محتاج قرض من وين اخذه ؟

[الزعفران]

السلام عليكم ورحمة الله
اخواني ابي اخذ قرض تقريبا 3500 دينار
وابي شركة غير التسهيلات لانهم رفضوا يعطوني قرض
في غير التسهيلات ؟
تحياتي

 

[المؤشر العقاري]

نصيحه لوجه الله ابتعد عن القروض الربويه مهما كانت حاجة للمال

 

[bo7anon]

اااااااه بس اااااااه

ابي قرض

 

[ليث متواضع]

عندل الدوليه وبنك بوبيان يعطونك بدون تحويل الراتب وأقل فوائد من بيت التمويل وأيضاً البنك الدولي والبنك الأهلي المتحد

 

[الزعفران]

عندل الدوليه وبنك بوبيان يعطونك بدون تحويل الراتب وأقل فوائد من بيت التمويل وأيضاً البنك الدولي والبنك الأهلي المتحد

جزاك الله خير
بنك بوبيان اتصلت فيهم وقال لازم الراتب فوق الالف 1000 دينار اذا انت مو عميل في البنك

الدولية ماعرف وين مكانهم ؟

وشكرا

 

[ليث متواضع]

الدوليه ورى فندق الشرتون اتصل على بدالة 1808080 وخذ رقمهم ويعلمونك وين عنوانهم وهل تنطبق الشروط عليك ولا ماتنطبق وهل الشركه شرعيه ام غير شرعيه

 

[الكويت2009]

نصيحه لوجه الله ابتعد عن القروض الربويه مهما كانت حاجة للمال

صح لسانك

اظن بيت الزكاة يطعي قروض راجعهم المركز الرئيسي في جنوب السره

 

[bo7anon]

صح لسانك

اظن بيت الزكاة يطعي قروض راجعهم المركز الرئيسي في جنوب السره

اتوقع موكل واحد يعطونه قرض

الا بشروط تعجيزيه

سيارتك محترقه او شي من هالقبيل مرض لاسمح الله

 

[الزعفران]

اشكركم جميعا على الردود الطيبة
الحين بس ابي 2000 دينار و ماخليت شركة بالكويت او بنك الا وطلبت منهم وكلهم ارفضوا
تدرون ليش علشاني شغال قطاع خاص في شركة اهلية
لازم كفيل يعمل بالحكومة
هذي اخرت من يعمل بالقطاع الخاص يصير مثل البنقالي لازم كفيل علشان ياخذ قرض
لاحول ولا قوة الا بالله

 

[الشكوىى لله]

مالك غير بنك الكويت الدولي.. مكانه بفحيحيل
بشرط اذا كنت دون الـ21 يطلبون كفيل عمر لا اكثر
أنا نفسك ماخليت بنك الا راجعته ...
ومانفعني غير هل بنك ......................... انصحك فرع فحيحيل

 

[بدون مجامله]

دام المبلغ الفين اشتر اجهزه اكترونيه بالاقساط وبيعها كاش توفي معاك اخذ على سبيل المثال وحدات تكييف

 

[الشكوىى لله]

أييييي وعلى طاري الاجهزه الكهربائيه .
عندك العساكر مكانه بفحيحيل يبيع لك ويرد يشتريهم
وتقسطه ... <= الدعوه مرابحه فهمت
يعني لو تاخذ لك 10 وحدات Yes سعرها 180 تقريبا = 1800 دينار
أو شوف لك وحده او اي جهاز كهربائي بحدود الـ250 وخذ لك 8 اجهزه هذي 2000د.ك

موفق

 

[بدون مجامله]

أييييي وعلى طاري الاجهزه الكهربائيه .
عندك العساكر مكانه بفحيحيل يبيع لك ويرد يشتريهم
وتقسطه ... <= الدعوه مرابحه فهمت
يعني لو تاخذ لك 10 وحدات yes سعرها 180 تقريبا = 1800 دينار
أو شوف لك وحده او اي جهاز كهربائي بحدود الـ250 وخذ لك 8 اجهزه هذي 2000د.ك

موفق

هل العمليه شرعيه اخوي يبيعهم ويشتريهم مني نفس الشخص

 

[BuyNSell]

من قال قطاع خاص لازم كفيل؟
يمكن الشركه اللي انت فيها مو معترف فيها او مو مكتب صغير ؟

انا قطاع خاص و بكذا شركه اشتغلت

اخذت مره من الوطني 9 الاف بدون كفيل
و اخذت مره من التسهيلات 3 الاف بدون كفيل و لا شي
و قدمت ووافقو لي علي بطاقه اميريكان اكسبرس و لا كفيل و لا شي بليمت فوق ال 2000
و قدمت مره و حصلت علي موافقه من التمويل ب 18 الف تقريبا بس ما اخذت القرض
و ياتني موافقه علي الدولي اذا بتحويل راتب 40 الف و بدون تحويل راتب 10 الاف اظن و يصير 15 الف بس انا ما كملت المعامله

في طريقه حلوه .. روح قدم علي بطاقه اميريكان اكسبرس اذا راتبك الاساسي فوق ال 600 دينار و ينزل منتظم .. و يصير مع دعم العماله طبعا اكثر من 900 جذي
اقل شي اقل شي يعطونك بطاقه الليمت مالها 1000 دينار هذا اقل شي اذا راتبك يشوفونه وايد مقطع لكن غالبا الليمت فوق ال 2000 دينار
بس شرط راتبك الاساسي فوق ال 600 من الشركه اللي تشتغل فيها و صار لك اكثر من 3 شهور بالشركه هذي

و بالنسبه اذا شرعي او لا .. عادي شرعي لان في طريقه للبطاقات عندهم ان تسدد المبلغ كامل اللي تسحبه اذا توفر عندك مو اقساط و رسوم