويبعد الربا عنك قريب بأذنه سبحانه


اخي احرص على الدعاء واكثر منه

وافتح احساب ثاني اجمع فيه المبلغ اللي تقدر عليه واذا صار مبلغ لاباس فيه روح للبنك وحطه دفعه فوق القصد

وعسى ربي يعينك

واذا عنك اخوان وخوات حالهم زين ممكن تسلف منهم وتسكر المبلغ وتقاصدهم بدال البنك

وتقدر تسددهم واحد واحد وهذي ترا شغله عمليه مجربه​
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ}​



اخوي عليك بالاستغفار

والله يرزقك من حيث تحتسب ومن حيث لا تحتسب​
 

عقد ألماس

عضو نشط
التسجيل
9 أكتوبر 2005
المشاركات
648
الإقامة
الكويت
الله يسر أموركم ويسهلها ويعينكم على تسديد قروضكم
ويرفعها عنكم
ويكفينا شر الربا
 

بوغيث

عضو نشط
التسجيل
17 أغسطس 2010
المشاركات
178
شخصيا قرضي كان 15 سنة وتخلصت منه بأربع سنين فقط لأني كنت أدفع دفعات على القرض ولم أكن أسمع لما يروّج له أعضاء مجلس الأمة من أحلام وردية وخداع للمواطنين مما يصب في مصلحة البنوك

لأن المقترض حتى لما يكون عنده النقد متوفر أقول له سدد قرضك ووفر على نفسك الفوائد أكتشف إنهم مو فاهمين كيفية حساب الفوائد .. مايدرون إن كل ما طال قرضك كل ما زادت الفوائد اللي راح يحصلها البنك

تمكنت بحمد الله أن أوفر حوالي 35 ألف

الحل بالسداد المبكر وإن لم تستطيع الآن لأن المركزي وقف مؤقتا إعادة الجدولة أنصحك بتوفير الأموال ومن ثم سداد القرض في أقرب وقت ممكن ولا تنتظر 15 سنة لأنك ستدفع الكثير.

موفق
الله يجزاك خير وكلامك عين العقل لكن انا شايل هم الربا اكثر من الدين وعدل كلامك فعلا كنا نجهل بعض الامور
 

بوغيث

عضو نشط
التسجيل
17 أغسطس 2010
المشاركات
178
شكرا على الردود والدعا الطيب وان شالله بميزان اعمالكم
وافكاركم جيده وان شالله يستفيدون منها الاخوان وتنكتب لكم اجر
 

fahed 67

عضو نشط
التسجيل
2 أغسطس 2010
المشاركات
38
الله يهون علينا وعليك شوف اخوي بوغيث انا انشاء الله راح اسوي مسيرة انا وعيالي عن قريب من البنك الي البيت بمناسبة الفكة من القرض اللي كان علي، واقولك انا ولله الحمد تبت من زمان من القروض لكن لعنة القرض تستمر سنين طويلة، وراح اقولك شيء وعن تجربة سنين طويلة،اول شيء لازم تعزم انك ماتأخذ قرض مرة ثانية وتعاهد الله على ذلك وتكون صادق مع ربك، ومع صدق نيتك وعزمك راح تعاني كثيرا من هذا القرض بس اصبر وتحمل وهذا ما حصل لي، وتصدّق، فالصدقة تطفأ غضب الرب، وما نقص مال من صدقة، واسمع ما حصل لي قبل ثلاث سنوات فقد بعث الله لي انسان محتاج واقف على الشارع كنت رايح الدوام ومستعجل ، لكن اضطريت للوقوف لانزل الاولاد الى المدارس ، سبحان الله ، الله يريد ان يركب هذا الرجل معاي في السيارة، كان رجل كبير في السن ركبته وقال وصلني بطريجك ،سولفت معاه وقالي انا انشاالله رايح الحج هذي السنة وعرفت انه محتاج، ساعدته بالي اقدر عليه ونزلته، طبعا الشيطان ما يخليك علطول شلون تعطيه انت محتاج ،يمكن كذاب ، تعوذت من ابليس وقلت في نفسي انا خلاص عطيته والله انشاالله يتقبل ، اقسم بالله في نفس اليوم او اليوم التالي ذهبت لأدفع اقساط وكنت مطوف كم قسط ومحتار ادفع قسط ولا اثنين ، وكانت المفاجئة لما رحت عند المحاسب عشان ادفع قالي القسط مدفوع قلتله انا متاكد مافي احد دفع، قال راجع المسؤول ولما راجعت المسؤول دخل على احسابي و ابتسم وقالي انت ما عليك اي شيئ يعني مو قسط مدفوع المبلغ بالكامل مدفوع وكان باقي تقريبا الف دينار ، وسألته شنو االسبب قالي في ناس الشركة دفعت اقساطهم وانت منهم حمدت الله عزوجل .وهذا اللي صار قبل كم سنة اذا تذكر لما قالو للناس الي عليه اقساط يقدم اوراقه، قالت زوجتي قدم قلت ماني مقدم والله يفرجها.
طبعا انا ما اقصد انك تمشي بالشارع وتقط فلوسك فأنت واولادك احق فيها وخير المال الذي تنفقه على عيالك كما جاء في الحديث، لكن مثل ما قالو الشباب حاول انك توفر وتسدد، واوصيك بالصبر وان يكون لك حظ من الصدقه. والله الموفق
 

