استفسار جزاكم الله خير

ريف المشاتسيل

عضو جديد
التسجيل
23 سبتمبر 2014
المشاركات
4
السلام عليكم ورحمة الله وبركاته
بالبداية خلوني اقول لكم سالفتي انا ياجماعة حبيت اسس شركة لكن ماعندي رصيد كافي عشان اطلع شهادة رصيد فارحت حق مكاتب تخليص المعاملات وطحت بيد نصاب الله لايوفقه دنيا واخرة واتفقنا انه يطلع لي شهادة رصيد مقابل مبلغ مالي ويعلم الله اني ماكنت ادري انه مزورة وكملت الاجرائات واسست الشركة وبعد فترة من تاسيس الشركة تنازلت عن الشركة وطلعت منها وصارت بيني وبين النصاب مشاكل واكتشفت انه عنده بسمي اكثر من عشرين شهادة رصيد مطلعه والحين بيني وبينه قضايا ومحاكم ، السؤال هل ممكن هو يتبل علي ويقول اني مزور بموجب الشهادة اللي عنده بسمي ؟ هل ممكن انه يقول شهادة الرصيد اللي في شركتي القديمة مزورة ؟ والا اذا تنازلت عن الشركة يعتبر اخلاء مسؤلية بالنسبة لي ؟ ومنو المحاسب في تزوير شهادة الرصيد هل اللي قدمة للتجارة ؟ او اللي زورها طبعآ يكتشفونها بعد مايطابقون الخطوط ؟ سامحوني طولت عليكم بس والله من الافكار اللي تودي وتجيب فيني وجزاكم الله خير
 

silencee

عضو نشط
التسجيل
21 مايو 2011
المشاركات
319
الإقامة
الكويت
السلام عليكم ورحمة الله وبركاته
بالبداية خلوني اقول لكم سالفتي انا ياجماعة حبيت اسس شركة لكن ماعندي رصيد كافي عشان اطلع شهادة رصيد فارحت حق مكاتب تخليص المعاملات وطحت بيد نصاب الله لايوفقه دنيا واخرة واتفقنا انه يطلع لي شهادة رصيد مقابل مبلغ مالي ويعلم الله اني ماكنت ادري انه مزورة وكملت الاجرائات واسست الشركة
وعليكم السلام ورحمة الله وبركاته
أولا من الصعب تثبت عليه التزوير وللعلم
هو أخذمنك توكيل وبموجب التوكيل أودع في حسابك بموجب الوكاله مبلغ وأستخرج شهاده وسحب المبلغ بنفس الوقت
ومن الصعب أن تقول زور هو بموجب وكالتك قام بعمل رسمي
وهذا متعارف عليه بين مندوبين الشركات أو الوسطاء



وبعد فترة من تاسيس الشركة تنازلت عن الشركة وطلعت منها وصارت بيني وبين النصاب مشاكل واكتشفت انه عنده بسمي اكثر من عشرين شهادة رصيد مطلعه والحين بيني وبينه قضايا ومحاكم ،


عفوا شنو نوع القضايا بينكم ( هالحلقه مفقوده) وضح لنا هالجزئية
شلون أكتشفت أنه عنده أكثر من عشرين شهاده عندك صور عنهم يختلفون عن بعض بهالعدد ؟



السؤال هل ممكن هو يتبل علي ويقول اني مزور بموجب الشهادة اللي عنده بسمي ؟ هل ممكن انه يقول شهادة الرصيد اللي في شركتي القديمة مزورة ؟
مايقدر يقول لآن هو من سواها ومعروف شركات الوساطه هم يقومون بهالدور مثل ما وضحت لك بالأعلى

