هل يمهد نزول السوق الهادئ انهيار قاسي ؟! | المؤشرنت
   

هل يمهد نزول السوق الهادئ انهيار قاسي ؟!

المعوشرجي79

عضو نشط
التسجيل
8 أبريل 2005
المشاركات
1,759
الإقامة
الكويت
اجمع المحللين والمتداولين وحتى بعض القياديين في بعض الشركات و من راهن على صعود السوق وتحسن اداءه ولكن ما نراه تعمد في عدم الدخول والشراء !! بل نلاحظ شراء ومن ثم تصريف في مده زمنية قصيرة لا تتيح للمتداول فرصة للشراء ام البيع ما ينتج عنه من احباط لديه والدخول في دوامة الشك والخوف بل الرعب ، مما شهده السوق من هبوط حاد على مدى الثلاث اشهر الماضية ، فيجعلنا نتساءل هل لنزول السوق الهادئ والذي باعتقادي تصريف على نار هادئة يمهد لنزول قوي ام انهيار قاسي ؟!
 

الطائي

عضو نشط
التسجيل
21 أغسطس 2005
المشاركات
92
اجمع المحللين والمتداولين وحتى بعض القياديين في بعض الشركات و من راهن على صعود السوق وتحسن اداءه ولكن ما نراه تعمد في عدم الدخول والشراء !! بل نلاحظ شراء ومن ثم تصريف في مده زمنية قصيرة لا تتيح للمتداول فرصة للشراء ام البيع ما ينتج عنه من احباط لديه والدخول في دوامة الشك والخوف بل الرعب ، مما شهده السوق من هبوط حاد على مدى الثلاث اشهر الماضية ، فيجعلنا نتساءل هل لنزول السوق الهادئ والذي باعتقادي تصريف على نار هادئة يمهد لنزول قوي ام انهيار قاسي ؟!
بصراحه الوضع مايطمن الله يستر
 

fawaz74

عضو نشط
التسجيل
30 ديسمبر 2006
المشاركات
1,272
هذي هي الحرب النفسيه اخوي والي عارف ومقيم الاسهم من 2005 مايهمه كل هذا كل... كلامك هذا خله موجه للمضارب الي يتبع سياسه القطيع من سنتين اما المستثمر الي عنده اسهم ذات تقيم جيد وموزع المخاطر بين سهم وسيوله مايهمه نزول قياسي ولا ارتفاع قياسي...ولا تقول للمتداول البيع والشراء ...قول للمضارب الدخول والخروج على كيفه بالعربي هذا درس من المحافض وكبار السوق والثمن يدفعه كل استخف بالاساس الاستثماري للبورصه ...تخيل انت عند شركه وقاعد تشتغل وتنمي الربحيه وقيمه السهم وكل يوم داش واحد يشتري سهمك عشان يسبقك بالبيع للناس او اذا ماحصل من يشتري باغلى باع باقل بنفس اليوم شنو تسوي فيه...احب اسمع جواب من اي واحد عنده تعليق
 

enghamad

موقوف
التسجيل
25 يونيو 2006
المشاركات
80
وجهة نظر

انا اقول السوق وراه انطلاقة اذا مو الثلاثاء الأربعاء :d
 

fawaz74

عضو نشط
التسجيل
30 ديسمبر 2006
المشاركات
1,272
ادري محد راح يرد على كلامي...بس انا اقولكم شنو اسوي فيه اول شي انزل السهم نص قيمته لاني صاحب تاسيس 100 فلس ومايهمني وما ابيع لان هذي شركتي وربحانه وبقعد فيها لين اموت.... وانطر واشوف اكتشف انه المضارب باع والمستثمر شرى من المضارب وبرد واستفاد...بعد فتره ارفع الاسعار شوي اكتشف ان المضارب رد مره ثانيه وماتعلم الدرس ابتدي اصرف عليه واعطيه الضربه القاضيه عشان يحرم يطب السوق الا وهو يبي سهم عشان يقعد بالشركه حاله حال الملاك وينطر الارباح ....واحني بالجوله الاخيره الحين كلامي صح ولا غلط الا اذا انتو شايفين السوق يكد على عميان بالكويتي :)
 

fawaz74

عضو نشط
التسجيل
30 ديسمبر 2006
المشاركات
1,272
مشالله 150 واحد شاف الموضوع ومحد علق ...مو مشكله عيل ازيدكم من الشعر بيت...وفوق هذا مو مكفي الاخوان الكاش لا يشترون بالاجل ليش عشان ينطر الاسهم ترتفع ويبيع ويربح اضعاف راس المال الي عنده وكل هذا على حساب منو الملاك المساكين واصحاب المحافض الي حاطين حلالهم بالسهم ويبيون يشوفون الاسعار ترتفع بعد جم سنه والاخوان طايحين جني ارباح اول باول وضارب افسخ العقد االيوم ورده باجر بذمتكم هذي حاله ..الله كريم لاتزعلون هذا حال السوق :)
 

النــاقــد

عضو نشط
التسجيل
8 مايو 2006
المشاركات
993
بس يا خوك كل الاسواق العالمية فيها مضاربين فاشفيك شاب عليهم :)

