اذا انت غبى مغفل عادى اعترف ليش خايف

العمر فرصه

عضو نشط
التسجيل
23 مارس 2007
المشاركات
231
الإقامة
الكويت
السلام عليكم
اسف من العنوان ولكن هذى الحقيقة والحق لايزعل احد حتى الله لايخجل منة,,,,
ارجو تثبيتة لانها امانة يامشــــرفين !!!

اغلب الناس تسوم وتعنى نفسها وتشوف البيوت على الفاظى

اخوانى ليش نسبة المشاركين 90% منهم ينظحك عليهم
ولا احنا مقتنعين اننا مغفلين ونموت مغفلين ؟
من اربع شهور قلت ولازلت اقول
لالالالالالالالالالالالالالالالالالالالالا يظحكون عليكم بكلام النصب
1- مافى شى اسمة تبديل بيت بطلب او قسيمة بطلب
2- مافى شى اسمة تبديل طلب بطلب
,,,,,,,,,,
التبديل كالتالى ؛
التبديل فقــــط بيت فى بيت او تخصيص فى بيت او قسيمة بس
,,,,,,
انا مسؤل بقسم التبادل
والف مرة كتبتلكم بس مشكلتنا انا نقص على نفسنا ونخلى الدلالين والبياعين يقصون علينا
واللى اشوفة الناس تساوم على تبديل طلب وطلب وتتصل وطرش رسايل على الخاص وتواعد على الفاظى
,,,,,,,
رووووووووووووووووووووووووووووووووووحوا للاسكان الدور الاول قسم التبادل
وتفهمون
لانى واللة متابع وشوف اللى ماينشاف من السوم والمواعيد
على الفاظى

واللة حبيت انوركم وساعدكم عشان من يعرض طلب الكل يعرف انة نصاب او مقصوص علية
او من يعرض بيت بطلب يفهم
وشكرا
 
التسجيل
3 أبريل 2010
المشاركات
1,676
حياك الله اخوي
شكرا لك على الموضوع
وحرصك على توضيح بعض الامور للاخوه الزوار والاعضاء
نعم انت على حق في جميع النقاط اللي ذكرتها ما عدا
انه لا يوجد تبديل بيت او قسيمه بطلب
يا اخي المقصود بتبديل قسيمه بطلب ..هو نفسه مااشرت له انت بتبديل قسيمه بتخصيص او ييت بتخصيص
لان جميع البيوت او القسايم المعروضه للبدل معا طلبات سنة 99 وما سبقها
اذا البدل يعتبر مع تخصيص
لان طلبات 99 لهم حق يخصصون في مدينة صباح الاحمد
وللعلم اننا خلصنا بدلات طلبات مع قسايم وبيوت اكثر مما تتصور
بفضل من الله

ولك الشكر عزيزي
 

rakan_yes

عضو نشط
التسجيل
24 مايو 2007
المشاركات
2,073
هانت كلها جم يوم ويصير العيد
وتشرب قهوتك الصبح

وترررررررررريح
اخوك
بوراشد
 

Q8ti

عضو نشط
التسجيل
13 يونيو 2004
المشاركات
459
كلامك غير دقيق 100%

مرحبا يا (العمر فرصة)

في البداية نحب نشكرك على مشاركتك

صحيح في ناس تحط إعلانات وما تكون صادقة في كلامها بس الواحد لازم يسأل ويستفسر من جهة الإختصاص قبل لا يسوي أي شي وفي هذا الموضوع جهة الإختصاص هي المؤسسة العامة للرعاية السكنية.

- النقطة الوحيدة اللي كانت صحيحة في موضوعك إهي ما يصير التبادل أو التنازل بين طلب إسكاني وطلب إسكاني آخر وأعتقد هذا شي معروف بين معظم الناس، ولكن بعض الناس تنزل مواضيع بالمنتدى للبدل طلب مع طلب.

