مع سبق الاصرار والترصد خفض سعر السهم

[مليون دينار]

من مراقبتي لبعض الاسهم

نلاحظ بعض الاسهم يتم تنزيل سعر السهم بتعمد بكميات قليله من 100 سهم ونازل وتتكرر يوميا على اسهم معينه مع استقلال وضع السوق المريض ووضع بعض الاسهم قليلة الطلبات

السؤال . هل الهيئه تعاقب من يرفع السهم وتترك من ينزل السهم بشكل يومي ومتعمد ويخسر المساهم بالاف الدنانير بسبب هذا التصرف

وملاحظه الثانية _ بعض الطلبات الكمية من 1500 سهم ونازل على اسعار الاسهم تحت 50 فلس يشتري سهم بكمية قليله ويعرضها باعلى بعشر الفلس

السؤال . ما هي الفائدة بشراء بهذه الكمية وعرض السهم بارتفاع بعشر الفلس وكم يكون ربحه من هذه الصفقة ولو نحسب العموله يطلع خسران وهل هذا اصبح مستوي بورصة المفروض تتداول بمئات الملايين

أتمني اي واحد عنده ملاحظه عن هذه النوعيات من التداول يذكرها لنا لكشف بعض من يدمر السوق

 

[عبدالله القراشي]

شكراً اخوي ع هالموضوع ..

سالفه العروض والطلب شفناها كثير ..

بعطيك شركه تستخدم هذا النوعيه وهذا تلاعب عينك عين ..

مثال جياد او زيما ..

نشوف العرض يحط 400 الف او 300 الف تحت اخر سعر بثلاث عروض ويكرر الطلب تحت ليرفع الطلب ويكون اكثر من العرض لما يصرف الكميه يشيل العروض الي عارضها وينزل السهم 3 الى 5 فلس في ثواني ويرجع يسوي نفس الطريقه ..

وتكرر هالشي اكثر من مرتين او ثلاث خلال السبوع الي فات ..

الهيئه في سابع نومه اتوقع ماعندها رقابه ع العروض والطلبات و البيع والمشترى ..

نتذكر سهم نفائس كان يلعب في المؤشر يومياً وبعده ريم يلعب في المؤشر ..

صدقني لو بنتكلم عن التداولات مانخلص ..

حتى في الاعلانات اكثر من شركه كانت مو واضحه بعلاناتها ..

اعطيك مثال ..

اعلان الرابطه عقد قيمته من مليون الى 500 مليون ..

التفاوت هذا مصيبه للمستثمر مافي وضوح بالاعلان ..

لكن نتأمل خير وان شاءالله القادم اجمل ..