اسقاط القرووض !! | المؤشرنت
 
 

اسقاط القرووض !!

الحالة
موضوع مغلق
التسجيل
29 يونيو 2004
المشاركات
37
الإعجابات
0
#1
السلام عليكم ورحمة الله وبركاته ,,,
هذه اول مشاركة لي في هذا المنتدى الطيب ,,,
بالنسبه لموضوع اسقاط القروض ,,,,
مثال .. يوجد سياره قيمتها 1000 دينار و بأحسن حاله و يوجد سياره أخرى قيمتها 10000 دينار و ربما تكون أقل قوه من الاخرى ...
الاخوه الطيبين يريدون الفخفخه و على قوله القايل يسوق سياره ب100000 و ما بجيبه ولادينار و الاقساط متكوده على ظهره ,,, و المثل يقول مد ريلك على قد لحافك ...
و بعدها يقعد يحط اللوم على الحكومه
,,, محد ظربك على ايدك و قالك اخذ سياره اغلى من بيتك و بعدها تجي و تصرخ و تبكي عند باب المجلس,,, هذي مشكلتك انته الي طيحت نفسك في هالحفره ,,,

و هذه وجهه نظري بالنسبه لهالموضوع

وشكرا
ارجو المشاركه في هذا الموضوع و ابداء الرأي
 
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#2
أخوي في سياره عمرها أقل من 6 سنوات إستعمال أو جديده بـ 1000 دينار ؟؟ ترا سعر البانشي بالوكاله أكثر من 1500 دينار

أخوي ترا الهوندا بالوكاله سعرها 5000 دينار بس لو تحولها أقساط طلع 110 دنانير بدون دفعه أولى

 
التسجيل
21 مارس 2006
المشاركات
534
الإعجابات
0
#3
السلام عليكم ورحمة الله وبركاته ,,,
هذه اول مشاركة لي في هذا المنتدى الطيب ,,,
بالنسبه لموضوع اسقاط القروض ,,,,
مثال .. يوجد سياره قيمتها 1000 دينار و بأحسن حاله و يوجد سياره أخرى قيمتها 10000 دينار و ربما تكون أقل قوه من الاخرى ...
الاخوه الطيبين يريدون الفخفخه و على قوله القايل يسوق سياره ب100000 و ما بجيبه ولادينار و الاقساط متكوده على ظهره ,,, و المثل يقول مد ريلك على قد لحافك ...
و بعدها يقعد يحط اللوم على الحكومه
,,, محد ظربك على ايدك و قالك اخذ سياره اغلى من بيتك و بعدها تجي و تصرخ و تبكي عند باب المجلس,,, هذي مشكلتك انته الي طيحت نفسك في هالحفره ,,,

و هذه وجهه نظري بالنسبه لهالموضوع

وشكرا
ارجو المشاركه في هذا الموضوع و ابداء الرأي


عزيزي عمر بن عبدالعزيز(خوش إسم)....
موضوعك حلو و طريقة طرحك أحلى...بس أعتقد يبيلك تعيش في هالدنيا شوي أكثر.. علشان تصير خبرتك بالموضوع أكبر... و تفهم حقيقة المشكلة...المسألة مو مسألة سيارة...الموضوع أكبر من جذيه بوايد...

إنت بس قول الحمد لله اللي عافاك من ما إبتلا به غيرك.
 
التسجيل
7 يوليو 2005
المشاركات
517
الإعجابات
0
#4
لا والله كلامه عدل وعين العقل ياعمر بس ربعنا الله يهداهم

