افتحوا الأوسط برو الحين (6:10م)

[Believer]

افتحوا الأوسط برو الحين وشوفوا الطلبات !!!!
أحد ممكن يفسر هذي الظاهره ... ؟؟؟؟

 

[البلاتيني]

شي غريب!

طلبات وأوامر بالملايين!

حتى المؤشر السعري خرف! طالعلي 9899,9

 

[الراقي]

حطيت امر بيع ورد علي وقال النظام لايقبل الأوامر

 

[البلاتيني]

خوش أسعار

حطيت امر بيع ورد علي وقال النظام لايقبل الأوامر

يالراقي اذا اشتغل معاك اخذلي برقان على 640
والله زمان هالأسعار

 

[Believer]

سعر المدينة بالنسبه لي مرعب
4,000,000 سهم للبيع على 250 !!!
شوف باقي الأسهم ... شي صاعد وشي نازل وبأسعار غريبه ...
لا يكون هذي أوامر وقف الخسائر وأوامر اشارة الدخول طلعت بالخطأ ؟؟
أحد عنده فكره

 

[بو بندر]

الظاهر انه خرف او امرجعين التاريخ مراجعة للاوامر يمكن احد مشتكي

دمتم

 

[Believer]

شوفوا جراند على 600 ... الظاهر الفهلوي يشوف هذي الأرقام ويحط توصياته

 

[البلاتيني]

صكوك على 220

والله أسعار حلوة صكوك على 220

أتوقع قاعدين يجربون النظام عشان التطوير

 

[بو بندر]

خل اقراند عنك

شوف السفن او انابيب ذهب

 

[سهمكووو]

يا اخوان الظاهر المشكله من سيستم البورصه

افتح الجافا الاسعار الفوريه وشوف شنو صاير وشوف الكميات


الله يستر على حلالنا

 

[q8_chamber]

مستوى الاوسط إلى الادنى


للأسف​

 

[malek]

مافي شيئ الأمور طبيعية والتاريخ مغلوط والمؤشر أيضا يمثل تاريخ غلط ، لأن السيستم للحين صايم ، وهذا شيئ عادي ، مشاكل من النظام في موقع البورصة أو غيرها .
لاتقلق .

 

[الكونكورد]

بصراحة اعتقدت ان المشكلة عندي بالجهاز لكن طلعت عامة
لا والأسعار !!!!! لُقطة

 

[malek]

موقلنا لكم لاتقلقوا وهذا يبين لك أن البورصة بخير والحمدلله يوجد دوام ثاني حاليا في البورصة حق مخلوقات فضائية ترانا ولانراها لكن من حسن الحظ أنه الأخوان طاحوا عليهم وصادوووووووووووووه 4 .
ولاننسى يمكن مدير عام البورصة هو أعطى الأشارة للمخلوقات الفضائية بغزو أسهمنا ولعمل مقاومة ودعم لبعض الأسهم .
وشكلي الحين بدق سلف وأروح البورصة وأراقب الوضع من القهوة ليوم السبت وأزودكم بالأحداث أول بأول .

 

[wanasa]

السلام عليكم
يعطيكم العافيه شباب
بالنسبة للتخاريف الله الى يعين بعد ما اغلق السيستم
لكن السؤال اهو بالصورة اشلون تمت هالصفقة !!!!!!!!!!!!!!!!!!!!!!!!!!!؟

 

[الراقي]

موقلنا لكم لاتقلقوا وهذا يبين لك أن البورصة بخير والحمدلله يوجد دوام ثاني حاليا في البورصة حق مخلوقات فضائية ترانا ولانراها لكن من حسن الحظ أنه الأخوان طاحوا عليهم وصادوووووووووووووه 4 .
ولاننسى يمكن مدير عام البورصة هو أعطى الأشارة للمخلوقات الفضائية بغزو أسهمنا ولعمل مقاومة ودعم لبعض الأسهم .
وشكلي الحين بدق سلف وأروح البورصة وأراقب الوضع من القهوة ليوم السبت وأزودكم بالأحداث أول بأول .

تبي صج المخلوقات الفضائية يعرفون الأسهم الزينة طالبين عارف بلحد الأعلى 4000000

 

[Believer]

السلام عليكم
يعطيكم العافيه شباب
بالنسبة للتخاريف الله الى يعين بعد ما اغلق السيستم
لكن السؤال اهو بالصورة اشلون تمت هالصفقة !!!!!!!!!!!!!!!!!!!!!!!!!!!؟

والله أعلم ... الظاهر أحد اخترق نظام والبورصه وسجل لنفسه شراء كمية من الأسهم ... وأهم حايسين يبون يعرفون منو هذا ... وما تستبعدون إن الخبر يطلع بالجرايد خلال أيام ...

 

[خوش خبر]

الاوسط برو

السوق عندى على الشاشه كله خضر على الاوسط برو شنو السالفه فيدونا لو سمحتوا