شباب ابي رايكم اذا امكن

[مستثمر ابو هادي]

السلام عليكم ورحمة الله وبركاته "

تحيه طيبه " اما بعد"

بالاختصار ياخواني في مشاركه مشروع انا ومصري في افتتاح معهد تدريس

وقال انه للي داخل معاه خمس شخاض وانت سادس

والقطيه على 3000 الف دينار لين يقوم المشروع على حيله بعدين يتم توزيع لايرداد على جميع
ملاحظه المصري تعرفت عليه عن طريق معهد تدريس يوم سجلت ابني فيه
عدة شهور وتعرفت عليه وقال ودي اسوي مشروع خاص
وعطاني الفكره
سوال هنا "
كيف اضمن حقي سواء كان المبلغ او توزيع لايرداد اثبت الحق
واي اضافه في ملاحظات الله جزاكم خير هل تعتقدون فيه خساير ؟
هل فيه مشاكل يعني قضايا اي كانت ؟
منتظر ردكم راقي والكريم وسامي
ولا هي غريب عليكم يا اخوان متواجده بالمنتدى من ردود
__________________

 

[sport man]

ماكو غيرها (القانون لايحمي المغفلين)

 

[kw-serv]

ما ادري والله بس ما اظن يكلف 3000 الف دينار

 

[al3mlaaq]

ياخوي المبلغ مبالغ فية اذا انتو 6 يعني 18 الف اعتقد المشروع مو مضبوط اول شيء اطلب منة ليش 3 الاف واذا حاب انت اسال عن الترخيص شكثر يكلف واتفق مع اي مكتب تخليص يطلع لك الترخيص وبعدين اخذلك شقة واثثها ماراح يكلفك 3000 الاف دينار وحط اعلان مطلوب مدرسين راح ايونك اعداد مهولة وانت تنقة عاد

 

[MaTaDoRy]

في البداية لازم تتعرف على الاشخاص الخمسه الي راح يدشون معاك

مافيها شي لو تقعد معاهم وتتكلمون مره ومرتين وثلاث

شوف شنو فكرتهم ومثل ما قال الاخ .. 18 الف على شنو بالضبط ؟

دام انهم محددين المبلغ .. شي طبيعي يكون عندهم دراسه

على اساسها حددو الـ 18 الف

اذا ما ارتحت لكلامهم ولا كان عندهم دراسه واضحه

انصحك تخلي فلوسك عندك ولا تدخل معاهم

وشوف لك مشروع ثاني مضمون وايد احسن

وبصراحه انا واحد ما افضل ادخل شريك مع ناس ما اعرفهم

 

[kw-serv]

واحد من الربع سوا هالمشروع بروحه
كلفه بدون الترخيص
2500 دينار اجار شقتين 250 الوحدة = 500 دينار
وفتحهم على بعض واثثهم ب 2000
والترخيص قول يكلف 2500 دينار الكامل = 5000 دينار
او تاجر ترخيص

 

[ابو يوسف25]

ابو هادي

مساك الله بالخير

حاضر وانا بو يوسف

3 الاف دينار بمعهد تدريس لا وبعد الفكره فكرة مصري

ابو هادي اترك عنك الغشامه

شلك في البحر واهواله ورزق الله على السيف

عفوا شنو بعد يدرس المعاهد الكبيره يالله تشيل نفسها والي تسندها الحكومه بطفرت icdl يعتبر العصر الذهبي للمعاهد

وماكو شي وانا اخوك


قبل الاسئله هذي وقبل لاتفكر بشراكه مع خمسه ماتعرفهم

اخذ رقم المدني مال المصري واستعلم فيه بستعلام القضائي

وارقامهم بعد شوفهم زينين


ليس الا نصيحه


اسال الله لي ولك التوفيق

 

[الكويت2009]

ابوهادي
تقدر تستفسر بقسم الاستشارات القانونيه

 

[(@فهد علـي@)]

دير بالك من شي اسمة مصري ترا وهقققققققققققة

 

[خادم العلم]

مرحبا

اخوي ابو هادي يبدو انك مالك خبره بالمشاريع حيل

اول شي شنو اسم النشاط اللي تبي اطلع عليه رخصه تجارية
ثايا باي منطقة تبي تفتح؟
ثالثا: هل عرض عليك دراسه كامله للمشروع كجدوى اقتصادية بالتفاصيل ؟

أنا ممكن افيدك بهالموضوع ، بس انتظر اجابتك على اسئلتي اولا


مع تمنياتي بالتوفيق

 

[al7oot511]

اخوي المشاركه تصير علي اثنين فقط لان المدرسين تحاسبهم بالحصه فقط ... واهوووو يدير هالموضوع وانت عينك وراه وتقعد بالمعهد الله لا يهينك يعني اداوم اول الايام الله يعينك ... وتحط موضف الاستقبال من طرفك يسجل الداخل والخارج وبفواتير وان شاء الله مايصير الا كل خير

 

[فيصل ابوعبدالله]

* تخليص معاملات للشركات فقط بالكويت :
1-اصدار رخصة حراسة منشآت الامن والسلامه .
2-زيادة رأس المال الشركة (مليون دينار كويتي) معتمده من وزارة التجارة والعدل .
3-تحويل الكيان القانوني للشركات من (توصيه بسيطه – تضامنية – ذات مسئوليه محدوده ذ.م.م) .
4-عمل ميزانية للشركات ذ.م.م .
5-اصدار رخصة علامه تجارية للتحفط للشركة من قانون الحقوق الملكية الفكريه شعار للشركة معتمد من وزارة التجارة .
للاتصال / 97666510
فيصل بوعبدالله

 

[sportsaaad]

صبحكم الله بالخير

يا جماعه نصيحه كل واحد يشغل فلوسه بنفسه ولا تعتمدون على أحد ، عشان تكون انت العامل الاساسي بالمشروع وتكتسب خبره وتطور قدراتك ويكبر المشروع .

واللي عنده فلوس يبي يشغلهم ولا عنده وقت ، يشتري اسهم تشغيليه واستثمار طويل يحقق ارباح بالسنه من 15 الى 20% .

ولا تعطي فلوسك لاحد يقولك اشغلهم لك وانت حاط ايدك على قلبك وكل يوم يتعكر مزاجك بسبب هذه المغامره السيئة .