سؤال عاجل عن عمل وكالة (ياريت تفيدونا في أقرب وقت)

[الشجرة]

السلام عليكم ...
مطلوب عمل وكالة من والد لأحد الأبناء ...

- وين ممكن تتسوى هذي الوكالة ؟ هل لازم قصر العدل ؟ ولا ممكن محكمة حولي الجزئية؟ واي قسم يروحون؟

- شنو المطلوب غير حضور الشخصين + المدنيات ؟

- السؤال الأهم شنو نوعية الوكالات المتوفرة؟
طبعا اللي اعرفه فيه شي اسمه وكالة عامة تشمل كل شيء ...
هل في أنواع ثانية الصلاحيات تكون فيها أقل ؟
هل اهمه يحددون في الوكالة شنو تشمل بند بند؟
ولا في مسميات جاهزة ويقولون حق الموظف نبي نسوي وكالة من نوعية كذا ..

مشكورين . وجزاكم الله كل خير

 

[silencee]

السلام وعليكم

يأتي الرد متأخرا خيرا من أن لا يأتي

بالنسبه للوكاله مو لازم حضور الطرفين

الوالد يروح اذا يبي الاسهل الى مجمع الوزارات
الدور الارضي قسم التوثيقات تابع العدل

يأخذ رقم وبس يجيه الدور يروح عند الموثقه ويعطيهم بطاقة من يبي يوكله ويحدد نوع الوكاله

اذا يبيها عامه يقدر يسويها عامه ( بس العامه يقدر يسوي كل شيء فيها الابن بدون حضور الأب )

أما اذا يبيها وكاله خاصه لآكثر من جهة يطلب وكالة خاصه في (الداخلية المواصلات الشؤون الخ الخ حسب مايبي )

قيمة الطوابع ديناريين للوكاله

مدة أجراءها 5 دقايق عند الموثقه وتتم الوكاله بحضور الاب مو شرط حضور الابن

موفقين خير

 

[silencee]

طبعا يقدر يسوي الوكاله بقصر العدل أو المحكمه التابعه لها منطقتكم أو مجمع الوزارات مافيه زحمه

 

[الشجرة]

مشكوووور والله يعطيك العافية ويبرد قلبك ...