يبي يكشخ ويسافر ويركب ويسكن على ظهر الحكومه

يااخي مد رجولك على قد الحافك يابن الحلال ناس معاشاتهم

على 500 وقرضه 300 دينار ليش تلقاه خذاه وسافر ولعب

وستانس وبعدين شراله موتر وخط وجهاز وبعدين تعال

يالله مع المظاهره وبجي ونوح جدام اللي يسوى واللي

مايسوى عشان يطيحون القروض ....... ليش منو طقك على ايدك ؟؟؟

لو تام على معاشك وعايش حياة عاديه مو جان احسن

طيح القروض عشان تعاقب الدوله الانسان اللي ماشي سيدا

وحاشم نفسه وعايش على قده ..... هذا بدال لاتطالبون بمبلغ

حق كل مواطن كويتي عشان يصير في عداله ؟؟؟؟؟؟؟

بس مايبون لان الحكومه لو عطت كل مواطن مثلا 1000 دينار

ماراح يستفيد بو الشباب اللي ماخذ قرض لان قرضه 20 و 30

و50 الف يعني ماراح يستفيد بوالشباب . الحمدلله على نعمة الاسلام اللي بين لنا الحلال من الحرام كما قال سبحانه في القران ( فاذنوا بحرب من الله ورسوله )

خلاص يبا ماراح يحس بقيمه الفلوس اللي خذاها من البنك

لانها ربا وفلوس حرام اسال اي واحد ماخذ قرض قوله شسويت

بالفلوس يقولك ماادري ...... اقول لاتصيرون انانيين وطالبوا

حق كل مواطن بمبلغ .... عدل ....... مو اسقاط قروض
 
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#5
لا والله كلامه عدل وعين العقل ياعمر بس ربعنا الله يهداهم

يبي يكشخ ويسافر ويركب ويسكن على ظهر الحكومه

يااخي مد رجولك على قد الحافك يابن الحلال ناس معاشاتهم

على 500 وقرضه 300 دينار ليش تلقاه خذاه وسافر ولعب

وستانس وبعدين شراله موتر وخط وجهاز وبعدين تعال

يالله مع المظاهره وبجي ونوح جدام اللي يسوى واللي

مايسوى عشان يطيحون القروض ....... ليش منو طقك على ايدك ؟؟؟

لو تام على معاشك وعايش حياة عاديه مو جان احسن

طيح القروض عشان تعاقب الدوله الانسان اللي ماشي سيدا

وحاشم نفسه وعايش على قده ..... هذا بدال لاتطالبون بمبلغ

حق كل مواطن كويتي عشان يصير في عداله ؟؟؟؟؟؟؟

بس مايبون لان الحكومه لو عطت كل مواطن مثلا 1000 دينار

ماراح يستفيد بو الشباب اللي ماخذ قرض لان قرضه 20 و 30

و50 الف يعني ماراح يستفيد بوالشباب . الحمدلله على نعمة الاسلام اللي بين لنا الحلال من الحرام كما قال سبحانه في القران ( فاذنوا بحرب من الله ورسوله )

خلاص يبا ماراح يحس بقيمه الفلوس اللي خذاها من البنك

لانها ربا وفلوس حرام اسال اي واحد ماخذ قرض قوله شسويت

بالفلوس يقولك ماادري ...... اقول لاتصيرون انانيين وطالبوا

حق كل مواطن بمبلغ .... عدل ....... مو اسقاط قروض
الموضوع بوادي وردك بوادي ثاني ..
الناس تتكلم عن قروض الإسكان وشراء البيوت ..​
 
التسجيل
7 يوليو 2005
المشاركات
517
الإعجابات
0
#6
اقرا عدل ياعبدالعزيز ..... :eek: :eek:
 
التسجيل
7 يوليو 2005
المشاركات
517
الإعجابات
0
#7
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#8
عبدالعزيز الظاهر ان قرضك كبير ودايخ منه
http://www.indexsignal.com/vb/showthread.php?t=62197&page=2

هذا الرابط اللي يتكلم عن البيوت
والله ناس ماتدري وين تكتب
وعن شنو تتكلم :) :) :) :)
لا عندي قرض ولا بيت والله يسمع منك .. ساكن أجار بجنوب السره

بس الواحد يحب لنفسه ما يحب لغيره ، والله أعلرف ناس بالدوام مبتلشه من قسوط الإسكان والبيوت .. أقول لك أخوي انت أقرأ عدل :)
 
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#9
بالنسبه لموضوعك الي تسكر ... ما كنت أتكلم عن نفسي والظاهر أمك جديد بالمنتدى ..

