مشاكل اليوكن

الحالة
موضوع مغلق

alnawrs

عضو نشط
التسجيل
8 يناير 2009
المشاركات
26
سمعت عن مشاكل كثيرة لطرمبة البنزين في اليوكن والسوبرمان الى موديل 2004
كذلك سمعت انه يتم ترهيم طرمبة جيب vxr او مرسيدس لحل هذه المشكلة
ارجو ممن عنده فكرة عن الموضوع ان يفيدنا وجزاه الله خيرا
 

normal141

عضو نشط
التسجيل
26 مايو 2007
المشاركات
54
اخوي صحيح كلامك اليوكن من 2000 الي 2006 يجي مشاكل في الطرمبه بس طرمبة البنزين لها مقدمات قبل العطل ولاتتعطل بين يوم وليلة يعني تحس ان السياره عزمها ضعيف ودعسه البنزين ما تستجيب على طول وصوت ونين بتانكي البنزين عند ما تشغل السياره الصبح والسياره ما تشتغل الا بعد محاولات وتقدر ترهم له طرمبه مرسيدس 500s وطرمبه فكسار بس اذا تبي ترهم له طرمبه فكسار خذها من الوكاله احسن شيئ لان في طرمبه تنباع بمحلات قطع الغيار صينيه ما تطول بسرعه تخرب

في نصيحه اذا انت تستعمل يوكن لا تخلي عداد البنزين ينزل اقل من الربع
 

GTO

عضو نشط
التسجيل
11 يناير 2009
المشاركات
488
السلام عليكم

عندنا أثنين واحد 2001 شفر وواحد 2004 جمس
والحمد لله ماواجهتنا هذي المشكله
اعتقد انه من سوء الاستعمال او نفس ماقال اخوي normal141 اذا قل البنزين عن الربع تخترب الطرمبه
وشكرا
 

Mosaab

عضو نشط
التسجيل
28 مارس 2008
المشاركات
251
الإقامة
Q8َ
ـ
ـ السلام عليكم
ـ انا كان عندي يوكن 2003..وماشي 205 ألف
ـ وبدت اعراض الطرمبة .. وتبديلها 90 دينار مع شغل الايد
ـ ومركب عليه مراوح نفس اليوكن والتاهو 2005 وفوق ومبرمجين على كمبيوتر السيارة

بالضبط لاتخلي البانزين تحت الربع و يفضل انك اتشوف موديل 2005 وفوق ..عشان المكيف والتبريد :)
 

alnawrs

عضو نشط
التسجيل
8 يناير 2009
المشاركات
26
اشكر الاخوان على تفاعلهم مع الموضوع واللي عنده تجربة حولها لايبخل علينا بالنصيحة
اخوي normal عاجبتني سالفة ترهيم طرمبة vxr مدري ليش
اذا غيرت لها اغير اشياء ثانية بالتانكي والا بس الطرمبة ؟
وهل اي كهربائي يعرف يرهمها ؟
 

normal141

عضو نشط
التسجيل
26 مايو 2007
المشاركات
54
اخوي طرمبة الفكسار تركب على اليوكن ما يحتاج ترهم بالتانكي بس الي يختلف الفيش طرمبة اليوكن وايرين وطرمة الفكسار ثلاث وايرات وتقدرر تغيرهم بس انصحك شفلك واحد يفهم لان اكثر الي يشتغلون بالشويخ الصناعية بنشرجيه صارو مكانيكيه وكهربائيه شفلك واحد يفهم وان شاء الله راح تضبط معاك
 

منافس

عضو نشط
التسجيل
13 أبريل 2009
المشاركات
158
ثلاث شغلات إذا سويتها إن شاء الله ماتخرب الطرمبه :
1- الأولى قالوها الإخوان لاتخلي البنزين أقل من الربع
2- الثانية إذا نسيت وصار البنزين أقل من الربع في هذه الحاله لاتفول البنزين مباشره فقط إلى النص أوثلاثة أرباع لأنك إذا فولته والطرمبه حاره تضرب معك مباشره
3- الثالثة إذا جيت تبي تفول البنزين وهو فوق الربع سكر السياره أحسن
هذا عن تجربه
 

alnawrs

عضو نشط
التسجيل
8 يناير 2009
المشاركات
26
نصائح مفيدة أتمنى ان يستفيد منها القراء الكرام

وجزاكم الله خيرا
 
الحالة
موضوع مغلق
أعلى