هيئة أسواق المال: صدور قرار تأديبي بوقف أحمد رجب و3 آخرون عن التداول لمدة 6 أشهر

[fwaz70]

كويت نيوز:
اعلنت هيئة أسواق المال عن صدور قرار مجلس التأديب اليوم الخميس ضد كلا من أحمد رجب، أنور محمد الشعيل، زينب ابراهيم عبدالهادي وأحمد محمد حسن بوقف نشاط التداول للمشكو بحقهم. وأضافت الهيئة في بيان لها أن وقف النشاط يتضمن البيع والشراء بطريق مباشر أو عن طريق محافظ تدار من الغير لحسابهم أو بأي طريق آخر وسواء كان التداول لحسابهم الخاص أو لحساب غيرهم لمدة ستة أشهر.


يا شباب شنو تأثير هذا الخبر ع السوق وبالاخص كمية السيوله؟
احمد رجب اكبر مضارب بالسوق والمضاربه ملح السوق!

 

[ابو حمود وعزوز]

لصالح السوق لان احمد رجب ماله اهميه هو فقد يتلاعب بالتداول باكثر من اسم ويخدع المتداولين

 

[الصيااااااد]

نبي كل المضاربين اللي كانوا ولازالوا يرفعون اسهم متواكلة في راس مالها اكثر من ٥٠٪

ويتم التحقيق معهم لماذا يرفعون سعرها للدبل

 

[Q8_POOS]

انت من صجكم أحمد رجب يتداول بحسابة بالبورصة
هذا عندة مليووون حساب

 

[Now]

انت من صجكم أحمد رجب يتداول بحسابة بالبورصة
هذا عندة مليووون حساب

ايوااا هذا الكلام الصحيح .. الخبر ماله تأثير

 

[الراقي]

المضاربة جزء اساسي بكل الاسواق ولكن سبب التوقيف لمخالفة القوانين اولها الاوامر الوهمية وكذالك الصفقات الوهمية

 

[AlBustan]

اشوف اذا تم ايقافه بسبب الاوامر الوهمية هذا شيء ايجابي كون الطلب و العرض راح يكون حقيقي بصورة افضل عن ما كان عليه.

 

[مليون دينار]

من حطو هيئه اسواق المال وسوق الكويت مو مترقع

يلاحقون الاسهم الصاعدة ولا يهتمون اذا سهم نازل بالحد الادني اسبوع كأن يتمنون ان السوق ما يصعد

والحين يلاحقون كبار المضاربين بالسوق

تخيل السوق من غير المضاربين الكبار

هل تصعد الشركات من اسعار 15 فلس الى 60 فلس

http://www.indexsignal.com/community/threads/305777/

كان عندنا فوق 30 شركة تحت 25 فلس والحين ولا شركة تحت 25 فلس بفضل المضاربين الكبار

 

[q8y_net]

حسبي الله عليكم ما عندكم شغل الا المضاربين ...الزبده مو عاجبهم ارتغاع السوق

 

[بن جمعان]

أخوي مليون الشركات ألي تحت 15 فلس ألي تقول عنها عساها ما أرتفعت -- ما سألت نفسك ليش وصلت حق هالأسعار !! من خسايرهم واللعب بفلوس الناس
ومن أرتفعت هالأسهم الخسرانة تخسبق السوق والناس تلحقهم وخلت ااشركات االسنعة -- وضاعت الحسبة -- وقلعتهم هالمضاربين -- وتحية كبيرة لهيئة أسواق المال

 

[q8y_net]

بعض الردود تجيب المرض ...لا منطق ولا اسلوب الناس خسارنه شقي العمر راح ...والحبيب ما خسر شي يبي الوضع علي ما هو سلامتك ...قال شركات قياديه الصح تقول شركات فلان وفلان الاحتكار بكل شي ...قلعتهم قالها تاجر الله لا يرحمه و ما ترقع

 

[بن جمعان]

ألي ما يشد السوق لا يدشه

 

[fwaz70]

للاسف الهيئة صايره مثل الدب في قصة الاحمق الذي اضر من حيث اراد ان ينفع
اسلوب توقيف التداول عن شركات او ايقاف متداولين كعقوبه لمخالفات ارتكبت اسلوب اثبت فشله ويمكن الالتفاف عليه وتجاوزه
ويتضرر منه السوق بشكل عام وصغار المساهمين بشكل خاص وآخر من يتضرر هو المتسبب بالمخالفه
هناك اساليب اكثر نجاعه واثبتت نجاحها في دول كثيره وهي الغرامات الماليه الكبيره وتكون نسبتها تتماشى مع حجم المخالفه
او مقدار التربح من التداولات الوهميه وتطبق على اعضاء الادارات التنفيذيه للشركات ومدراء المحافظ والمضاربين
وكذلك هناك اسلوب التصنيف فيما يخص الشركات حيث تصنف الشركات تبعا لالتزامها بالقوانين المرعيه وبالتالي يبتعد المتداولين عن الشركات ذات التصنيف السيئ
لا ادري ان كانت تلك الاساليب غائبه عن الهيئه او غير قابله للتطبيق

