حسبي الله ونعم الوكيل من ظلم المحقق

الحالة
موضوع مغلق

وارد الكويت

عضو نشط
التسجيل
3 سبتمبر 2009
المشاركات
49
رحت الي احد المخافر في الكويت لرفع ظلم وقع علي فلما دخلت علي المحقق لكي اشتكي قال المحقق : ماشكيك قلت للمحقق ليش ؟ قال اطلع برا : قال انا محقق قلت واذا محقق قال والله اكتب فيك . قلت له اكتب الي تبي . فاامر المحقق بسجني علي ذمة قضية: اهانت موظف اثناء تادية واجبه . اودعت 4 ايام في النظاره . وبعد ماانسجنت قال المحقق : انت تبي تشتكي علي منوا . قلت للمحقق انا لازم انسجن علشان اقدر اخذ حقي . كالمستجير من الرمضاء بناروا .ولاكن اقول كما قال الشاعر :بلادي وان جارت علي عزيزتا ,,,, واهلي وان ظلموني كراموا
 

وارد الكويت

عضو نشط
التسجيل
3 سبتمبر 2009
المشاركات
49
حسبي الله ونعم الوكيل . حسبي الله ونعم الوكيل . حسبي الله ونعم الوكيل لو اي شخص يروح للمخفر يبي يشتكي لازم تشتكي وانت واقف المحقق قال لي خلك واقف ممنوع تقعد .حسبي الله ونعم الوكيل وين الانسانيه في شهر الاحسان . حسبي الله ونعم الوكيل
 

kuwait_17

عضو نشط
التسجيل
20 فبراير 2006
المشاركات
726
الإقامة
الكـــــويت
والله صار معاي نفس هالموقف ... بس انا انحشت والشرطة ساعدوني على الهروووب ... ورحت اشتكيت على المحقق بمخفر الفروانية عن رئيس التحقيق وخذا لي حقي من المحقق


فنصيحه اخوي لا تسكت ورح اشتكي على المحقق عن رئيس تحقيقات بحافضتكم
 

يوسفاني

موقوف
التسجيل
30 يوليو 2007
المشاركات
232
صار لي نفس الشي أعتدى علي واحد مباحث يوم رحت أشتكي عليه بالمخفر رفض المحقق تسجيل قضيه و دق على المباحث علشان يرفع علي هو قضيه و أتحول من مجني عليه الى جاني و أقعد بالنظاره ما طلعت الا بالواسطه و أعتذار من اللي أعتدى علي
 

وارد الكويت

عضو نشط
التسجيل
3 سبتمبر 2009
المشاركات
49
عزالله كارثه انك تروح شكاي وبعدين اذا مانحشت ومسكوك تدخل النظاره . يعني لا تكون مدعي خلك مدعي عليه علشان المشتكي يدخل النظاره وانت قاعد ومرتاح
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
اخوي ارجوك وضح اكثر لان الموضوع فيه لبس
مسألة ان يسجنك 4 ايام او 3 ايام بدون اي شكوى وبدون اي شي هذا مستحيل
ومسألة انك دخلت عليه وقلتله بشتكي وقالك لا ما اشكيك وعلى طول قالك ترى بسجنك فهذا بعد مو معقول
واتق الله ترى احنا في رمضان
واذا حصل هالشي معاك بالفعل وبدون خطأ منك ارجوك ارجوك ارجوك اتجه للنائب العام وقدم شكوى ضد هالمحقق عشان يسجنونه مثل ما سجنوك

يا جماعه ترى مو مغقول بالكويت يحصل مثل هالامر ترى احنا مو في بغداد او في جمهوريه بعثيه عشان يصير نفس هالموقف وبدون اي اسباب

ممكن ان صاحب الموضوع غلط على المحقق او تكلم بصوت عال او غلط على احد عشان جذي المحقق رفض يشكيه وسجنه
 

بو بـدر

عضو نشط
التسجيل
7 أغسطس 2009
المشاركات
463
الإقامة
الكويت
أخوي انت كويتي ... وشنو كانت شكواك الى رفضها المحقق

جاوبني على هل سؤالين
 

وارد الكويت

عضو نشط
التسجيل
3 سبتمبر 2009
المشاركات
49
اخوي البواردي انا دخلت علي المحقق وقلت له ابي اشتكي قال ماشكيك وصار جدال بيني وبينه بس ماغلطت عليه قال :دخلوه النظاره وبعد مادخلت النظاره شكاني هذا الي حصل يالبواردي .وعسي الله مايحدك علي المحقق يالبواردي ومايجوز منك يالبواردي انك تكذب اخوانك كويت 17 ويوسفاني وانا معهم الله يسامحك اذا كويتي يحصل معه هالموقف وشلون المقيمين السؤال :؟؟؟؟؟؟؟؟؟؟ ليش شكاني بعد ماسجني ؟؟؟؟؟؟؟؟
 

