ماذا يطلب للانتقال من وزارة الى وزارة اخرى

[ولد دشتي]

السلام عليكم

انا اعمل بوزارة التجارة وحاب انتقل لوزارة اخرى

ما هو المطلوب للانتقال لوزارة ثانية ..
معني ضامن توقيع المديرين .. مديري .. ومدير القسم الي بنتقل له في الوزارة الاخرى ..


شنو المطلوب عشان انقل؟

 

[ولد دشتي]

ارفع

 

[9hbhb9]

المطلوب عضو مجلس امه بصام حكومي واليوم في فرصه ذهبيه قبل الاستجواب المعاملات ما توقف بس اختار العضو الحكومه وروح كلمه قبل 28-12

 

[ولد دشتي]

ما ينفع اذا مدير ادارة القسم في الوزارة الثانية موافق على نقلي.
وكذا مديري ؟؟

 

[ولد دشتي]

ارفع

 

[ابو يوسف25]

ما ينفع اذا مدير ادارة القسم في الوزارة الثانية موافق على نقلي.
وكذا مديري ؟؟

اكيد بيقولك موافق وبهلي ويرحب لان مو شغلته ولا هو الي يختار موظفين بس ىبيونسك بكلمتين حبيبي شغلك عند الديوان الخدمه المدنيه مو عند مدراء
اول شي حسب خدمتك وحسب الوزاره
جم خدمتك
واي وزاره تبي
وانشاله انا والاخوان نفيدك

 

[ولد دشتي]

انا خدمتي بتكمل 3 سنوات تقريبا.
واشتغل بوزراة التجارة
وبغيت اي وزارة فيها الدوام جدا خفيف .. الاولوية للاعلام .. فالاشغال ثم البلدية

 

[بو شيشه]

انا خدمتي بتكمل 3 سنوات تقريبا.
واشتغل بوزراة التجارة
وبغيت اي وزارة فيها الدوام جدا خفيف .. الاولوية للاعلام .. فالاشغال ثم البلدية

الله يوفقك
الاعلام دوام خفيف وتزريق وماكو بصمة الا بكم قسم بس
أغلب موظفاتها تشوف لبسهم كأنهم جايين عرس مو دوام وعليهم مكياج مو طبيعي
الله يعينك و خل بيدك بطل ماي علشان اذا نشف ريجك كذا مرة
البلدية خايسة ما أنصحك فيها ودوامها اثقل من الإعلام وفيها نظام البصمة على الجميع الا القيادات وما راح تحتاج بطل الماي فيها لان هناك اغلبهم سحوت

 

[ولد دشتي]

لووووووول

والله ان شاء الله انروح الاعلام .. لانه انا انسان وايد اقرى وابحث، ابي اتفرغ حيل.

 

[ولد دشتي]

ارفع

 

[الشكوىى لله]

أغلب موظفاتها تشوف لبسهم كأنهم جايين عرس مو دوام وعليهم مكياج مو طبيعي
الله يعينك و خل بيدك بطل ماي علشان اذا نشف ريجك كذا مرة
البلدية خايسة ما أنصحك فيها ودوامها اثقل من الإعلام وفيها نظام البصمة على الجميع الا القيادات وما راح تحتاج بطل الماي فيها لان هناك اغلبهم سحوت

أستغفرالله العلي العظيم ...

 

[sh-k]

السلام عليكم

اخوى اللى اعرفه والمتبع عندنا


اول شي انت تبي تنتقل من وزاره الى اخري يعني واحد من الاثنين يا تسوي نكتاب نقل خدمات او ندب

بالغالب يكون الندب افضل لان مدته من ست اشهر الى سنه

وبعدها الاداره المعنيه بالوزاره الثانيه يسوون كتاب انهم بحاجتك وياخذونك ويثبتونك عندهم وفي حالة الندب المعاش تاخذه من وزارتك القديمه والنص الثاني من الوزارة اليديده

وفي حال الندب يجب ان يكون الكتاب مرفق معاه تفصيل راتب او استمراريه اهي ورقه تطلعها مع شهادة الراتب ويكون فيها المسمى والدرجه والى اخره من الامور المهمه للوزاره وفي وزارات يهتمون بالتقييم لاخر سنتين واخر شهاده حاصل عليها

طبعا من الشروط ان يكون صايرلك 4 سنين بوزارتك الاساسيه بالحالتين الندب او النقل

وشنو بعد اى في وزارات مايطلبون التقاييم الاخيره ومو مهم ان كنت امتياز


وطبعا الكلام يكون بين مكتب الوزير وبينك واذ

 

[sh-k]

عفوا لابتوبي قاعد يخرف بكمل

اذا تم قبولك فالوزاره تخاطب وزارتك ويطلبون ملفك والى اخره من الامور



بس قبل كل شي شوف جم بيكون معاشك وشنو بيطيييييح من راتبك لان الاغلبيه ينسون هالشي ومايهتمون وعقبا ينصدمون






وبمعنى اخير تحتاج واسطه بالغالبيه العظمى او جرب انت وحظك

 

[ولد دشتي]

السلام عليكم
مشكووور وماتقصر اخوي على التفصيل.

انا مشت معاملتي (طلب نقل) لوزارة الاشغال والبلدية، كنت مقدم طلب نقل ووكلت عضو عشان ياخذ توقع الوزير، وبالفعل حصلت على توقيعه. والحمدلله والشكر.

الليلة استلم الطلب الموقع عليه، وباجر الصبح بشوف الشؤون الادارية عندنا شيقولون وشنو في بعد اجراءات.

 

[مدمن نت]

اول شي الله يوفقك اخوي وتنتقل لوزارة دوامها على كيفك ..

ثاني شي مو كل توقيع يمشي .. ماودي اضيق خلقك لكن الاعضاء يبيلهم واحد ينشبلهم ابلاعيمهم عشان يمشوون معاملتك .. وفي لون احمر ولون اخضر ولون ازرق ولون اسود وبالنهايه كلهم نفس الشي بس المهم تنشب للعضو وتخليه يروح معاك للوزارة لان لو بتمشي بكتابك بنفسك ظول عمرك ماراح تنتقل ؟؟

وهذا من خلال تجاربي مع الاعضاء الكرام اللي لو تحترمهم ما يحترمونك ولا يمشون لك اي معامله لازم تذلهم بصوتك عشان يفيدونك

واتمنى ان الله يوفقك ويسهل دربك ويرزقك اللي في بالك .. واسمحولي على طول الرد