للتنازل عن سائق هندي بسعر و راتب معقول جدا جدا

[بوجمال العقاري]

سائق للتنازل هندي عمره 37 سنه مسلم متزوج صارله عندي 5 شهور معاشه عندي كان 55 دينار و راح عند جماعه عندنه بس ما مشه حاله عطوه راتب اعتقد 70 او 75 دينار .. اعتقد انه ينزل ليه 65 اذا تتفاهم معاه بس انا ماني متاكد .. كان يشغل بالمدينه المنوره سنتين .. انا بس ابي احوله ولا انا طالب فيه وايد .. انا دفعتله 350 و 70 دينار تدريب و تقريبا 50 دينار رسوم من اجازه و اقامه و الرخصه ماني متاكد .. يعني تقريبا 470 دينار و انا ماني طماع ولا انا متاجر فيه الي ابيه 350 دينار بس .. سبب التنازل متهاوش مع طباخنه و محد بالعه بالبيت و الوالده ماتبيه .. المهم هذا رقمه 60938102 اسمه الطاف تقدر تتفاهم معاه مباشره بصراحه مالي خلقه .. و شكرا

 

[ميوسيت]

مشكور اخوى

هو من النوع اللى يبى يشتغل و لا يدور مشاكل

و شلون سياقته ؟

 

[ابو يوسف25]

مو طماعه ولا تبي اتاجر فيه
طالب فيه 350 دينار
وين قاعد عبد عندك تبيعه خل الرجال يترزق والناس تستفيد

استقلال مو طبيعي

 

[بوجمال العقاري]

شوف اخوي الصراحه انا خذيتة من واحد دفعتله فلوس 350 دينار و بعدين دربته 70 دينار و طلعتله رخصة و جميع رسوم الاقامه .. يعني كلفني تقريبا 470 دينار .. و ماكو شغل وايد بس كل يوم نجره مع الطباخ اهواش ما ارد من الدوام الا هوشه .. وطلاب وايد .. سياقته زينه بس يسرع اشويه .. ولا نص و نص مرات له عرات .. بصراحه انا مو بالعه كلش ولا الاهل محد بالعه .. و مخلينه على راحته كل شي يبيه نعطيه ما قصرنه معاه على العموم راح عند جماعه عندنهم و همن تهاوش مع صبيهم و نحاش منهم .. و على فكره انا ما ابي فلوس وهو يدري انا كنت ابي اسفره بس الحين ابي فلوس عشان ما يغرب على الخدم عندنه دلعناه على كيف كيفه بس مو كفو .. على فكره اخوي بو يوسف لا تتفلسف لو ابي فلوس صج جان ما ذميت الريال انا حاطهم تعجيز حق السايق و عشان ما يخرب على الخدم الي بالبيت عندنه .. لا تتكلم اذا ما عندك المعلومه .. انا قاعد على جبدي جذي حاط رقمه مو رقمي .. ابي الفكه منه .. على العموم هو عند ناس الحين انا معطيه مهله ليه بعد اسبوعين اذا ما ياب كفيل راح اسفره .. اقره الاعلان عدل اتحداك واحد يعلن بصراحه كثري .. و شكرا

 

[Balloons Shop]

اي والله صريح بو جمال
عسى الله يبارك لك في رزقك
ويخلف عليك

 

[ابو يوسف25]

اذا قررت اتسفره

حرام تدفع عليه تذكره

انا اخذه منك وابأسرع وقت احول اقامته ابيه حق مزرعه

وانا لا اتفلسف ولا عندي معلومات مثل ماتفضلت مجرد مداخله وخل روحك رياضيه

تقبل مروري

 

[بوجمال العقاري]

انشاء الله