يوسفاني

موقوف
التسجيل
30 يوليو 2007
المشاركات
232
نقولك سجنونا و نكتب من كمبيوترنا يعني لو أحنا مو حاسين بالظلم ما كتبنا من أجهزتنا اللي يمكن الوصول لنا بسهوله الا من حرت قلبنا ترى أنا بعد هالحادث مو مثل ماكنت قبله و موضوع الأخ قلب المواجع علينا ترى حادثتي صار لها أكثر من 12 سنه بس ماراح أنساها مهما طال الزمن و ما أعتقد من ظلمني اليوم عايش بهنا لأن دعوة المظلوم لها حوبه و الله ينتقملي ممن ظلمني
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
اخوي البواردي انا دخلت علي المحقق وقلت له ابي اشتكي قال ماشكيك وصار جدال بيني وبينه بس ماغلطت عليه قال :دخلوه النظاره وبعد مادخلت النظاره شكاني هذا الي حصل يالبواردي .وعسي الله مايحدك علي المحقق يالبواردي ومايجوز منك يالبواردي انك تكذب اخوانك كويت 17 ويوسفاني وانا معهم الله يسامحك اذا كويتي يحصل معه هالموقف وشلون المقيمين السؤال :؟؟؟؟؟؟؟؟؟؟ ليش شكاني بعد ماسجني ؟؟؟؟؟؟؟؟

بارك الله فيك انا ما كذبت احد نهائياً انا كل اللي طلبته توضيح اكثر عشان نعرف الموضوع اللي قريناه
يا خوي لو انا منك ما ادش النظاره واطلب المحامي واشتكي على اللي ابيه واشتكي على المحقق قبل اللي ابي اشتكي عليه
يعني انت المفروض انك ترفض انك تدخل النظاره لان مو من حقه يدخلك النظاره إلا بحضور المحامي
وبعدين يا خوي لما دخلت النظاره المفروض انك ما تطلع إلا واهم مثبتين الحاله
انت تقول انك ما غلطت على المحقق إذاً ماله امل يسجنك وحبس الحريات ممنوع بالدستور مو على كيفه المحقق يسجنك
انا شخصياً تناجرت مع ضابط وحولني على المحقق وما صار الي صار معاك لان القانون والدستور يحموني
انت كونك جاي المخفر شكاي يفترض على المحقق يستقبلك واذا ما استقبلك روح اشتك عليه ترى من حقك

وبعدين يا اخي الكريم المعقوله ان المحقق يحبسك وهذا ايضاً مرفوض لكن ممكن يحبسك ساعه ساعتين ثلاث ساعات مو اربع ايام
ارجوك ارجوك ارجوك روح اشتك على المحقق بإدارة التحقيقات او عند النائب العام لان حبس 4 ايام هذي اكيد فيها تثبيت حاله واكيد اهلك عندهم خبر انك محبوس
لان ما يصير بالكويت مثل هالشي بسهوله
 

يوسفاني

موقوف
التسجيل
30 يوليو 2007
المشاركات
232
أنا قعدت بالنظاره ساعات و طلعت بعد الواسطه بس تشتكي عند منو كلهم ربع لا أتعب نفسك أكظم غيظك مثلي و أنسى بس بعد 12 سنه أييك موضوع شخص و يذكرك و يقلب مواجعك أنا قعدت بالنظاره ساعه أو ساعتين يعني ما تضررت مباشره بس أحساسك بالظم في ديرتك و أن مافي شي تقدر تسويه أهني المصيبه و الله المستعان و ينتقم لي ممن ظلمني
 

وارد الكويت

عضو نشط
التسجيل
3 سبتمبر 2009
المشاركات
49
اخوي البواردي ولا يهينون اخواني دخلت النظاره وثبتوا دخولي باحوال المخفر .والمحقق يعطي امر لظابط المخفر بدخولي النظاره وغصب عني . والقانون يقول اني اهنت موظف عندما رفعت صوتي وقلت له ليش ماتشكيني ارفع عني الظلم . وقلت واذا محقق . وبعد ماسجني طلبني وشكاني بس بعد ماسجني لو شكاني من الاول كان ماحصل الي حصل والله وحنا نخاف الله وفي رمضان . والمشكله ان المحققين تحاموا علي يوم شكوني قالوا لاتقعد خلك واقف والمفروض المحقق يصير محايد . فيه قانون انا ماعرفته الا بعد ماانسجنت عن اهانت الموظف : اهانت الموظف تكون اما بالفعل او بتهديد او بالاشاره وانا ماهددت ومافعلت شي ومااشرت بشاره سيئه للمحقق. والله ان اسلوب المحقق استفزازي قدام العالم يقول اطلع برا انا مارفعت صوتي الا بعد ماهو رفع صوته . والشكوا لغير الله مذله وحسبي الله ونعم الوكيل
 

بيلووو

عضو نشط
التسجيل
19 ديسمبر 2003
المشاركات
97
الإقامة
الكويت
لاحول ولا قوه الا بالله

اخواني انا مادري شنو الاجراء القانوني ولكن نصيحه اذا واحد يبي يروح عند محقق او مخفر لا سمح الله ياخذه معاه اي واحد من ربعه احسن عشان يكون شاهد ولا يظلمه احد

واذا اي واحد انظلم خله يروح النائب العام على طووول عشان ما يتجرأ احد ويستغل السلطه الممنوحه له

وحسبي الله على كل ظالم
 
الحالة
موضوع مغلق
أعلى