الي يعرفني هني يدري أني ساكن بشقه أجار ولا عندي قسط ولا يت ولا حتى قسط سياره ولله الحمد ...


بس عندي اهل مبتلشين وعشان اثبت لك أنك أنت ما قرات كلامي عدل

أنت تسولف عن ربا ومادري شنو .. وأنا أتكلم عن بيت التمويل والقسط إشلون صعد خلال كم سنه أكثر من 30% ... بس المشكله أنك مثل الأخ نسناس بس يبي يتكلم ويناجر وما يثبت على رد الطرف الآخر

أخوي الكلام أخذ وعطى .. يعني كنت أتكلم عن بيوت وقسوط وأنت تتكلم عن ربا ؟؟ إنزين شنو ردك على قسط البنوك الإسلاميه ؟

وبالأخير أعتقد نسكر الموضوع أحسن من أنه يتسكر بروحه من الإداره ... وكل واحد حر برأيه ونظره وأنا محترم رأيك مع أني مو موافق على كم نقطه ذكرتهم ..

وبالتوفيق
 
التسجيل
7 يوليو 2005
المشاركات
517
الإعجابات
0
#10
لا عندي قرض ولا بيت والله يسمع منك .. ساكن أجار بجنوب السره

بس الواحد يحب لنفسه ما يحب لغيره ، والله أعلرف ناس بالدوام مبتلشه من قسوط الإسكان والبيوت .. أقول لك أخوي انت أقرأ عدل :)

تصدق عاد مو انت اول واحد اكلمه ويقولي انا ماعندي
قرض :) :) :) بعدين انت ليش صاير حمال اسيه
ياخوي اللي شرا بيت مايدري ان راح يعيش بهذي
الحاله انت ان شاء الله بيطلعلك بيتك وبتاثثه وبتعيش
فيه وبستانس مع اعيالك .... قول ان شاء الله
خلاص ماتطيح القروض ويكبرون شويه النواب
عقولهم ويطالبون حق كل كويتي بمنحه سنعه
وتحياتي لك : الفيلكاوي ...
 
التسجيل
7 يوليو 2005
المشاركات
517
الإعجابات
0
#11
اوكي نسكر الموضوع وتحياتي لك
الفيلكاوي ....
 
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#12
تصدق عاد مو انت اول واحد اكلمه ويقولي انا ماعندي
قرض :) :) :) بعدين انت ليش صاير حمال اسيه
ياخوي اللي شرا بيت مايدري ان راح يعيش بهذي
الحاله انت ان شاء الله بيطلعلك بيتك وبتاثثه وبتعيش
فيه وبستانس مع اعيالك .... قول ان شاء الله
خلاص ماتطيح القروض ويكبرون شويه النواب
عقولهم ويطالبون حق كل كويتي بمنحه سنعه
وتحياتي لك : الفيلكاوي ...
الله يسمع منك ويطلع لي بيت أخوي

أنا تزوجت متأخر وعلى كبر وصارلي سنتين بس ... ولا تخاف راح آخذ قرض أكيد لو طلع لي بيت ، تدري عشان التعديل والتوسعه والتأثيث والتكييف مو آخر كويتي ولا أول كويتي أنا ..

أنا قصدي ناس أشترت بيت وكان قسطهم تحت والحين يقول القسط زايد 30% عن أول قسط دفعه ويقول البنك ما نبه أو ذكر له قبل كم سنه أن القسط يزيد مع زيادة الفايده ..
والقهر أن الكويت دفعت حق الأردن ومصر عشان يسددون ديونهم ، وليش ما دفعوا لأهل الكويت يسددون ديون بيوتهم ومشاكلهم ؟؟
وتحياتي : أخوك بوســعود
 
التسجيل
7 يوليو 2005
المشاركات
517
الإعجابات
0
#14
اخوي الظاهر ان الموضوع ماراح يتسكر :)

