سؤال عن مواقع السيراميك

[السهم المجروح]

السلام عليكم
يعطيكم العافيه عندي ترميم في بيت الوالد والحمدالله خلصت واخوكم اول مره يرمم والحين محتاج السيراميك وين تنصحوني اروح مع الموقع لاني ماادل يقولون شويخ بس اي صوب بالضبط بالشويخ وقواكم الله

 

[الأرستقراطي]

الله يكون بعونك ،،، آنا راح أقترح عليك أفضل أماكن للسيراميك و الأسعار ان شاء الله تكون مناسبة :

أبيات : مكانه بشارع كندادراي وانت جاي من كيفان أول لفه يمين تكمل سيده يصير على يسارك مجمع كبير

قرقور : موجود في سوق الكويت بعد ماتوصل مجمع الخليجية تاخذ دوار بهبهاني ( وكالة gmc ) يسار و بعدها تكمل كانك رايح الغانم ( وكالة كاديلاك ) المحل ملاصق للوكالة

بسامكو : موجود بالعارضية عند ورشات الوكالات باناسونيك و دي اتش ال و سوني و كراج تسليم تويوتا

في بحولي شارع تونس أبل و الشايع و كذا محل بس الأسعار غالية و بالنسبة لمحلات السيراميك بالشويخ شارع كندادراي عند ايكيا القديم تخليه على يمينك لغاية دوار مجمع لايف سنتر تاخذه يمين ،،، و سامحنا عالقصور ،،،

 

[الــو ا ر د]

السلام عليكم

هلا اخوي السهم

سوق السيراميك بالكويت منتشر بجميع المناطق مثل ما قال اخوي اللي قبلي

وانا شخصيا انصحك تروح حق اكبر واشمل و ((ارخص)) سوق سيراميك بالكويت وهو في (منطقه سكراب امغره) لان جميع مخازن ومعارض الكويت الكشخه والسكه مخازنهم بسكراب امغره بالعربي تاخذهم سعر جمله و اغلب البياعين من الجنسيه الافغانيه

وانا شخصيا رممت شاليهنا ورممت بيتنا سيراميك وطابوق متداخل مستعمل (0افضل شي الصناعات الوطنيه ما يتاكل من الماي) وطابوق زجاجي ومغاسل ومراحيض عربي وافرنجي كله من امغره

سعر سيراميك اسباني على شكل باركييه اسباني سايمهم انا المتر ب دينارين ونص بشويخ وبامغره تحصل نفسه بدينارين او اقل مع المكاسر وكاسرهم انت
وترى جميع المقاولين وشركات البناء تشتري السيراميك والمغاسل والمراحيض تلاقي من الرديئ الى التوب من امغره بس اسال عن الجيد
وسعر تركيب السيراميك اذا تركيب جديد من دينار الى دينار وربع للمتر
واذا تركيب السيراميك فوق الكاشي او فوق سيراميك قديم ما يحتاج مساح يتراوح من 650الى750 فلس للمتر


وروح الصبح عشان تشوف الالوان والاشكال عدل
والله يوفقك

 

[كنكون]

اخوي انا اتوني شاري سراميك وعن تجربه
رحت للشويخ وبغيت اشتري وشفت اسعارهم
بس الحمد الله مريت السكراب ونصدمت
قرانيت ارضيه ٦٠/٦٠ سعره بل شويخ ٢.٥٠٠ فلس لقيته بمغره نفسه بل ضبط ب ٢.١٠٠
سراميك حمامات ومطابخ بل شويخ ١.٧٥٠ فلس لقيته بمغره ١.٣٠٠
طبعا لازم تفتر عليلهم كلهم الي بمغره لان الاسعار متفاوته

 

[أعرابي]

هلا اخوي السهم

سوق السيراميك بالكويت منتشر بجميع المناطق مثل ما قال اخوي اللي قبلي

وانا شخصيا انصحك تروح حق اكبر واشمل و ((ارخص)) سوق سيراميك بالكويت وهو في (منطقه سكراب امغره) لان جميع مخازن ومعارض الكويت الكشخه والسكه مخازنهم بسكراب امغره بالعربي تاخذهم سعر جمله و اغلب البياعين من الجنسيه الافغانيه

وانا شخصيا رممت شاليهنا ورممت بيتنا سيراميك وطابوق متداخل مستعمل (0افضل شي الصناعات الوطنيه ما يتاكل من الماي) وطابوق زجاجي ومغاسل ومراحيض عربي وافرنجي كله من امغره

سعر سيراميك اسباني على شكل باركييه اسباني سايمهم انا المتر ب دينارين ونص بشويخ وبامغره تحصل نفسه بدينارين او اقل مع المكاسر وكاسرهم انت
وترى جميع المقاولين وشركات البناء تشتري السيراميك والمغاسل والمراحيض تلاقي من الرديئ الى التوب من امغره بس اسال عن الجيد
وسعر تركيب السيراميك اذا تركيب جديد من دينار الى دينار وربع للمتر
واذا تركيب السيراميك فوق الكاشي او فوق سيراميك قديم ما يحتاج مساح يتراوح من 650الى750 فلس للمتر


وروح الصبح عشان تشوف الالوان والاشكال عدل
والله يوفقك

معلم السيراميك يقول لازم أكسر السيراميك القديم عشان يضبط الجديد سواءا لأرضية المطبخ أو الحيطان هو كلامه صحيح و إلا نصاب و ماعنده سالفة أرجو منك الرد لوسمحت .