rakan_yes

عضو نشط
التسجيل
24 مايو 2007
المشاركات
2,073
الله يرزقك وينور قلبك وطريقك ويجعل لك مخرجا من الربا والعياذ بالله


للامانه انا ماعندي اي قرض ولله الحمد
لاكن
عندي اخوي عليه قرض ولمن اسمع سوالفه عن الراتب والقسط جم قصو منه وهالحجي
بصراحه
يعورني قلبي

اخوي
شوف
بحسب مافهمت من كلامك بان الدين مو مهم عندك كثر الربا عدل

شوف
روح لبيت التمويل الكويتي
واخذ تورق او من شركه اسلاميه والله ماعرف فيهم اخذ قرض بطريقة اسلاميه يعني تورق
توررررررررررررق
حديد او اسمنت او ذهب او فضه او الي يكون
يعني ماده مقابل المال
تشتري ماده بحساب الشركه وتبيها للشركه وتسييلها بالمال
هني تكون في السيف سايت ولا عندك ربا ولا شي
مجرد ربح وبذمتهم بيت التمويل مو بوراشد اوكي

وتقدر تسدد قرض الوطني منه وترجع الربح الي اخذوه منك الوطني
وتبقى على قسط التورق الي خذيته
وتنام وانت مرتاح
تقبلي تحيااتي
اخوك
بوراشد
 

بوغيث

عضو نشط
التسجيل
17 أغسطس 2010
المشاركات
178
الله يعطيكم العافيه
وعبال ماسوي مسيره انا والولد من الوطني للبيت
هههههه
بخصوص رد راكان
بيت التمويل مايشتري مديونيه هذي المشكله *
 

rakan_yes

عضو نشط
التسجيل
24 مايو 2007
المشاركات
2,073
الله يعطيكم العافيه
وعبال ماسوي مسيره انا والولد من الوطني للبيت
هههههه
بخصوص رد راكان
بيت التمويل مايشتري مديونيه هذي المشكله *

اممممممممممممم
والله صاج اخوي
صح
اليوم بالدوانيه سالت عن الموضوع
وقالوا لي وقفوا الجدوله او شراء المديونيات بحسب كلامهم
لاكن
في حل

تروح للساير وتشتري جيب لكزس 2011 او 2010 اصفار
تشتريه اقساط على بيت التمويل وتطلب منهم برائة ذمه بكتاب خطي من ايدك لهم قبل ماتسجله بالمرور لو عطوك موافقه توكل على الله واشتر الموتر واصفطه بمكتب يطيح من قيمة 1000 او اقل شويه يعني مستحيل بتخسر فيه وايد
بيعه وسدد قرضك الوطني ونزل القسط تحت
لانك بتسوي هالطريقه مرتين
يعني
لو كنت مطلوب ل40 الف دينار على الوطني
قيمة اللكزس تقريبا 28 الف لو فرضنا بعته 26او مانبي نبالغ نقول 25 الف وسددت قرضك راح يبقا عليك 15 الف عدل
وقسطك كان 500 دينار للوطني
اخصم المقدم الي راح تدفعه قيمة اللكزس للقرض راح يطلع صافي الطلب تقريبا 15 الف قسم 15 الف على عدد السنسين الي ماخذ فيها لقرض يطلع لك القسط اعتقد مو اكثر من 230 دينار او 250 دينار
المهم
نرجع للساير بما انه ملاذ امن للي يبون كاش بدون ربا لان سياراته سعرها فيها مستحيل تخسر من قيمتها الا قليل
الا بقولك
سر بعد
تدري ان احيانا لو عندك لاند كروزر كامل المواصفات اصفار وصافطه بمكتب فرضنا سعره بالساير 15 الف تدري انك تبيعه 15500 يعني تربح بسعره