عموما كلامك عدل وانا اايد كل كلمه قلتها عن دفع مبالغ لدول واعطاءهم

قروض وتاليتها تطيح ماتدري شلون بس القضيه الاساسيه طال عمرك

هو مبدا اسقاط القروض اللي يتكلمون عنه نواب مجلس الامه

القضيه مرفوضه لعدة اسباب ... ومن اهم اسبابها انها لاتحقق مبدا

المساواه بين الشعب الكويتي فكان اولى بالنواب اللي يطابون باسقاط

القروض انهم يطالبون الحكومه بصرف منحه قويه لكل مواطن كويتي

او على قولتك يطالبون البنوك بعدم رفع الفائده على المواطن الكويتي

او مثلا المطالبه بعدم اعطاء قروض لدول الضد وتسخير الفوائض

الماليه لاعمال البنيه التحتيه وبناء مناطق ومدراس وجامعات زمستشفيات

وشوارع ..... الخ ....... طبعا هني راح يكون وضع النواب قوي لان الشعب

كله معاهم والحكومه راح تعكك يمين ويسار عشان تطلع لها ثغره

لكن قولي الحين شنو استفادوا النواب اللي هيجوا هالناس واخرتها

سقط قانون اسقاط القروض ..... طال عمرك اعتقد الفكره اللي ابي

اوصلها للاخوان اللي ينادون باسقاط القروض وصلت .....

وتحياتي لك : الـــــــــــــــــزايـــــــــــــــــــر .
 
التسجيل
2 مايو 2002
المشاركات
798
الإعجابات
0
الإقامة
Kuwait
#15
90 % من اصحاب القسائم الحكومية عندهم قروض و الاسباب تعود الى:

1- سعر طن الحديد في سنة 2002 كان ب 65 دينار يعني اقل من سعر الدعم.....و الحين يتراوح سعره بين 145 و 180 دينار...عليكم نسبة الزيادة.

2- سعر الاسمنت كان 600 فلس و الحين ب 1400 فلس.

3- سعر اسلاك الكهرباء في زيادة مستمرة ( النحاس) لا يقل الزيادة عن 200%

4- سعر الالمنيوم ايضا زادت اكثر من 100%

5- زيادة في اسعار الانابيب الصحي..و.....و .... و سعر الاراضي زادة بعد

هذا بعض اسباب.....اتمنى من الشباب مناقشة الموضوع بشكل منطقي و عقلاني مو فلان ياخذ قرض علشان سفرة او يشتري سيارة بمئة ألف دينار ..كلام فاضي و فيه نوع من الاستخفاف.

و لهذا السبب شاهدنا اسم جديد و جنسيته الهندية الى قائمة ثاني اغنى رجل في العالم و السبب يرجع الى ارتفاع الذهب و المعادن.

ناهيك من ياخذ قرض لعلاج او لدراسة ... ليش دائما نعطي مثل سلبي و سئ لشعب الكويت..... مثل ما قال كاتب جريدة الوطن( عبدالله النجار) بتاريخ 22-12-2006.... حيث كتب:
"موظف كويتي راتبة 200 دينار و يشتري سيارة بمئة ألف دينار و يشتري ارض بمنطقة غالية الثمن و يسافر الى اوروبا و يأكل في اغلى مطاعم و كل هذا من فلوس القرض... و يطلب من الحكومة اسقاط القروض"

طبعا هذا الكلام نابع عن واحد حاقد و حرام يسمى بكاتب و يدل على سخافته ....لأن كلامه غير منطقي ..... ولا يدش العقل!!!!!!

أخي الكريم ....انا مهندس تخرجت سنة 93... من الولايات المتحدة و كان راتبي لا يتعدى 620 دينار...و بعد انتظار 14 سنة و صل دوري لأخذ قسيمة في غرب الجليب
و لله الحمد ...قدرت اوفر 20 ألف دينار طيلة سنوات عملي و اقترضت 20 ألف من البنك بفائدة مركبة ... ما توقعت تماما و خلال سنة واحدة تزيد الفائدة اكثر من 7 مرات في السنة!!! و لا أعرف سبب اقدام البنك المركزي على رفع الفائدة خصوصا في امريكا له اسبابة ..لأن المواطن الامريكي يتأثر بأرتفاع سعر النفط....بينما في الكويت بالعكس يكون هناك انتعاش وزيادة الدخل للمواطن على مدى قصير و مدى متوسط ....