و مع هذا وجهة نظرك حلوة بصراحة.
 

fawaz74

عضو نشط
التسجيل
30 ديسمبر 2006
المشاركات
1,272
شسوي ياخوى من السوالف الي قاعده تصير :) وعلى طاري الاسواق عدل بس مع سيوله عاليه وشركات عملاقه مو هني نقول يالله السلامه الي داش قد الي طالع واخر شي يلومون الكبار والملاك اذا ماعطوهم مضارباتهم كل يوم وربعنا الحين اتقنو اغلاق السوق وكسر الاجل هذا الموضوع بكل بساطه :)
 

abbass

عضو نشط
التسجيل
29 سبتمبر 2006
المشاركات
320
يعطيك العافية اخوى فواز

اسمحلى اتفق معك المضاربة العشوائيةصارت داء اسواقنا الخليجية
لكن اللى صاير مع موجات النزول الكبيرة اعتقد ان المستثمرين عوقبوا اكثر من المضاربين بل ان المضاربين صارو اقوى حجة من المستثمرين المساكين اللى شايفين حللالهم ربما نقص الي اقل من 50%


اضف لذلك ان الواضح ان المحافظ والصناديق وكثير من الشركات صارت تضارب وتصرف على المساكين

اعترف لك انى مستثمر وبشركات ممتازة وكنت اعلق أمل على تحسن السوق لكن الان اعتقد ان المضاربين ربحو
اكثر
 

fawaz74

عضو نشط
التسجيل
30 ديسمبر 2006
المشاركات
1,272
خلاص ضارب شنو بيدي اقول اكثر ...تبيني اقولك عندي بنك الخليج من العام دشيت 1300 وخذيت ارباح ومنح والحين مكلف على 1140 وقيمته 1700 ولا اقول شريت الهواتف 2500 بطيحت السوق والحين 3500 ولا اقول عندي الصناعات من 800 والحين 1200 هذا الاستثمار مو مخازن 6 دنانير ولا سلطان 2500 ولا مجموعه الدوليه دينار عشان 45 % منحه ولا شركات 500 فلس الحين الناس تخاف تقرب منها 250 وينهم قبل توهم يعرفون قيمتها وشنو شغلها... لا مضاربه فالحين ولا استثمار واخر شي العيب بالسوق وقصو علينا اقص ايدي اذا مو كل واحد خسران بالسوق ماكان يشتري ويبيع العام على مؤشر السوق السعودي يعني فشل بفشل بس انا خلصت الي عندي والله يعوض على الجميع واسمحولي ياجماعه اذا مصختها بس هذا الحق
 

abbass

عضو نشط
التسجيل
29 سبتمبر 2006
المشاركات
320
كنت مستثمر باختيارى انا الحين مستثمر رغم انفى

المخازن وسلطان هل كانت شركات وهمية ؟ماذا فعلت بالناس لما تنزل ل20% واقل

ما قصدته ان صناع السوق هم من قوى اتجاه المضاربة الشرسة واضعف الاستثمار

نرجوا انهم يصححوا الامور بحق ويعيدوا الاعتبار للاستثمار

وعلى كل حال لك منى كل التقدير
 

fawaz74

عضو نشط
التسجيل
30 ديسمبر 2006
المشاركات
1,272
المخازن وسلطان هل كانت شركات وهمية ؟ماذا فعلت بالناس لما تنزل ل20% واقل

ما قصدته ان صناع السوق هم من قوى اتجاه المضاربة الشرسة واضعف الاستثمار

نرجوا انهم يصححوا الامور بحق ويعيدوا الاعتبار للاستثمار

وعلى كل حال لك منى كل التقدير

يعطيك العافيه حبيبي الموضوع كله سوء تقدير وجهل واضح من والحين تعلمو الدرس نبي نشوف تاليها وتاكد السوق في شركات بتوصل 5 دنانير وشركات الحين تحت بتصعد 500 فلس وشركات 500 فلس بتروح دينار بس الشاطر الي يعرفها ويعرف بعد شكثر وينطر عليها مو فلان يطبل وفلان يخربط والسوق بينهار والسوق مادري شنو الله يعين الجميع انشالله بس الناس ما عليها شرها تبي تنام وتقوم الصبح ها ارتفع لااا قصو علينا وكل يوم على الحاله دنيا غريبه
 

Master-Leo

عضو مميز
التسجيل
27 نوفمبر 2006
المشاركات
10,156
الإقامة
الكويت
اللي يخاف من السوق والمضاربات يشتري سهم

في أي بنك بعد توزيع الأرباح هالسنه ويفك عمره

من البورصه وياخذ ارباح كل سنه ويخلي السهم في التجوري.

غير جذي يا مضارب ويامستثمر حط بالك مثل ما انت تبي تربح هم غيرك يبي

والمضارب الشاطر في هذه الأيام عشان يربح لازم يستغل الاشاعات والأخبار

ولازم يتحمل نتيجة مجازفاته لأن هذي تجاره فيها ربح وخساره
.
 

أبو مناور

عضو نشط
التسجيل
16 نوفمبر 2004
المشاركات
382
نتمنى ثابت السوق بمقابل التصحيح الرديكالى السئ للسعودى
 
أعلى