والا اذا تنازلت عن الشركة يعتبر اخلاء مسؤلية بالنسبة لي ؟

1- شنو نو الشركه ( تضاكنية ولا ذات مسئولية محدود) ومنو بعقد التأسيس الشركاء أنت ومنو ؟
2- أنت مسائل عن ما كان لك نصيب فيها بوقتها فقط واذا كانت تضامنيه وصدر بوقت شراكتك عقود أو التزامات وأنت لك أسم بالعقد فأنت متضامن مع الشريك الأخر فيما يتم من عقود او التزامات للشركه



أخيرا أنصحك تتبع الأتي
1- تروح مجمع الوزارات وتستخرج صورة من وكالتك للشخص وطابع دينار
وتطلب ألغائها .
ويعطونك نموذج الالغاء لونه أزرق تتجه فيه الى المحكمه التابعه لسكن هالشخص وتنذره فيها على يد محضر وطابع نص دينار عليها .


أخيرا
حدد نوع الشكاوى عشان نفيدك بالطريق الأنسب لك وشلون تحفظ حقك
بس نصيحه لا تنعته بالمزور اذا ماعندك دليل عليه عشان مايقاضيك
رد على اللي سألتك وأبشر بالرد من باب خبره شخصيه وليست قانونيه بحت


المهم تقوم بالغاء وكالته
 

ريف المشاتسيل

عضو جديد
التسجيل
23 سبتمبر 2014
المشاركات
4
بالبداية جزاك الله خير اخوي على ردك وراح اجاوبك شلون عرفة ان عنده اكثر من شهادة انا شفتهم بعيني بمكتبه وكلهم متطابقات اللهم الفرق بالتاريخ ، ام مسائلة اني عطيته توكيل ماعطيته توكيل والا شي دفعت له فلوس مقابل اتعابه وجاب لي الشهادة ورحت انا وياها وسوينا الشركة ، ونوع الشركة تضامنية لكن وتنازلت عنه مع العلم ان مذكور في عقد التنازل ان يبرى الطرف الثاني والثالث ذمتي من اي الالتزامات او حقوق تجاه الشركة او للغير
 

ريف المشاتسيل

عضو جديد
التسجيل
23 سبتمبر 2014
المشاركات
4
الموضوع اللي شاغلني حاليا هل ممكن يتم محاسبتي عن تزوير شهادة الرصيد اللي في التجارة ؟ والا انا مالي شغل ؟
 

silencee

عضو نشط
التسجيل
21 مايو 2011
المشاركات
319
الإقامة
الكويت
بالبداية جزاك الله خير اخوي على ردك وراح اجاوبك شلون عرفة ان عنده اكثر من شهادة انا شفتهم بعيني بمكتبه وكلهم متطابقات اللهم الفرق بالتاريخ ، ام مسائلة اني عطيته توكيل ماعطيته توكيل والا شي دفعت له فلوس مقابل اتعابه وجاب لي الشهادة ورحت انا وياها وسوينا الشركة ،
وياك وكل مسلم

طالما ماعطيته وكاله اذا هنيه فعلا شبهة التزوير ( موجوده خاصه أنك أكدتها )

ممكن تدزلي رقم بالتلفون عشان افهمك امور اكثر ( أو تواصل معاي على رقمي الي بتوقيعي )
ونوع الشركة تضامنية لكن وتنازلت عنه مع العلم ان مذكور في عقد التنازل ان يبرى الطرف الثاني والثالث ذمتي من اي الالتزامات او حقوق تجاه الشركة او للغير،
ممكن توريني العقد بالخااص ( مع حرية انك تحجب الاسماء واسم الشركه ورني بنود العقد افيدك ) لان هذي تضامنيه والتضامنيه الكل يعلم وضعها .

واما التنازل ان كان صحيح فأنت تواجه تأسيس الشركه حسب كلامك دعم بشهادة ( غير صحيحه ودون حركة حساب بنكيه صحيحه ) فهذي جريمه تزوير وتلاعب ومجرمه حسب قانون الجزاء وراح يتحملها من كان الترخيص أستخرج بأسمهم (مجتمعين) طالما ماكان عندهم وكيل او وسيط سواها .

الله يعينك
 
أعلى