و عندي صديق عالج ولده طيلة ثلاث سنوات الماضية بمرض يختص بالاعصاب يكفيكم شر المرض وعلية الان 50 ألف دينار قرض من البنك....طبعا الرجل من معدن نادر جدا في هذا الوقت لأن يكرهة شئ اسمه واسطة.....و انتم عارفين يا كثر المرضى في الصيف حتى الخادم صار مرافق علشان يطبخ للمعزب... و الكلام يكثر و يعور القلب...

كلنا نحب الكويت بس وين العدل لما نتكلم عن خيرات البلد....
 
التسجيل
7 سبتمبر 2004
المشاركات
5,643
الإعجابات
5
الإقامة
Kuwait
#17
90 % من اصحاب القسائم الحكومية عندهم قروض و الاسباب تعود الى:

1- سعر طن الحديد في سنة 2002 كان ب 65 دينار يعني اقل من سعر الدعم.....و الحين يتراوح سعره بين 145 و 180 دينار...عليكم نسبة الزيادة.

2- سعر الاسمنت كان 600 فلس و الحين ب 1400 فلس.

3- سعر اسلاك الكهرباء في زيادة مستمرة ( النحاس) لا يقل الزيادة عن 200%

4- سعر الالمنيوم ايضا زادت اكثر من 100%

5- زيادة في اسعار الانابيب الصحي..و.....و .... و سعر الاراضي زادة بعد

هذا بعض اسباب.....اتمنى من الشباب مناقشة الموضوع بشكل منطقي و عقلاني مو فلان ياخذ قرض علشان سفرة او يشتري سيارة بمئة ألف دينار ..كلام فاضي و فيه نوع من الاستخفاف.

و لهذا السبب شاهدنا اسم جديد و جنسيته الهندية الى قائمة ثاني اغنى رجل في العالم و السبب يرجع الى ارتفاع الذهب و المعادن.

ناهيك من ياخذ قرض لعلاج او لدراسة ... ليش دائما نعطي مثل سلبي و سئ لشعب الكويت..... مثل ما قال كاتب جريدة الوطن( عبدالله النجار) بتاريخ 22-12-2006.... حيث كتب:
"موظف كويتي راتبة 200 دينار و يشتري سيارة بمئة ألف دينار و يشتري ارض بمنطقة غالية الثمن و يسافر الى اوروبا و يأكل في اغلى مطاعم و كل هذا من فلوس القرض... و يطلب من الحكومة اسقاط القروض"

طبعا هذا الكلام نابع عن واحد حاقد و حرام يسمى بكاتب و يدل على سخافته ....لأن كلامه غير منطقي ..... ولا يدش العقل!!!!!!

أخي الكريم ....انا مهندس تخرجت سنة 93... من الولايات المتحدة و كان راتبي لا يتعدى 620 دينار...و بعد انتظار 14 سنة و صل دوري لأخذ قسيمة في غرب الجليب
و لله الحمد ...قدرت اوفر 20 ألف دينار طيلة سنوات عملي و اقترضت 20 ألف من البنك بفائدة مركبة ... ما توقعت تماما و خلال سنة واحدة تزيد الفائدة اكثر من 7 مرات في السنة!!! و لا أعرف سبب اقدام البنك المركزي على رفع الفائدة خصوصا في امريكا له اسبابة ..لأن المواطن الامريكي يتأثر بأرتفاع سعر النفط....بينما في الكويت بالعكس يكون هناك انتعاش وزيادة الدخل للمواطن على مدى قصير و مدى متوسط ....

و عندي صديق عالج ولده طيلة ثلاث سنوات الماضية بمرض يختص بالاعصاب يكفيكم شر المرض وعلية الان 50 ألف دينار قرض من البنك....طبعا الرجل من معدن نادر جدا في هذا الوقت لأن يكرهة شئ اسمه واسطة.....و انتم عارفين يا كثر المرضى في الصيف حتى الخادم صار مرافق علشان يطبخ للمعزب... و الكلام يكثر و يعور القلب...

كلنا نحب الكويت بس وين العدل لما نتكلم عن خيرات البلد....

