للبيع بسعد العبد اللله 3 أدوار شارع واحد أرضى +4شقق إرتداد 9 أمتار بالاضافة لخدمات

[فارس الإسلام]

للبيع بسعد العبد الله قسيمة 3 أدوار أرضى +4 شقق
شارع واحد إرتداد 9 أمتار بالاضافة لخدمات
كل شقة (3 غرف+غرفة خادمة+صالة+2حمام+مطبخ)
الأرضى (3غرف +صالة +ديوانية كبيرة+مقلط+ غرفة خادمة+ 3حمامات+مطبخ)
مسطح بنيان كبير( تكييف+سخان+ستالايت) مركزى +أصانصير
القسيمة جديدة وغير مسكونة
الســـــــــــــــوم 175،000 ألف
للمراجعة /حسين أبو دينا
تليفون /67084477​

 

[ابو نجم]

يابودينا- مع احترامي لك كلامك مش صحيح-أقولها قدامك مش وراك- ليش تعرضون القسيمه بسومه اكثر من سعرها الواقعي- ليش مانزلتها لما انسامت بسعر اقل من هالسعر- عاوز أفهم يعني انته استنيت عليها لما وصلت 175 ونزلت- بعدين يبقى فرسان الاسلام وتسمي نفسك أبودينا قول ابوعمر ابوخالد ابوالقعقاع-وبعدين لاتتخذ الاسلام ستارا وتدعي بانك فارس الاسلام - أنت وأشكالك صح فرسان- لكن فرسان النصب وخديعة المسلمين والتضليل والتدليس-مادخلتوا بلد الا خربتوه- قاتلكم الله

 

[ابو نجم]

ونسيت اقول حق اخواني الشباب- اللي يتابعون المنتدى- هالأسعار غير حقيقيه ومفبركه- لاتنخدعون بأسلوب الدعاية والاعلان-والألوان- وكأنه صايد صيده- هناك مجموعه من الشباب الكويتيين اصحاب مكاتب عقار ويتابعون شغلهم بأنفسهم أسعارهم واقعيه- لكن هؤلاء احفاد فرعون- يعرضون السلعه بينهم تمر على كذا مكتب- لذلك من مصلحتهم تكون الأسعار- خياليه

 

[ابو نجم]

قبل فتره بسيطه معروض علي بطن وظهر في سعدالعبدالله- صاحبه عجمي يشتغل في البترول-مسيوم 160 الف قالي افرق السوم فرقت 163- وباعني لكن مالله كتب نصيب بعد ماخذيت الأهل- لاتنجرفون- وراء فرسان بني خيبان

 

[شمس العصر]

ههههههههههههههههههههههه

فرسان بنى خيبان

نصابين الدلالوة

 

[BIG.PUN]

قبل فتره بسيطه معروض علي بطن وظهر في سعدالعبدالله- صاحبه عجمي يشتغل في البترول-مسيوم 160 الف قالي افرق السوم فرقت 163- وباعني لكن مالله كتب نصيب بعد ماخذيت الأهل- لاتنجرفون- وراء فرسان بني خيبان

كلام سليم أسعار فوق الخيال عند المكاتب العقاريه

واسعار جنوب الجهراء الموقع زاويه داخليه او بطن وظهر ارتداد 6م من الصوبين سرداب و3 ادوار على 175 الى 185

اما سد و3 ادوار بحدود ال 140 الى 160 حسب نظام شقق والتشطيب والموقع اذا قريب من مصافط مدرسه

 

[Business Man1]

فارس النصب والاحتيال
اذا 175 في سعد العبدالله بيبأه اييييه في جنوب السرة

 

[osama603]

بالله العظيم يااخوان .. يجيهم صاحب البيت وحاط في باله انه بياع ب 140 الف مثلا..يقولون له مالك شغل راح نجيب لك سعر ممتاز... ويكتب مثل هالموضوع البيت مسيوم 175 الف ...كله عشان العموله..لا وبعد بعض اصحاب البيوت درويش .. يعطونه السعر اللي في باله والزايد ياخذون لهم..لا ومسمي نفسه فارس الاسلام ...عموما الصدق صار عمله نادره..ولكن الله لهم بالمرصااااااااد

 

[ابو نجم]

هناك مثال واضح للمصداقيه والواقعيه- خل يستفيد منه فارس بني خيبان وربعه- موجود غلى الصفحه الأولى للمنتدى- الاوهي قسيمة هديه 750م- الرجل ماضرب في العالي قال مسيومه 180- لأنه يحترم نفسه أولا ثم يحترم عقلية الزبائن والذين يبحثون عن الشراء- والآن ماشاء الله وصل السوم تقريبا 240-