الأسهم الكويتيـة سعرهــا غير عادل

[Pivotrend]

شركات قاعدة تغرق السوق بالأسهم

كمثال:-
بيت التمويل KFIN أغرق السوق بأكثر من 130 مليون سهم
ما يعادل 13% من عدد أسهمه قبل سنه
و ماهو قيمته أكثر من 300,000,000 ثلاث مائة مليون دينار فوق قيمته السوقية حتى الآن

مايكرو سوفت ثالث أكبر مؤسسة بالداو جونز تغرق السوق ب 10 ملايين سهم فقط كل كوارتر

مع هذا سعر سهم بيت التمويل قاعد يصعد
قبل سنه أسهم بيت التمويل كانت بليون سهم و كسور
الآن أكثر من بليون و 200 مليون سهم

يجب أن ينزل السعر ليعوض أغراق السوق بالأسهم
السعر ما نزل حتى من توزيع الأرباح !!!


السوق خطـر
والله أعلــــــم

 

[كويت2]

يعني إتوقع أخوي راح ينزل سعر سهم بيتك فجأة في الأيام المقبلة ؟؟؟

 

[salem.srsr]

جزاك اللة خير ... بس ياخوي اسهم بيت التمويل او قصدي ملاك السهم كل سنة ياخذون خوش ارباح وتقدر تقول انها مضمونة يعني ماتخاف اقل شي على راس المال ... كذلك البنوك عموم ... مقارنة بالشركات الاخرى اللي اغلب الناس يبون راس المال ويبون السلامة ...

 

[Pivotrend]

أنا ما أتوقع يصعد أو يهبط

ولكن أقول أنه أغراق السوق بأسهم بنسبة تفوق 12% و توزيع أرباح + أرتفاع السهم كقيمة سوقية و كل هذا يتزامن مع هبوط المؤشر
هذا الشيء ما يطمئن !!!

 

[دخيل الله]

لاحظ ان التمويل من الشركات الناجحة في السوق
والمرغوبة، وكثير من مساهمينه مستثمرين شبه ثابتين على السهم
ما يبيعونه من سنين،والسهم والارباح في نمو وخسارة بيعته
اذا كنت ممن يمتلكه من قبل 3 سنوات مثلا .
يكفي انك ترجع لكميات الاسهم المصدره وتقارنها بتداولاته
اليومية التافهة مقابلها حتى تتأكد بسلامة وضعه.

الشركات اللي لازم تنزل هي اللي زادت راس مالها بنسب خيالية
وفوقهم علاوات اصدار بمبالغ مجموعها ضخم
لا يوجد اثر واضح لهذه الزيادات على نشاطاتها في الوقت الحالي
كأنشطة تشغيلية او ان كفأتها باستغلال هذه المبالغ غير واضحه
مما يجعلها محل شبهة انها فقط توزع مبالغ علاوات الاصدار كأرباح
وباقي المبالغ تستغلها باتجاه خاطئ كالمضاربة بالاسهم مثلا.
هذي الشركات موضوعها طويل ويحتاج بحث ودراسة واطلاع على بواطن
امورها.

ويبقى التمويل كسهم قيادي صفحة بيضاء بالسوق الكويتي
سواء صعد او نزل.

 

[Pivotrend]

بعد سنتين تقريبا حتى الآن سعره لك عليه