صحــــــــــوة نــــــــزول !!!؟؟؟؟؟

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
السلام عليكم


ياجماعه اللي بقوله مجرد قصه او حادثه جرت ،، عاد ماابي كل من يجي يفتح ملفه ويحقق ،، ويستلمني حدّد اجابتك ،، ياابيض يااسود
واتعقد من بعد الموضوع انا
لا هذا كلّه ممنوع

وانا بقول السالفه عشان محد يقول ليش ماقلت ويتشره


المهم ماابي اطوّل عليكم

،،،،،،،

عندي صديق قاعد باحدى الدوانيات العريقه بالكويت
يقول كان يمّي شخص اعرفه صاحب مشاريع وتجاره
وقمت اسولف وياه عن البورصه وخسايرها وصراحه صرت اشكيله
فلوسي راحت ماراحت ..
قالي تروح باجر حق فلان ولد فلان بالبورصه ،، منصبه كذا تلقاه بالدور كذا
وتقوله انا دازني عليك فلان واهو يضبط كل امورك
يقول ،، قلت له اكيد
قال ولله اكيد انت روح وماعليك

،،
اليوم الثاني كشخ صاحبي وراح حق الشخص هذا
وصراحه ماقصّر وطبعا هذا الحجي يوم الاثنين اللي طاف
قاله روح طب وتخير واشتر ماتبي ولاتخاف الايام الجايه فيها ارتفاع
لكن ماهو ارتداد ،، مجرّد ايام معدوده
واذا في شي انا بنبهك قبلها
وعطاه توصيه على كم سهم ومشى صاحبنا
(( طبعا راح تقولون ليش ماقلت من زمان ،،؟
ترا صاحبي ماقالي السالفه إلا امس ،، يقول خفت لا يكون كلامه مو صحيح ،، قلت اجربه واتاكد واقولك ، لان يدري فيني انا ، ماابيت سهم ، وجدا حذر من السوق )))

الزبده

اليوم اتصل علي صاحبي ،، وتو الحين ولله
يقولي شاري شي قلت ايه
قالي خلّك حذر وضارب بس
الرجال اللي كلمتك عنّه يقول هذي يسمونها

((((( صحوة نزوووووووووول )))))

واحتمال كبير ينزل نزول قوي بأي وقت بالايام القادمه




عاد صج جذب سالفة صحوة نزوووول ،، ماادري صراحه
لكن انا اقولها للعلم واخذ الحذر ،،
وان الواحد مايطمع بالاجل الخ الخ الخ
من باجر يبدأ مايبيّت سهم عنده
ويشتغل مضاربه افضل

والسلام عليكم ورحمة الله وبركاته
 

مضاربجي2006

عضو نشط
التسجيل
17 سبتمبر 2006
المشاركات
49
جزاك الله خير على حرصك على إفادة اخوانك والعهدة على الراوي وأتمنى أن تكون صحوة صعود لا نزول والسلام ختام
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
واياك اخي الكريم

بارك الله فيك

وانا كذلك اتمنى ان تكون وتكون وتكون
 

عكس التيار

عضو نشط
التسجيل
30 نوفمبر 2005
المشاركات
536
و آنا بعد وياكم

نعم صحوة نزول

و الحذر واجب

و هذي ايام المضارب المحترف

يعني اللي ماعنده خبرة لا يغامر ثم يعض اصابع الندم
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
و آنا بعد وياكم

نعم صحوة نزول

و الحذر واجب

و هذي ايام المضارب المحترف

يعني اللي ماعنده خبرة لا يغامر ثم يعض اصابع الندم

صدقت اخوي وبالذات اللي صار اليوم
لعب وتصريف وتكفّخ
خلّو العالم ماتدري شتسوي


الله يستر من اللي جاي
 

دخيل الله

عضو نشط
التسجيل
17 يونيو 2006
المشاركات
450
صدقت اخوي وبالذات اللي صار اليوم
لعب وتصريف وتكفّخ
خلّو العالم ماتدري شتسوي


الله يستر من اللي جاي


اللي صار اليوم خض بطون و دفاشه.....ما عندهم وقت.

اسبوع وتلقى السوق غير.
 
أعلى