مطلوب المشوره للأخوه اصحاب الخبره في مجال اشتركات الانترنت

[خسران جداً]

السلام عليكم و رحمة الله وبركاته
يا جماعة الخير انا محتار فيما بين اشتراكين

الاول
اشتراك الوطنيه اللي بالشهر26 دينار ويعطوني جهاز الارسال مجاناً

والثاني
اشتراك E-Go ابو 20 شهريا




شرايكم شنو اخذ و ليش؟

 

[Cha3bar]

أنا ضد إستخدام الإشتراكات الوايرليس إلا للضرورة وذلك لأسباب عديده، عموما إذا كنت محتاج تكون شابك طول الوقت وتتنقل من مكان لي مكان أو إنك ساكن في منطقة جديدة ومافيها خطوط تلفون فهذا سبب كافي إنك تقتني هذه الخدمة

نصحتي إنك إنت تختبر الخدمتين بنفسك وإلي تشوف إنها أحسن تستمر معاها لأن عمري ما لقيت أثنينه متفقين على خدمة وحدة ليش؟ يعتمد على مدى خبرتك أو المكان إلي تستخدم منه أو نوعية جهازك أو طريقتك بالإستخدام

إذا حاول تشترك في أقصر فترة مسموحة للإشتراك في كلتا الخدمتين وبعدين إنت قرر

هذا إلي أنا أتبعه حتى مع إشتراكات الدي أس أل

 

[فهد الفهود]

آنا عن نفسي مشترك مع فاست تلكو

السرعة 256 وتوصل الى 450
سعر الإشتراك السنوي 256 دينار مشمول بالجهاز الوايرلس
الجهاز شغال من اجمل ما يكون في البيت يغطي الدور الأول والأرضي وجزء من السرداب

شغال 24 ساعة يوميا بدون انقطاع و سريع وشابكين عليه 6 كمبوترات

الصراحة ممتاز جدا

 

[kkekke]

السلام عليكم و رحمة الله وبركاته
يا جماعة الخير انا محتار فيما بين اشتراكين

الاول
اشتراك الوطنيه اللي بالشهر26 دينار ويعطوني جهاز الارسال مجاناً

والثاني
اشتراك E-Go ابو 20 شهريا




شرايكم شنو اخذ و ليش؟

قمه التكنولوجيا ...... اعتقد انها ممتازه وفي تطوير مستمر ... ولا تنسى التجوال حتى لو تسافر وفي المناطق المقطوعه انترنتك معاك


والوطنيه ممتاز واوفر ... ويتمتع بمميزات اخرى

 

[q8home]

السلام عليكم

أنا أفضل الوطنية نوعا ما و لكن إشتري إنت السييرا سعرها 99 دينار و راح يصير إشتراكك 14 دينار, أما إذا الإشتراك 26 دينار و السييرا ببلاش راح تطلع عليك أغلى و بعدين ماراح تقدر توقف الخدمة إلا قبل سنة

أما إذا الإشتراك 14 ممكن توقف الخدمة متى ما تبي بحالة السفر مثلا