باقي اسبوع ويفتح مطعمي وخايف من المحاسب(أأمن طريقة لحفظ حلالي شنو؟)

التسجيل
28 مايو 2007
المشاركات
406
يا جماعه انا توني فاتح مطعم مشويات في احد المجمعات الراقيه ونظام المطعم سفري بس

أبي أعرف شلون أحفظ حلالي وما أظلم ابن الحلال الكاشير ؟

هل فيه طريقه أخلي الطلبات بالكمبيوتر وتكون كلها محفوظه وامسحها بشكل اسبوعي

لان الطباخ ما يطلع الطلب الا بفاتوره من الجرسون

أبي أظمن طريقه ما عليكم امر
 

hdaf

عضو نشط
التسجيل
23 نوفمبر 2011
المشاركات
75
مرحبا اخوي
تقدر تركب كاميرا على الكاشير .
و تتابع امورك حتى وانت بالبيت عن طريق النت .

وبالتوفيق
 
التسجيل
10 أبريل 2011
المشاركات
604
أأمن طريقة أخوي انك تقعد على قلوبهم بالمحل وتقابل حلالك ولا تتكاسل ومبروووووك مقدما ً وبالتوفيق ان شالله
 
التسجيل
28 مايو 2007
المشاركات
406
مو حل يا جماعه انا موظف ما اقدر اقابل المحل

أبي شركات المطاعم المشهوره شلون تتابع حساباتها ؟
 
التسجيل
22 ديسمبر 2011
المشاركات
13
اخوي تبي تضمن حلالك ؟
لا تشغل مصري نهائيا
قسم بالله هذي الجنسيه مايخافون الله
البوق عندهم حلال ناكرين النعمه
وظف هندي او بنغالي احسن منهم
 

فؤاد سعد

عضو نشط
التسجيل
18 مايو 2011
المشاركات
159
خوي تبي تضمن حلالك ؟
لا تشغل مصري نهائيا
قسم بالله هذي الجنسيه مايخافون الله
البوق عندهم حلال ناكرين النعمه
وظف هندي او بنغالي احسن منهم

منيف المطيري والله الي مثلك هم الي يتخاف منهم لان مفيش حد متعلم وفاهم يقول كلام زي كلامك دا. كل بلد فيها الامين وفيها
الحرامي ومثل ما في مصري يسرق في مطعم دينار ولا دينارين فيه الكويتي الي بيسرق الوفات من مكاتب السيارات ويبيع سيارات مضروبة للناس وياريت متدخلش الجنسيات في الموضوع وحافظ على الادب والاحترام عشان الناس تحترمك. :)
 

rezo581

عضو نشط
التسجيل
10 فبراير 2010
المشاركات
12
طريقه الحساب

اخي العزيز يمكنك ان تقوم بعمل دفتر فواتير من نسختين ، نسخه تخرج مع الطلب ونسخه تبقي في الدفتر ، وبما ان عملك يعتمد علي السفري ، فلابد من اخراج فاتورة معه ،
ودفتر الفواتير مرقم بالتسلسل ، واطلب منه ان يسجل الفواتير علي صفحة اكسل بالكمبيوتر وتقوم بمراجعته بطريقه عشوائيه او كامله مثلما تحب ، واي استفسار يمكن ان تتصل بي علي 66190220
 

khalid592

عضو نشط
التسجيل
2 مايو 2005
المشاركات
701
الإقامة
kuwait
حط كامره وتسجيل صوت بالتلفون .. وراجع كل يوم الحسابات ..

واول شهر مثلا لازم تقابل حلالك وتشوف الشغل واذا في اخطاء تعدلها .. والله يوفقك
 

khalid592

عضو نشط
التسجيل
2 مايو 2005
المشاركات
701
الإقامة
kuwait
والمشويات تنحسب بالكيلو .. مث نزلت عشره كيلو لحم .. وانت تبيع اكيلو مثلا بدينار ..
اذن النتيجه يكون البيع ب 10 دنانير وهكذا ..
بالاضافه الى الفواتير ..

بس الاهم من هذا كله بعد خدمه الزبون ..
 

Hamilton

عضو نشط
التسجيل
23 مارس 2009
المشاركات
355
اذا تبي ترتاح عندي لك واحد يمني بس ما يندرى اذا بيطلع من شغله حاليا او بعد شهرين ... امين لدرجه كبيره وفوق هذا لازم تحط نظام الكمبيوتر مال المطاعم يعني اللي يطلب ينطبع الطلب على الماكينه وتطلع ورقه للمطبخ وورقه تلزق فوق الطلب واكو نسخه داخل الكمبيوتر حقك للمراجعه وموفق خير وبلغنا متى تفتتح والمكان عشان اكون اول زبون ان شاء الله
 

اعزالناس

عضو نشط
التسجيل
17 أكتوبر 2009
المشاركات
31
حسب خبرتى وخساراتى :)
مستحيل تضبط الحسابات وانت بعيد ولو اخوك يشتغل فيه
افضل طريقه ضمنه وفك عمرك واخذلك مدخول شهرى وارتاح
بومشعل
 