إذا إنت مسؤول في قسم التبادل واللي مع إحترامي لكلامك لازم تكون عارف التالي:-

في الطلبات الإسكانية ممكن التبادل أو التنازل كالتالي:
- بيت حكومي مع قسيمة أو العكس يسمى تبادل طلب إسكاني
- بيت حكومي أو قسيمة مع طلب يسمى تنازل عن طلب إسكاني

في التبادل يحق للشخص التبادل بحد أقصى 3 مرات، لكن في المرة الثالثة والأخيرة يعرض موضوع التبادل على اللجنة.

وفي التنازل يحق للشخص التنازل بحد أقصى 2 مرة "مرتين"، لكن في المرة الثانية والأخيرة يعرض الموضوع على اللجنة.

فمثل ما بديت موضوعك يا ريت كنت تنور الأعضاء وتذكر هذه النقاط بدل ما تشتت الموضوع.

وآسفين إذا طولنا
 

العمر فرصه

عضو نشط
التسجيل
23 مارس 2007
المشاركات
231
الإقامة
الكويت
اخوى صاحب شركة القيروان
اللة يرزقك ووسع رزقك
واللــــــــــــــــــــــه ثم والله انى ادور الخير للناس ورحمة لوجة الله
عندهم عيال ومتأذين مابى احد يستغلهم
اما عن كلمتك بيت بطلب !!!!!!!!!!!
انا قلت بالطلب مايصير عشان مايقول عندى طلب
لازم يعرف ان الطلب مايصير الا يخصص والتخصيص يعنى راح يدخل قرعة على بيت او قسية
وانا كتبت الا فى بيت او تخصيص
 

العمر فرصه

عضو نشط
التسجيل
23 مارس 2007
المشاركات
231
الإقامة
الكويت
تسلم كيو ايت
وان شاء اللة اكون ادق بنقل المعلومة
بس كتبتها بطريقتى العادية
ولا هو كتاب رسمى حتى يكون خالى من الاخطاء
بس ابشر بالخير ولا يهمك
 

m-m-m

عضو نشط
التسجيل
26 أبريل 2009
المشاركات
222
لا هنت @@@@@@@@@@@@@@@@@@
أخو #### فرصة العمر #### الله يكثر من أمثالك
 

kont

عضو نشط
التسجيل
11 مايو 2009
المشاركات
318
حياك الله اخوي
شكرا لك على الموضوع
وحرصك على توضيح بعض الامور للاخوه الزوار والاعضاء
نعم انت على حق في جميع النقاط اللي ذكرتها ما عدا
انه لا يوجد تبديل بيت او قسيمه بطلب
يا اخي المقصود بتبديل قسيمه بطلب ..هو نفسه مااشرت له انت بتبديل قسيمه بتخصيص او ييت بتخصيص
لان جميع البيوت او القسايم المعروضه للبدل مع طلبات سنة 99 وما سبقها
اذا البدل يعتبر مع تخصيص
لان طلبات 99 لهم حق يخصصون في مدينة صباح الاحمد
وللعلم اننا خلصنا بدلات طلبات مع قسايم وبيوت اكثر مما تتصور
بفضل من الله

ولك الشكر عزيزي


اسعد الله اوقاتكم

كلام صحيح
100%100
 

I T C

عضو نشط
التسجيل
24 يناير 2006
المشاركات
2,302
الإقامة
الكويت.القيروان
اخوى صاحب شركة القيروان
اللة يرزقك ووسع رزقك
واللــــــــــــــــــــــه ثم والله انى ادور الخير للناس ورحمة لوجة الله
عندهم عيال ومتأذين مابى احد يستغلهم
اما عن كلمتك بيت بطلب !!!!!!!!!!!
انا قلت بالطلب مايصير عشان مايقول عندى طلب
لازم يعرف ان الطلب مايصير الا يخصص والتخصيص يعنى راح يدخل قرعة على بيت او قسيةوانا كتبت الا فى بيت او تخصيص

مو شرط يدخل القرعه.
 