وربي
كلام اهل المكاتب طبعا مو برواشد
لاكن كرر الخطوه واشتر لاند كروزر اصفار وكرر العمليه
تطلع بطلب لكزس ولاند كروزر على بيت التمويل ومسدد قرض الوطني

اخوك
بوراشد
 

بوغيث

عضو نشط
التسجيل
17 أغسطس 2010
المشاركات
178
الله يعطيك العافيه راكان فكره جدا لم تخطر في بالي وفكره ممتازه والله يكتبها بميزان اعمالك وان شالله كل من يدش على هالموضوع يستفيد من فكرتك
ولكن انا قصدي ٣٠٠ بالوطني ومعاشي ٩٧٠ لا ما اقدر الا على ١٠٠ دك اقساط عشان تصير ٤٠٪ يعني ماقدر اتجاوز الحد فا بتصادفني مشكله بهاطريقه
بس ان شالله كل من يدش الموضوع بيستفيد من فكرتك والله يكتبها اجر لك ان شالله
 

al7bebe

عضو نشط
التسجيل
24 مارس 2005
المشاركات
10,052
لاتضع نفسك في مشكلة غير المشكلة الي انت فيها مع احترام الي رأي الشباب انصحك الانتظار لصندوق المعسرين واذا لم يتم قبولك انصحك بالذهاب الي محامي شاطر ونزيه يخاف الله
 

بوبيان

عضو نشط
التسجيل
20 سبتمبر 2005
المشاركات
304
الإقامة
الكويت
اخوي بوغيث الله يسهل امورك ويرزقك الرزق الحلال

امين يارب العالمين

اخوي انا كنت نفسك مطلوب للوطني ومتاذي من الداخل بموضوع الربا ما انام بالليل دوم افكر بالربا

والحمدلله تسلفت من واحد المبلغ وسددت اللي عليى وحولت للتمويل واخذت تورق ورديت الفلوس لصاحبي

خلال هالفتره ان ماخاب ظني انه بنك بوبيان عنده طريقه يسكر فيها قرضك اذا تبي اعطيك رقم موظف في بوبيان وتتاكد اذا يفيدك او لا
 

qadsawi

عضو نشط
التسجيل
24 أغسطس 2009
المشاركات
686
اخوي بوبيان مبارك عليك ماتبقيً من الشهر والله يتقبل صيامك وقيامك اخوي أنا رحت بوبيان قبل رمضان قالوا موقفينها حاليا القروض فتحوها مرة ثانية بس أنا تعديت الاربعين في المئة يسددون الي علي ولا يرفضونها والله يوفقك ويسر امورك
 

بوغيث

عضو نشط
التسجيل
17 أغسطس 2010
المشاركات
178
الله يجزاكم خير لان يعلم الله ماشلت هم الدين كثر هم الربا الله يكفيكم شره وانا ان شالله بروح بوبيان بسال بنفسي وانصح كل من يدش هنيه يستفيد من افكار وتجارب اخوانا ولكم جزيل الشكر
 

rakan_yes

عضو نشط
التسجيل
24 مايو 2007
المشاركات
2,073
الله يعطيك العافيه راكان فكره جدا لم تخطر في بالي وفكره ممتازه والله يكتبها بميزان اعمالك وان شالله كل من يدش على هالموضوع يستفيد من فكرتك
ولكن انا قصدي ٣٠٠ بالوطني ومعاشي ٩٧٠ لا ما اقدر الا على ١٠٠ دك اقساط عشان تصير ٤٠٪ يعني ماقدر اتجاوز الحد فا بتصادفني مشكله بهاطريقه
بس ان شالله كل من يدش الموضوع بيستفيد من فكرتك والله يكتبها اجر لك ان شالله

امممممممممم

راتبك 970 والقسط 300

اعتقد في طريقه
تقدر انك تشتري اللكزس فيها وتكون سهله وتكمل مسيرة الدفع وتسكر قرضك من جيبك
هات ورقه من شركة خاصه فيها دخل اخر
يعني شهادة راتب من شركه معروفه من احد من ربعك او الاهل الاصدقاء
وهني
تقدر تشتري السياره بالاقساط بدون ارباح متراكمه ربويه

اتمنا تكون فكرتي وصلت
بوراشد
 
أعلى