شسالفة العطورات | المؤشرنت
    يرجى من جميع المعلنين عدم نشر أكثر من موضوعين على الصفحه الأولى حتى لا يتم إلغاء العضويه وحذف المواضيع ويفضل أن تكون جميع مشاركات المعلن في موضوع واحد

شسالفة العطورات

Duke wahid

عضو نشط
التسجيل
12 فبراير 2010
المشاركات
214
أخواني القدرين والمعروفين نبي نعرف هالعطور المعروضه للبيع

التقليد الأصلي مضبوطه يعني اللي عارضينهم الواحد بدينار ودينارين

والأصلي مالهم ينباع بالسوق ب40 و45 دينار

فعلا عطور طيبه للجربوها

نبي راي الأعضاء المعروفين
 

! فارس !

عضو نشط
التسجيل
11 مايو 2009
المشاركات
233
الإقامة
الكويت
يالحبيب هالعطورات مو اصلية وتجميع بالكويت \ يجيبون الزيت العطري للعطر و يخلطو معاه مثبت وكم شغله وكل ما كان اللي يخلطهم محترف ( قلة ) كل ما صار العطر قريب من الاصلي
انا ما اشتري الا اصلي و قلت خل اجرب
جربت اللي اقدر اقوله انه يشابه الاصلي بس اللي متعود على الاصلي مستحيل يعتمد غيره :eek:
 

بقصم و درابيل

عضو نشط
التسجيل
28 يوليو 2009
المشاركات
254
الإقامة
(وطني الغالي الكويت)
السلام عليكم،،

هذول طال عمرك يا خذون الخلطات جاهزه من محلات العطور الي ((بشارع الغربلي)) الي بديرة،،

بعد مايتفقون مع البياعين الي بهالمحلات علي سعر معين وبعدين يحط عليه نسبة ربح بسيطه،،

لشخص الي يعرضهم بالمنتديات وبعدها يتفقون مع شخص يوصل هذه العطور للي يطلبها،،

وغالباً ما يكون هذا الشخص سائق عند الي يعرض هالعطور بالمنتديات،،

وأسأل الله أن يرزقهم في تجارتهم هذه.​
 

بو جابر

عضو نشط
التسجيل
7 يوليو 2009
المشاركات
617
مثل ما قال أخوي فارس العطورات تختلف على حسب خبرة الشخص نفسه والعطر يكون قريب من الاصلي بنسبة ممكن توصل الى 70 % بس تفرق بالسعر يعني في ناس أستهلاكهم للعطور كبير مثلا يشتري عطر أصلى ونفس النوع خلطات الاصلي يخليه حق المناسبات والخلطات حق الاستعمال اليومي والتجربه خير برهان خصوصا أن الاسعار رخيصة جدا
 

Hamilton

عضو نشط
التسجيل
23 مارس 2009
المشاركات
355
شهادة لله حق اني اخذت من طير السعد عطورات وكانت طيبه
اخذت منه توم فورد (بلاك اوركيد) واخذت منه بعد عطر اسمه قطرات الذهب او شي جذيه
طبعا اخذت خمس عطور وكانت طيبه
والمره الثانيه اخذت خمس عطور يمكن وكلها بلاك اوركيد لانه الربع اذوني
هذي شهادتي وللعلم ترى ما شفت طير السعد ولا حتى اللي وصل العطور لاني دقيت تلفون ودزيت لهم واحد واخذ العطور منهم وموفقين
 

e_500

عضو نشط
التسجيل
4 مايو 2009
المشاركات
58
انا رايي العطور غير الاصلي لا تاخذ

شريت مره من المنتدى 4 ب 10 دنانير يلوعون الجبد

و العطر فيه زيت و ثقيل و ساعات يبقع على الملابس
 

Duke wahid

عضو نشط
التسجيل
12 فبراير 2010
المشاركات
214
يأخوان الله يرزقهم بتجارتهم اللي قصدته فعلا هي عطور طيبه وتشبه تماما الأصليه

اذا كان الكلام صحيح اكيد بعد فترة راح تسكر جميع محلات العطور

مريت السوق اخذ عطر توم فورد قالي 40 شرايكم اخذه والا اخذ تقيلد بدينارين والله فرق السعر
 

صاحبة ذوق

عضو نشط
التسجيل
26 مايو 2009
المشاركات
6,549
الله يوفقك اخوي
انا اركب عطور وطبق الاصل من الاصلي بختلاف الغرشه بس

واذا حاب اجهزلك عطر مب خسران شي العطر والواحد ب3دك جرب حجم 50 مل اذا جاز لك حياك الله بطلبات جديده والخمس عطور ب10دك وكل عطر يختلف عن الثاني تبيهم من نوع واحد انت الي حتدد هذا الشي وفرق وايد عن السوق يعني العطر الواحد ب40دك ونفسه موجود عندي وماراح تخسر شي موجود 100مل الواحد ب5دك وانت براحتك ياخوي وشوف ردور الاخوان الي خذو مني وترجع للذوق بارك الله فيك
 

Kaubar

عضو نشط
التسجيل
24 أكتوبر 2009
المشاركات
258
بالنسبه للعطور ومثل ماقالت اختي صاحبة ذوق كلها أذواق

والعطور تركيباتها وأساسيتها معروفه لكن اللعب وين عالتركيز

وصدقني المحلات الكبار يشتغلون نفس شغلهم لكن هم يفرقون عن اخوانا ان لهم محلاتهم

ودعاياتهم

والله يوفق الجميع
 

ابو برهوم

عضو نشط
التسجيل
29 يوليو 2009
المشاركات
347
بصراحة انا قبل كنت ما اشتري الا الاصلي وبصراحة ميزانية شهرية لكن جربت عند اخونا طير السعد بصراحة عطور طيبة ومركزة تقعد اكثر من يوم وفواحة ماشاء الله علية شغلة طيب
سوينا دعاية حق بو سعد :) تستاهل ياطير السعد
 
أعلى