 

[راعي_أسهم]

ناس ماعندهم ذمة ولا ضمير ولا أخلاقيات مضاربة بالسوق.. يبيعون ويشترون على أنفسهم إيهام للمتداول بأن السهم زين وعليه تداول.. غير اللعب عن طريق محللين مأجورين وشارتات جذب بجذب ولا لها أساس وأخبار وإشاعات كلها تخدم مصالحهم وبوق بحلال الناس.. يحطون طلبات شراء والناس يشترون وبثواني يلغونها ويقطون عليهم حسبي الله عليهم

 

[راعي_أسهم]

المضاربة جزء اساسي بكل الاسواق ولكن سبب التوقيف لمخالفة القوانين اولها الاوامر الوهمية وكذالك الصفقات الوهمية

نعم يالراقي المضاربة شي أساسي والشغل يكون عدل وسنع لما تكون الأوامر حقيقية مو وهمية وبخداع الناس شنو ذنب المتلزم بالقانون وفلوسه وشقا عمره يروح قدامه عيونه؟؟ يبيله 100 سنة عشان يرد حلاله

 

[نواخذة الكويت]

كويت نيوز:
اعلنت هيئة أسواق المال عن صدور قرار مجلس التأديب اليوم الخميس ضد كلا من أحمد رجب، أنور محمد الشعيل، زينب ابراهيم عبدالهادي وأحمد محمد حسن بوقف نشاط التداول للمشكو بحقهم. وأضافت الهيئة في بيان لها أن وقف النشاط يتضمن البيع والشراء بطريق مباشر أو عن طريق محافظ تدار من الغير لحسابهم أو بأي طريق آخر وسواء كان التداول لحسابهم الخاص أو لحساب غيرهم لمدة ستة أشهر.


يا شباب شنو تأثير هذا الخبر ع السوق وبالاخص كمية السيوله؟
احمد رجب اكبر مضارب بالسوق والمضاربه ملح السوق!

السلام عليكم ... توقيف المضاربين الأربعه شي جميل وممتاز لاكن يجب دخول لاعبين جدد بالسوق يكون عندهم اشوي اشوي اشوي ذمه بالمضاربه
لاكن يوقفون أحمد رجب وربعه وبس لاااااااااا بصير سمردحه بالسوق لآن أحد اضلاع السوق انشل اللي أهو ( المضاربه ) وكون سوق راكد خمول لان العموم مستثمر
وعلى قولتك المضاربه ملح السوق وأزيد عليهااا وقوود السوق ولا بنشووف القيمة أقل من 15 مليون

 

[رابح رابح]

الخبر اعلامي اكثر مما هو رقابي وليس له تأثير ومثل ماقالو اخواني Q8Now و Q8_POO المحترمين​

عنده امية حساب وغالبا كبار المضاربين لا يعملون منفردين ولكن بالتنسيق مع ملاك ومحافظ وشغل مرتب ويقال ان اغلب اللي يشتغلون على كمبيوترات التداول اثناء المضاربات اجانب وبعضهم هنود وهذا الرجل له قدرات فائقة على حفظ الارقام بدقه وسرعة عالية بالاداء ( نفس الممنوعين من صالات القمار بامريكا تماما) ​

​

 

[waham]

الخبر اعلامي اكثر مما هو رقابي وليس له تأثير ومثل ماقالو اخواني Q8Now و Q8_POO المحترمين​

عنده امية حساب وغالبا كبار المضاربين لا يعملون منفردين ولكن بالتنسيق مع ملاك ومحافظ وشغل مرتب ويقال ان اغلب اللي يشتغلون على كمبيوترات التداول اثناء المضاربات اجانب وبعضهم هنود وهذا الرجل له قدرات فائقة على حفظ الارقام بدقه وسرعة عالية بالاداء ( نفس الممنوعين من صالات القمار بامريكا تماما) ​

​

مشاهدة المرفق 215515​

هههههههه كلك عدل ..

 

[رابح رابح]

هههههههه كلك عدل ..

هلا بخوي بوعلي بغيت اكتب لك
يامن يرد الغالي الزعلان ... مدري علامه يوم يجفاني

 

[waham]

هههههههه كلك عدل ..
وازيد عليهم بعد اذنك .. يعلمون الحركة الداخلية للسوق بتكرار مشاهدة السوق بعد كل فترة تداول .. ويحاولون أن يكتسبونها لصالحهم ..