استفسار بخصوص البنك ***

[موج-البحر]

السلام عليكم





انا صارتلي مشكلة مع البنك ******حاليا , لاعبين بحسابي لعب


واهيا مو مشكلة لا مشاكل , اخذت قرض بنهاية 7 وقالولي القسط الاول

راح يكون بشهر ثمانية , بس اللي صار ان اول مانزل القرض شهر 7 وصلني

بعدها بثواني مسج ان انخصم اول قسط واهم قالوا اول قسط

راح يبدا شهر 8 , ثاني شي انا عندي قرض قديم وشهر 6 دفعت لهم

قسط مقدم شهرين عن هالقرض القديم , يعني شهر 7 و8 مالهم قسط

عندي , بس اللي صار معاي ان اخر شهر 8 اسحبوا كل اللي بالحساب

ولما راجعتهم قالوا هذا قسط شهر 8 للقرض القديم وانتي متاخرة الحين

بقسط 8 للقرض اليديد ؟؟؟؟

قلتلهم دفعت قالولي لا ماكو , بعدين قالوا بنراسل جهة مادري منو يقصدون

وطلع الحق معاي , راجعت مدير الفرع قال راح اتواصل مع الجهة وابلغهم

واعطيهم الكشوف انج دافعه مقدم وان في قرض بدا قسطه مبجر وان لي

فلوس عندهم لازم ترجع لحسابي وخذا رقمي على اساس انه يتصل اول

مايردون عليه بالايميل

نطرت يوم يومين ثلاث الحين صارلهم 6 ايام بدون اليمعه والسبت وماردوا

علي ؟؟؟ اذا كل هالوقت علشان يردون عليه بالايميل عيل جم يحتاجون

علشان يعدلون الوضع كله ويرجع كل شي لمكانه ؟؟؟


السؤال : شسوي الحين , حدي محتارة اشتكي على الفرع اللي اراجع فيه

عند الفرع الرئيسي ؟

والجهة اللي يتواصلون معاهم هل اهم البنك المركزي ؟​

 

[rahaly]

فرض البنك المركزي على كل بنك فتح مكتب للشكاوى ..
قدمي شكوى في الرئيسي .. اذا ما استفدتي قدمي شكوى في المركزي

والله اعلم

 

[بو حسين5]

انا حبيت اعني اعلق على اكثر من نقطه وبما اني موظف في البنك المقصود

اخذت قرض بنهاية 7 وقالولي القسط الاول راح يكون بشهر ثمانية

​

اذا القرض اخذتيه قبل ما ينزل الراتب راح ينخصم القسط من راتبي الشهر نفسة اي شهر 7 و اذا نزل بعد ما نزل الراتب القسط ينخصم اخر الشهر من البلغ الموجود في الحساب

ثاني شي انا عندي قرض قديم وشهر 6 دفعت لهم قسط مقدم شهرين عن هالقرض القديم , يعني شهر 7 و8 مالهم قسط عندي , بس اللي صار معاي ان اخر شهر 8 اسحبوا كل اللي بالحساب


​

اختي هذا يعتمد على نوع القرض اذا كان من القروض القديمة ( البلون ) او الجديدة حيث ان يختلف لان بعض القروض لا يمكن تسديد القسط مبكرا

راجعت مدير الفرع قال راح اتواصل مع الجهة وابلغهم واعطيهم الكشوف انج دافعه مقدم وان في قرض بدا قسطه مبجر وان لي فلوس عندهم لازم ترجع لحسابي وخذا رقمي على اساس انه يتصل اول

​

مثل ما ذكرت يعتمد على نوع القرض و للاسف ان الكثير من الموظفين لا يعلمون بهذا الامر ولكن بما ان مدير الفرع قالج انه راح اشوفلج الموضوع و يحاول انه يحل المشكلة انا نصح انج تراجعينة يوم الاحد اول الدوام

و ارجوا انج ما تعتمدين كلامي لاني انا طلعت من الادارة المختصه بالقروض منذ اكثر من سنتين و يمكن الاجراءات اختلفة

والله اعلم

 

[silencee]

السؤال : شسوي الحين , حدي محتارة اشتكي على الفرع اللي اراجع فيه

عند الفرع الرئيسي ؟

​

السلام وعليكم ورحمة الله

بالنسبه للبنوك ماتنفعج شمواج عندهم

الحل الأنسب لحفظ حقوقج كالاتي

1/ أطلبي كشف تفصيلي لحسابج من شهر 6/2011 لغاية اليوم
هذي تقدمينها من الاستقبال بأي فرع للوطني
بعدها الخطوه الثانيه
2/ أطلبي صورة القرض وهذا من حقج

3/ أحتفظي بالايميلات المرسله والوارده منهم بحافظه مستقله بالايميل للعازه


بس أتوفر عندج هالورقتين بلغيني وأعلمج خطواتج اللي تنفعج بحقج ومن حقج بالمطالبه بالتعيض من هالبنوك اللي ماتستحي ولاعبه بحساباتنا لعب

وقتها البنك بتأسف منج ويستعدل

ربي يعينج

لي عوده