قصيدة مؤثرة جدا | المؤشرنت
   

قصيدة مؤثرة جدا

طير شلوة

عضو نشط
التسجيل
25 ديسمبر 2005
المشاركات
246
قصيده مؤثرة للشاعر ابوعلي السكران يرثي فيها زوجته ويروي قصته



تحميل القصيده


http://www.5alid.com/najm/alsakrann.rm


القصيده كاملة .

يـاالله يالمعبـود ياربنـا العــــــــــالـي ..... محصن الأعمال باللـوح كاتبهـــــــا
يـاالله يالمعبـود ياربنـا العــــــــــالـي..... محصن الأعمال باللـوح كاتبهــــــــا
دمعي اللي فوق الأوجان همّالـي ..... مثل نـوّ يـوم هلّـت سحايبهــــــــا
من مريض طايح عنـدي اقبالــــــي ..... يوم جاه الحق روحـه يجاذبهــــــــا
يوم اخـذه الله ونـزل بمنزالــــــــي ..... وادفنوا خلّي ورزوا نصايبهــــــــــــا
الله يثقّـل موازيـن الأعمـالــــــــــي ..... يوم والي العرش خلّي يحاسبهـــا
يوم قفّوا قلت يامشتكـى حالـــــي .....مشتكى حالي على اللي يجاوبهــا
يوم جيت الدار وامرحت بلحالـــــي ..... والبزور صغار مااكثـر نشايبهـــــــــــا
قالوا البزور لي وش ذي الأزوالــــي .....قلت ماادري ياعلي وش سبايبهـــــا
قال عبدالله يبي أمه وانـا سالــــي ..... خابر وش صار ماأحسن عجايبهــــــا
قلت ياالله بـدّل الغالـي بغالـــــــي ..... بدّل الغالـي لنـا مـن قرايبهـــــــــــا
قالوا البزور ماعـاد بـه والــــــــــــي ..... والقرابـة ماتساعـد قرايبـهـــــــــــــا
هـذي الدنيـا عـذاب وغربالـــــــــي ..... ياكثـر عذابهـا مـن مصايبهـــــــــــــــا
ليت خلي قاعـد ولا نبي مالــــــي ..... هو طراتي يوم عيني تلـذ ابهـــــــــا
حسنة الأطبـاع ماتغث البالـــــــي ..... مابعد دورتهـا مـن صحايبهـــــــــــــــا
باليقظ والنوم هـي دايـم قبالــــي ..... وان غفت عيني فقلبي يحس ابهـــا
وعذاب العين مـن ليلهـا طالـــــــي ..... كـل مايطلـع نجـوم نحسبهــــــــــــا
يوم بان الصبح ثـم أذّن التالـــــي ..... هل دمع العين واحـرق مذانبهـــــــــا
قاموا البزور ثم اغثوا البالـــــــي ..... يايبه وين أمنا يايبـه جبهــــــــــــــــــا
مابكيت وربي ماابكيـه ياعيالــي ..... وامكم والي السماء اليوم طالبهـــــــا
ثم لجّوا بالبكـاء بيتهـم خالــــــي ..... والليالـي ماتـرجّـع بغايبـهــــــــــــــــــا
كبدي اللي حرّها واهـج الصالـي..... كن كبـدي بالمناشيـر تشذبهـــــــــــا
من سبايب قلّة المـال وعيالـي ..... والليالـي فرقتـنـا مخالبـهــــــــــــــــــا
لو اصوّت للغضي قالـوا اهبالـي ..... جعل من يلومنـي فـي لهايبهـــــــــــــا
مامثل ( منيـره) أول ولا تالــي ..... والصـلاة اعـداد ذاري هبايبهـــــــــــــــا​
 

NBK

عضو نشط
التسجيل
29 مارس 2006
المشاركات
5,323
الإقامة
الكويت الحبيبه
تسلم
والله يعطيك العافيه
فعلا قصيده مؤثره
الله يرحمنا برحمته
ويرحم اموات جميع المسلمين والمسلمات
اللهم آمين
 

طير شلوة

عضو نشط
التسجيل
25 ديسمبر 2005
المشاركات
246
الله يعافيك اخوي nbk ومشكور على المرور والمشاركة الطيبة
 

InUrEyEs

عضو نشط
التسجيل
12 يناير 2005
المشاركات
1,101
صح اللسان قايلها والله يطول بعمره


الله يرحمها برحمته
ويرحم اموات المسلمين والمسلمات
 

طير شلوة

عضو نشط
التسجيل
25 ديسمبر 2005
المشاركات
246
InUrEyEs مشكور على المرور والمشاركة الطيبة
 
أعلى