Q8ti

عضو نشط
التسجيل
13 يونيو 2004
المشاركات
459
نعم، يصير تبديل طلب بطلب اسكاني من غير تخصيص

اخوى صاحب شركة القيروان
اللة يرزقك ووسع رزقك
واللــــــــــــــــــــــه ثم والله انى ادور الخير للناس ورحمة لوجة الله
عندهم عيال ومتأذين مابى احد يستغلهم
اما عن كلمتك بيت بطلب !!!!!!!!!!!
انا قلت بالطلب مايصير عشان مايقول عندى طلب
لازم يعرف ان الطلب مايصير الا يخصص والتخصيص يعنى راح يدخل قرعة على بيت او قسية
وانا كتبت الا فى بيت او تخصيص

يصير الواحد يبدل طلب إسكاني مع بيت حكومي أو قسيمة حكومية ومو شرط صاحب الطلب يكون عنده تخصيص، بس أهم شي يكون صاحب الطلب من ضمن الطلبات التي يسمح لها للتبادل أو التنازل.
 

المنتهى

عضو نشط
التسجيل
25 فبراير 2010
المشاركات
24
الله يكملك في عقلك

انا معاك اقول ليش مغفلين ===تدري ليش لانهم دخلو على موضوع سخيف وتافه وانا اقول الله يكملك في عقلك انت قاعد تضحك على الناس ==شنو مافيه تبديل طلب في بيت ==انت تقول انت مسؤل هناك ==جدام الناس قول اسمك وانا عندي واحد من الربع بالاسكان باسال عن اسمك اذا كنت صادق وشرط انك ما تقول اسمك ===امس تقول انا رحت لواحد ضعيف ملتحي بقسم التبديل واليوم صرت مسؤؤل وباكر اكيد وكيل==
 

q8_king1

عضو نشط
التسجيل
31 أكتوبر 2009
المشاركات
961
الإقامة
العاصمة
انا معاك اقول ليش مغفلين ===تدري ليش لانهم دخلو على موضوع سخيف وتافه وانا اقول الله يكملك في عقلك انت قاعد تضحك على الناس ==شنو مافيه تبديل طلب في بيت ==انت تقول انت مسؤل هناك ==جدام الناس قول اسمك وانا عندي واحد من الربع بالاسكان باسال عن اسمك اذا كنت صادق وشرط انك ما تقول اسمك ===امس تقول انا رحت لواحد ضعيف ملتحي بقسم التبديل واليوم صرت مسؤؤل وباكر اكيد وكيل==

ياخوي انت فهمت غلط اهو يقول مايصير التبديل من طلب فوق 2001 معة تخصيص او قسيمة انشاء الله تكون فهمت
 

بوعبدالله _ 66

عضو نشط
التسجيل
22 يوليو 2007
المشاركات
510
اخوي العمر فرصه ليش حارق دمك واعصابك

مادامه بقانون الاسكان مايصير تبديل طلب بطلب او طلب بقسيمه صاحب

المكتب ماراح يقدر يضحك على احد لانه بالآخر المواطن

اللي بيبدل راح يروح للاسكان الاسكان وبيقوله مايصير

وبهالحاله صاحب المكتب ماراح يقدر يضحك على احد


بعدين اخوي العزيز مافيه داعي لكلمة اغبياء ومغفلين ترا الناس عنها

عقول مثلك


وشكراَ
 

Q8ti

عضو نشط
التسجيل
13 يونيو 2004
المشاركات
459
لا يال الغالي إحنا فاهمين الموضوع صح

ياخوي انت فهمت غلط اهو يقول مايصير التبديل من طلب فوق 2001 معة تخصيص او قسيمة انشاء الله تكون فهمت

لا يا الغالي إحنا فاهمين الموضوع صح

ما ياب طاري طلب 2001 في الموضوع
موضوعه كان إن ما يصير تبدبل بيت أو قسيمة مع طلب

إقتباس من موضوع الأخ (العمر فرصة)
"1- مافى شى اسمة تبديل بيت بطلب او قسيمة بطلب
2- مافى شى اسمة تبديل طلب بطلب
"

