دبي أو تركيا ثم العمرة

[snouman]

أرجو منكم المشاركة في هذا الموضوع
انا عندي اجازة انا و مرتي و اولادي الثلاثة شهر 3/2011
وحبيت اروح العمرة بس قبلها امر على واحدة من هالثنتين
دبي أو تركيا وليما الحين محتار ايهي اونس للعيال
واللي يقول لي اي ديرة يقول لي لما اروح العمرة شلون بحرم
بالطيارة نفس الكويت والا فيه طريقة ثانية لان ما عندي فكرة عن هالموضوع
والميزانية من 3000 الى 4000 دينار تكفي والا لا ؟ ( 5 اشخاص)

 

[foxmind]

تركيا شهر 3 بارده وماعندي علم بسياحتها اما دبي فهي ماتصلح للجلوس لفترات طويله حدها 5 ايام اما الاحرام بيكون في الطياره قبل الوصول لمطار جده وراح يبلغكم فيه الطيار اكيد او انك تطلب من المضيفه تبلغك اذا اقتربت الطائره من الميقات


وبالنسبه للميزانيه اشوفها راهيه جدا لكنك ماذكرت الفتره اللي بتقدعها علشان الواحد يحسب


موفق خير

 

[snouman]

تسلم على التفاعل يالغالي

انا قلت لو 6 ايام دبي او تركيا

و 3 ايام مكة تقريبا

بس ماني عارف كم بتكلفني ؟

الفترة راح تكون من اسبوعين الى ثلاث اسابيع

انا صارلي فترة طويلة مو مسافر و حبيت اغير جو

 

[hurt]

والله ياخوي انه الوالد توه راجع سياحه من تركيا حلوه وايد يقول وفيه وايد اسواق شعبيه وسوالف حلوه ويستانسون العيال انشالله وبخصوص الامارات غاليه تره فه لو تسافر تركيه وايد احسن اسمك امسافر تركيه او ونست العيال وانت منه اكتشفته امن دبي كله ساعتين بل طياره تقدرون تروحن نهايت السبوع سهلات امن تركيه لا وفي الاخير الراي رايك ياخوي والله يحفضكم انشالله

 

[اليوفي الثاني]

تصدق يخوي رحت تركيا 20-2 ورحت لندن بعيد الفطر


تركيا افضل واحلى المطاعم بتركيا جدا احلى من لندن وكذلك الرخص تقريبا تركيا ارخص

باختصار تركيا احلا والجو هناك 12-20 درجة باسطنبول

وتروح وترد بالسلامة

 

[snouman]

تسلمون يا جماعة شكلي بخلي العمرة بالعيد الوطني أحسن

واروح تركيا اسبوعين في مارس اتوقع تكفي

 

[pedram]

انا و الاهل رحنا تركيا شهر ثمانية 5 ايام
اسطنبول كانت رطوبة بس الجو براد

واكيد روح تركيا دبي ويك اند كافي لها

اذا رحت اسطنبول روح العبارات الي بالبحر التذكرة ب 4 ليرات للشخص (لا تطلب رحلة من الفندق لان ياخذون 50 ليرة للشخص ) و روح جزيرة الاميرات
ما راح تندم ابد