يرجى من جميع المعلنين عدم نشر أكثر من موضوعين على الصفحه الأولى حتى لا يتم إلغاء العضويه وحذف المواضيع ويفضل أن تكون جميع مشاركات المعلن في موضوع واحد

ارجو الدخو للاهميــــــــــــه ضروري

bahry_y

عضو نشط
التسجيل
21 مايو 2008
المشاركات
240
السلام عليكم
ياشباب انا بشتري قهوه بحولي والرخصه عل مجمع كل 3قهاري برخصه
والاسبوع الياي تحويل العقد
المشكله انه المبنى قديم وكان عليه هدام وراعي المبنى ياب واسطه وخله السالفه تبعد وتطخ حلو
الحين انا باخذها وبالعقد بنكتب يتجدد كل سنه تلقائيا طبا ماراح يقدر يطلعني المالك لانه مكتوب تالقائيا عدل ؟؟؟
وثاني شي لو ياهاا هدام من الحكومه انا شنو الي لي والي علي وله بس بطلع وفلوسي تروح علي ؟؟
ياجمااعه اتمنه تفيدوني لانه المبلغ الي بقطه مو هين وفي مكان اسال عن الهدام او شي ؟؟
ارجوو الرد وشااااكر لكم مقدما
 

black-joker

عضو نشط
التسجيل
14 أغسطس 2010
المشاركات
190
ان شاء الله ما عليك شي ويعطيك فيها خلو اذا راعي العماره اللي بيهدمها وما يتم الهدم الا بموافقتك
والله اعلم
الله يوفقك اخوي
 

bahry_y

عضو نشط
التسجيل
21 مايو 2008
المشاركات
240
مشكورين عل ردوود بس الهدام من الحكومه مو من راعي المجمع
اتمنه التوضييح لي
 

اخر العنقود2

عضو نشط
التسجيل
17 ديسمبر 2009
المشاركات
408

اخوووي الأفضل اخذ عقد خمس سنوات ..
علشان افترض الله لا يقوله بعد سنتين قالك اطلع بره بهدم المجمع

... انت شنو راح تسوي ؟؟؟

راح ترفع على قضيه يعطيك إجارات 3 سنوات قدام .. وتكلفة الديكورات

امه عقد سنه وتجديد تلقائيا اذا لم يختلف الطرفين ( بعد سنه يقولك انا بختلف معاك علشان بهدم المجمع )

واهم نقطه قبل ما توقع العقد ... شوف البند هذا موجود او لا

لا يحق للطرف الثاني معارضة الطرف الأول أو إلزامه بتعويض أو إنقاص قيمة الإيجار في حالة إصلاح أي شيء يعيب العمارة بسوء كان رئيسي أو فرعي أو تجديد أي شيء يراه في صالح العمارة
 

bahry_y

عضو نشط
التسجيل
21 مايو 2008
المشاركات
240
مشكوووور يالغالي على ردك
بس يالغالي انا اتكلم انه المجمع بيهدمونه من قبل البلديه
وهل فعل في تعويض ٣ سنين عل اجار !!
والي ابي اعرفه لو يو البلديه وخلاص بيثمنون المجمع ويهدمونه انا شنو مصيري لي تعويض او شي عرفت يالغالي شنو ابي اعرفه
وللعلم اهو بيكتب يتجدد كل سنه تلقاقيا حلو بس في بند من البنود مكتوب العقد ٥ سنوات !!!!
 

محمد الحبشي

عضو نشط
التسجيل
4 أبريل 2010
المشاركات
477
الإقامة
Kuwait
السلام عليكم و رحمة الله

اخوي انت ذكرتني بواحد اعرفه و للاسف انه شخص ما يخاف الله يشتغل بالقهاوي و فوق هذا كله كانت عنده قهوة في المرقاب مقابل مجمع الوزارء ايام عاصم و عمر الخيام و غيره ... لما هدمو القهاوي الي اهناك كلها بقت قهوة صديقي ما اهدموها لان المبنى ملك شخص و غير مثمن و باجي المباني تم تثمينها من قبل الحكومه .... قام صديقي باع قهوته على شخص بمبلغ 40 الف و الي اشتراها حط فيها ديكور و ضبطها بملبغ 10000 و طلع عليه التكلفه كلها 50 الف و بعد سنتين جا صاحب المبنى و عنده حكم من المحكمه بالاخلاء لان العماره تجاوز عمرها 30 سنه !!!!!!!!!!!!!!!!!!!!!!!!!! و راحت عليه باجي فلوسه و يمكن الي اشترى القهوة بملبلغ 40 الف ما طلع حتى نص المبلغ ؟؟!!

با اختصار دير بالك من صاحب العماره او صاحب المجمع لان طالما المبنى قديم و تجاوز 20 سنه يقدر يطلع المستاجرين بحكم ان المبنى ايل للسقوط و الشغله كلها رشاوي برشاوي يعني حتى المهندس الي تفرزه المحكمه للتأكد من صلاحية المبنى فيهم ناس ياخوذون فلوس و العلم عند الله

موفق خير
 

bahry_y

عضو نشط
التسجيل
21 مايو 2008
المشاركات
240
مشكوووور يالغالي على ابمعلومات والله شاهد اني استفدت واايد وقررت ادور لي قهوه ثانيه بس بشرط تكون بمبنى جديد وعسااك عالقهوه يالغالي
 

Q8ti

عضو نشط
التسجيل
13 يونيو 2004
المشاركات
459
دور لك قهوة في أسواق القرين

دور لك قهوة بأسواق القرين

ترى القهاوي ما شاء الله مو ملحقة

لأن مافي قهاوي في القرين والمناطق المجاورة فكل الشباب يروحون هناك

وموفق إن شاء الله
 

bahry_y

عضو نشط
التسجيل
21 مايو 2008
المشاركات
240
والله ياجمااعه بشوف لي قهوه باسواق القرين او المنطقه الحره وان شاءالله احصل شي زين واذا احد حوالينه قهوه شغاله صح ياليت يعطيني خبر وشاكر لكم جميعا
 
أعلى