السلام عليكم

أنا بعرف منو الي معاشه 200 دينار ويقدر يقسط سياره او يسافر ... هذا مو جذاب بصراحه قويه قويه مو قادر أصدق كلامه ... يعني الناس أغبيه ؟؟

أخوي مهندس بالبترول وصارله سنيتن إلا كم شهر موظف عندهم مو متزوج ، يقول قررت أكشخ ماعندي لا قرض ولا قسط ولا شيء علي موليه والحمد لله ، راح يشتري مرسيدس على كفاله الوكيل بس وارد ألمانيــا من أحد المكاتب يقول أنصدمت يقولون له تبي كفيل أو دفعه كبيره ، بصراحه يقول هونت ما أبي لا أكشخ ولا شيء ، راح أشترى هوندا أقساط :)

هذا معاشه فوق الألف صافي ماعطوه سياره والكاتب يقول معاشه 200 دينار يشتري سياره غاليه ويسافر ويصرف يمين ويسار ... حسباله كل القراء أغبياء ... كل من يطالع الناس بعين طبعه
 
التسجيل
7 يوليو 2005
المشاركات
517
الإعجابات
0
#18
والله للاسف ان الناس ماتشوف اللي بين السطور

الجاهل لما تضربله مثل يعرف يفسر المثل بس

عموما احنا قلنا ان 200 دك اللي موعاجبتك

قاعد تعيش ناس واجد بحياة كريمه وخير مثال

المصريين والسوريين والاجانب اللي يشتغلون

بالوظائف الحكوميه اشوفهم يسافرون كل سنه

لديرتهم ويوفرون من معاشاتهم ومن ابدع مايكون

قلنالك افهم وشغل مخك اقل كويتي شهادته

متوسطه وجندي بالجيش وماعنده اعيال

قاعد يستلم مع الزوجيه وبدل الايجار اكثر من

600 دك يعني افهم هذا الحد الادنى لمعاشات

الكويتيين يعني بالذمه ماتعيشك 600دك

تبي الصراحه اللي نفسك يبي ياخذ قرض

ويبي يسافر ويبي مرسيدس ويبي بيت

بجنوب السره ويبي ويبي يعني لو معاشك

2000دك هم ماراح يكفيك تدري شلون روح

ادفع قرضك وايد احسن :d :) :d :)
 
التسجيل
2 مايو 2002
المشاركات
798
الإعجابات
0
الإقامة
Kuwait
#19
ليش معصب يا الفيلكاوي......

انسى خلاص ما نبي اسقاط القروض و الا الفوائد بعد و لا حتى الانفتاح فى الاقتصاد.....وليش نتعب نفسنا ....

و ما يصير الا الله كاتبة....... و الله يرزق الجميع من اوسع ابوابة

بالتوفيق
 
التسجيل
7 يوليو 2005
المشاركات
517
الإعجابات
0
#20
ليش معصب يا الفيلكاوي......

انسى خلاص ما نبي اسقاط القروض و الا الفوائد بعد و لا حتى الانفتاح فى الاقتصاد.....وليش نتعب نفسنا ....

و ما يصير الا الله كاتبة....... و الله يرزق الجميع من اوسع ابوابة

بالتوفيق

مو معصب يافالكون بس يااخي انا قاعد اشوف وجهة نظر الاخوان
اللي يطالبون باسقاط القروض يايقنعوني يااقنعهم وعموما كل
شخص عنده قرض مو متقبل ان القروض ماتطيح وكل شخص
موماخذ قرض مو قابل ان القروض تطيح طبعا انا منهم بس بالنهايه
ودنيا نمسك العصا من النص وهو ان الجميع يطالب بمنحه من
الدوله لجميع المواطنين الكويتيين وهذا الحل اللي ماراح ترفضه
الحكومه لانه يحقق المساواه بين الشعب كله وتحياتي لك
يافالكون وعسى الله يحفظ لنا ديرتنا من الفتن قول امين .
تحياتي لك : الـــــــــــــزايـــــــــــــــر .
 
الحالة
موضوع مغلق
أعلى