ومثل ما ذكر أخوي العضو (المنتهى) نقلا من موضوع العضو (العمر فرصة) قال إنه يشتغل في الأسكان ولا مو بس جذي والطامة الكبرى إنه يقول إنه مسؤول في قسم التبادل.
إقتباس من موضوع العضو (العمر فرصة) : "انا مسؤل بقسم التبادل"
فإذا كان مسؤول في القسم اللي مسؤول عن قسم التبادل وما يدري عن شي عن التبادل أو التنازل فمنوا اللي لازم يدري ويعرف بقوانين التبادل؟؟؟

ما أقول إلا الله يحفظ هل الديرة
 

المنتهى

عضو نشط
التسجيل
25 فبراير 2010
المشاركات
24
يا اخواني والله والله وقسم بالله هو ما ذكر 2001 وقال مايصير طلب بطلب وماحدد السنة ==دليل على انه لا مسؤؤل ولا حاجة وانه كذب على اخواني الي بالمنتدى وعيب على الرجال يكذب يقول هو مسؤؤل ولا يعرف شي بالتبديل ---طيب اذا كان مسؤؤل يقول اسمة او اسم اي مسؤؤل هناك علشان مانظلمة وانا ادري انه غير صادق لانه امس يقول رحت للاسكان وقالي مسؤؤلهم ضعيف وملتحي مايصير التبديل واليوم هو صار المسؤؤل والمشاركة موجودة ==لكن عيب هالكلام تقول حق اخونا في بداية الموضوع انه كاذب وهو صادق وانت الكاذب الحقيقي لكن اتقي الله في نفسك ولا تظلم الناس===واذا مافي تبديل طلب في بيت اوقسيمة قسم بالله العظيم واحنا بالعشر الاواخر لك حق كثر ما تبي ==وانا ابي منك اعتراف انك كاذب فقط
 

الدهليز

عضو نشط
التسجيل
27 يونيو 2009
المشاركات
155
جزاك الله خير على التوضيح اخي فرصة العمرررر
 

القتالى

عضو جديد
التسجيل
27 سبتمبر 2008
المشاركات
9
جزاك الله خير يا اخي فرصة العمر والله يكثر من امثالك
 

العمر فرصه

عضو نشط
التسجيل
23 مارس 2007
المشاركات
231
الإقامة
الكويت
يا اخوان انا مواطن حالى حالكم وعن الكلام الفاضى اللى يقولونة الجهلاء
صحيح انا كنت اشتغل هناك ونقلت وعرف اللى يشتغلون هنا
بس سؤال غريب
ليش الناس شانة حملة منو المستفيد من هالكلام
,,,,,
مافى شى اسمة تبديل بطلب والكلام واضح عن كلام الفاضى والكذب
عندك طلب لازم تنزل لتخصص يخصص وبعدها يبدل
كلام جهال مانبى
وتمنى ان رسالتى واضحة واللى مومقتنع
يروح للاسكان وقولهم يصير او لا وبعدة يرد على
ويقول انا رحت اليوم وقالولى يصير
عشان مانستغفل الناس ونالعب عليهم بالكلام الفاضى والاوهام
للبدل بيت بطلب وكلام فاضى
,,,,,,,,,,,,
روح خصص باى مشروع وبعدها بدل
 

صقر3

عضو نشط
التسجيل
25 مارس 2010
المشاركات
713
الله يعطيك العافيه علي الموضوع كلامك عدل 100 % بس علي فكره نااااااس تفهم
 

المتحدون

عضو نشط
التسجيل
18 يونيو 2008
المشاركات
98
صج الموضوع باين من عنوانه:eek:

000000000000000000000

وعنوان الموضوع الصراحه مايكتبه الا واحد صغير مع احترامي لك

مادام انت تشتغل بالاسكان راجع نفسك عدل او داوم الضاهر فلاتي:D
 
أعلى