Kareem Alashry

عضو نشط
التسجيل
8 أكتوبر 2011
المشاركات
15
الإقامة
دولة الكويت
أخي العزيز
فيه كلمة انت قلتها ان الشيف بياخد الاوردر بايصال
كويس جداً
فيه أجهزة كاشير بتتباع من الشركات ومليانه في الوسيط و808080 ونص الاسبوع
تقدر الشركة تبرمج لك الكاشير على حسب أنواع المأكولات اللي عندك والبرنامج بيخزن كل الاوردرات اللي تمت بالتاريخ والساعة زي سلطان سنتر والمولات الكبيرة بالضبط

وبالنسبة للكاشير أي جنسية مش مهم ،،، المهم يتدرب على البرنامج ويشتغل عليه وعلى فكرة أجهزة الكاشير اللي فيها البرامج وغالباً بتكون شاشتها باللمس هي أصلح شئ لأن عندك مثلاً القهوة الكبيرة الموجودة في مشرف جنب ارض المعارض كلها شغالة بنفس النظام ومستحيل يطلع كوب شاي واحد الا بفاتورة البرنامج

تحياتي وارجو اكون افدتك
 

investor 2007

عضو نشط
التسجيل
3 أغسطس 2007
المشاركات
172
عزيزي السلام عليكم
بما ان الشيف هو من يحضر الاكل فبامكانك شراء نظام مثل برغر كنغ وماكدونالدز الي يكون عند الشيف شاشه تظهر له فيه الطلبات بمجرد ان يدخلها الكاشير وهذه الطريقة هي المتبعه في المطاعم هذه وانصحك روح احد فروعهم وشوف طريقه شغلهم
 

الاحمـد

عضو نشط
التسجيل
16 يونيو 2008
المشاركات
1,425
عندك حلين يالغالي:-

دفتر بو 3 فواتير
نسخة عند المحاسب +نسخه عند الزبون + نسخه عند الطباخ


أو


تاخذ لك كمبويترات الكاشير ( مثل ماكدونالدز وستاربكس )
وتلقاهم بحولي وإعلاناتهم بالوسيط


ولاتنسى تركب كاميرا ( وتقدر تشبك من الايفون وتابع حلالك حتى وانت بالدوام )

والله يوفقك ان شاء الله

 

mR Basha

موقوف
التسجيل
5 يونيو 2008
المشاركات
305
اخوي تقدر تعمل برنامج حسابات كل شي يطلع يتسجل وينتهي موضوع ما يقدر يوخذ شي
 

fawazzz

عضو نشط
التسجيل
4 أكتوبر 2005
المشاركات
300
السلام عليكم
في مطعم بحولي لبيع المأكولات الكويتية اسمه بلاليط
علطول اصحاب المحل قاعدين فيه ليل نهار اعتقد هذي احسن طريقة لازم تجابل حلالك بنفسك
ولاتهد محلك الا لما تتاكد انك حاط حلالك عند شخص امين وثقة
 

egyptian869

عضو نشط
التسجيل
18 يناير 2009
المشاركات
1,306
الإقامة
الكويت
السلام عليكم ورحمه الله وبركاته .. بس انا حبيت اقول كلمه فى الموضوع ونصيحه لاخى صاحب السؤال وطبعا كل اللى اتكلموا وشاركوا بصراحه كفيتو ووفيتو يا شباب. ماكينات الكاشيير تحل المشكله تماما وماكو شي يخرج من عند الشيف الا بايصال الماكينه وانت اخر اليوم تمر للمحل او حتى مو شرط تمر الماكينات فيها زر يسويلك تقرير باخر اليوم عن كل المبالغ اللى بالدرج ولا يمكن اللعب فيه ولكن ...
اخى الكريم انت ليش متصور ان البوق من المحاسب ؟؟ ترى اقل واحد ممكن يبوق هو المحاسب لانه بيشتغل بماكينه تعد عليه كل فلس داخل للدرج ومايقدر يلعب فيها طالما ان الشيف ما يخرج الطلب الا بالاوردر مطبوع.. تبي تعرف وين البوق اقولك انا من واقع خبرتى.. البوق فى المواد . الطماطم .. الخضار .. الفحم لو مشويات .. الصمون والخبز .. اللحم نفسه .. يعنى انت لو مسوى ماكينه شاورمه تفتكر منو اللى يقدر يبوقك الكاشير ولا اللى بيسوى الساندويتشات ؟؟ ترى اللى يعطيه بقشيش يترسله الصمون وانت ما تدرى وماكو احد يظبطها. الشغلات الخاصه بالمطعم هى اللى فيها البوق مو النقديه اللى عند الكاشيير .. هذا اقل واحد ممكن يمد يده على الدرج لانك بتسوى جرد يومى على الفلوس.. ازيدك انا من الشعر بيت .. لو اتفق الكاشير والشيف وخرجت الطلبات من غير ما تمر على الدرج شنو راح تسوى ؟؟ يعنى بدل ما الكاشير يخرج الايصال من الماكينه لا يكتبه بالقلم على ورقه للشيف؟؟ نصيحه اخيره ليك .. اشترى البرنامج اللى بالاسواق حق المطاعم اللى يحسب كل فلس وراقب الكاشير والشيف ودايما خلى عينك ما يصير بينهم تزبيط وياريت اول يوم اسبوع تكون موجود بالمطعم وتراقب سيخ الشاورمه يعمل كم صمون و كرتون الطماطم والخضار و اكياس الخبز بس علشان تعرف راسك من رجلك واهما كمان يعرفوا انك متابع. مره ثانيه اقولك البوق اكثر شي يكون فى الخامات مو الفلوس .. لو على الفلوس سهله.
 
أعلى