اللي عنده خبره في إجراءات شراء رخصة شركه يفيدنا

[Bo-3adel]

السلام عليكم و رحمة الله و بركاته

إخواني أنا أبي أعرف شنو الإجراءات المطلوبه في حال شراء رخصة شركه معينه بالتفصيل الممل، و شلون أقدر أشوف الشركه إذا عليها مخالفات و لا عماله...إلخ

يا ليت واحد من الإخوان يفيدنا بهالموضوع لأني عليمي بهالأمور و مره وحده اللي ما عنده خلفيه يستفيد.

و جزاكم الله خير

 

[Bo-3adel]

لا إله إلا الله وحده لا شريك له

 

[ابو يوسف25]

وانا كذالك عليمي مثلك بهل الامور

ودي اشاركك بالموضوع بصراحه وبختصار

بالزمن هذا صار الجذاب والذرب بااسلوبه ويعرف يصددك عن بعض الامور

صار ذيب وفاهم بستثناء عيال الحلال

خلك ذيب وافهم منه

اتصل على مكاتب تخليص المعاملات واسألهم واتستفسر وشوف واذا ماتطمنت عدل

دورلك مندوب عندهم وادهن سيره وخله يفلص عن الامور كلها بضبط



واسأل الله لي ولك وللجميع التوفيق

تقبل مروري بود

 

[Bo-3adel]

والله ياخوي أنا ما أخاف الا من سوالف الشركات و المؤسسات الوهميه، يا كثرهم و المشكله وزارة التجاره تدري عنهم

 

[Bo-3adel]

والله أنا قاعد أسأل الشباب بالديوانيه و يمين و يسار و اللي طلعت منه ليلحين أهو التالي:

1. صوره من رخصة الشركه المطلوب شراءها موضح فيها رأس المال.

2.صوره من عقد التأسيس.

3. تراجع بنفسك بوزارة التجاره ( روح حق واحد من معارفك) و تأكد من أن الشركه مو وهميه، اسأل عنها راح يطلعون عنها كل شي.

4. إذا وضعها سليم، إطلب من مالكها براءة ذمه من المواصلات و الشؤون و الكهرباء، بعض الشركات مو مسجل بالكهرباء و المواصلات و هالشي عادي، بس أهم شي يكون مسجل بالشؤون.

5.إذا الوضع زين و ماشيه الأمور، تروح مكتب تخليص معاملات و تقوله إنك بتشتري شركه معينه و تقوله إهي أساسا فيها جم شريك و جم شريك راح يدش فيها بعد ما تشتريها، هذا يسمونه إحلال و يتم على مرحلتين، المرحله الأولى يطلع واحد من الشركاء الأساسيين (أصحابها) و يدخل واحد أو كل الشركاء الجدد ما عدا واحد مكانه، و تنطر لين تنزل بالجريده اليوميه و بعد 45 يوم إذا ما خاب ظني تتم المرحله الثانيه من الإحلال و فيها يطلع الشريك الباقي من أصحابها البايعين و يدخل الأخير من الشركاء الجدد الشارين.

طبعا اذا دريت انها وهميه لا تفكر حتى ترفع السماعه على البايع لأنه لا يخاف ربه و لا عنده ذمه و لا ضمير، ما غير يترس الديره من هالعماله.

هذا اللي قدرت أحصله و أفهمه من الي سألتهم، و إذا عندكم شي يفيدنا لا تقصرون معانا