جديد سؤال وشكرا لمجهوادتكم الاكثر من رائعه

[rikan]

بسم الله الرحمن الرحيم

اولا:- اليكم شكري وامتناني على ما تبذلوه من فائده للتعليم ونقل تجارب وجزاكم الله خيرا وجعله الله في ميزان حسناتكم .

هل للبورصة الكويتية موقع على الانترنت للمتابعه ومعرفة الاسعار

واذا كان هناك موقع محدد ارجو تزويدي باسم الموقع لاتمكن من

الدخول اليه ؟

ثانيا :- ارجو من الجميع من الذين جربوا العمل بالبورصة ارجو منكم

تقديم النصيحة لي وخاصة اني بالبداية وكما يقول المثل

ما خاب من استشار وموقعكم هذا وجميع الاعضاء هم خير

من ينصحوا بمجال البورصة الكويتية .

وجزاكم الله خير مقدما على النصائح والارشادات الغالية منكم

وتقبلوني اخا لكم وعضوا انشالله اكون طبعا بعد اكتساب المعرفة

المطلوبة عضوا فاعلا وافيد واستفيد دائما بالخير انشالله .

 

[أبو عبدالمحسن]

حياك الله يا راكان

حياك الله ياراكان وكلنا في يوم من الايام كنا غشم شوف موقع البورصه الكويتيه هذا هو www.kuwaitse.com وتقدر منه اتشوف كل التداول وبطريقه تقريبا مباشره ولابغيت شي اسأل وانشالله الاخوان مايقصرون أما سؤالك الثاني نصيحه لك بخصوص البورصه شف لاتحط بيضك بسله وحده والافضل انك ما تصدق كل شي يعني الاخبار الي بالجرايد والكلام الي يردد دايم خذ وخل يعني نادر لما ينطبق بالظبط خصوصا البورصه الكويتيه والمهم ان البورصه الحين بالعلالي يعني الكل ربحان واهني مربط الفرس لكن البورصه لها وجه ثاني الله لايورينا وياك هالوجه وجه احمر ماغير دم يسيل لركب ( وهو طال عمرك النزول يعني ماطار سوق وارتفع الا كما طار وقع وهذي لعبة السوق وترى الشاطر لعبته اضرب واهرب لاتقول بصمد ماينفع خصوصا اذا الكبار سووها ووقفوا عن السوق مثل ماصار بال 97 98 99 2000 انا ما اقولك الكلام هذا اخوفك لا والله بس لان على قولت المثل كلن يمدح ما واجه وانت جديد ولا شفت لاحد الان الا ان السوق في صعود مستمر تقريبا (اذا رأيت انياب الليثي بارزتن = فلا تحسبن الليث يبتسما ) وانا ما ودي اطول 0 والله يوفقنا ويفقك يا راكان قول انشالله تحياتي

 

[ابو محجن]

السلام عليكم

الاخ rikan تبي نصيحه اخو اذا كنت جديد بالبورصه مثل ما قال ابو عبدالمحسن لاتحط فلوسك بشركه وحده تراهذي مهمه

والشغله الثانيه اشتر بالشركات الممتازه الي ماضيها ابيض يعني وقت نزول السوق ماتزل مثل شركات الاتصالات وغيرها من الشركات القويه

ولاتطمع هذي اهم شغله

تراني جديد بسوق ماصارلي سنتين ثلاث بس كثر الطراقات الي ياتني علمتني شغلات وايد

والله يوفقنا اجمعين

 

[ابوالحارث]

السلام عليكم

ريكان اللة يستر عليك من هالسوووق .. نصيحتي لك ترى اكلنا طراقاااات فناااقر بعد .. وزع افلووسك لا تكودها بسلة وحدة اللة يرزقك من هالسووق ..وإذا نزل السوق بيع لو بخسااارة بصيطة اذا ما لحقت على البيع إنسا السهم ونام علية وإياني وياك تبيع وشكرا

 

[rikan]

مشكورين على النصيحه الغاليه جدا جدا جدا

بسم الله الرحمن الرحيم

مشكور ياابوعبد المحسن وانت يا ابو محجن وانت يا الين على هذه

هذه النصيحه الغاليه واللي لها بالقلب مقدار وطاعه انشالله وان دل

الشي هذا يدل على حرصكم الشديد على المستجدين من امثالي

وادعوا الله ان يوفق الجميع انشالله بكل خير .

سؤالي لكم اخواني نصيحتكم لي بان لااضع البيض بسله واحده

هي نصيحه جيده جدا ولكن هل لي بتساؤل بسيط منكم ومن كل

الاخوه .

هل تعتبرون شرائي لسهم شركة الوطنية للاتصالات جيد ام سي

اي ان اضع بيضي بهذه السله ؟

ارجو منكم المشوره وبالذات هذه الشركه .

 

[أبو عبدالمحسن]

دربالك يا الحبيب

قلنالك نصيحه وتنطبق على كل الاسهم ممتازها ومتوصطها ورديها لاتشتري بكل افلوسك واذا تبي السبب انا اقولك شوف انت يوم تشتري بفلوسك كلها بسهم معين اهني نطلق عليك مصطلح اسمه ربطت نفسك يعني صرت مربوط بالهسهم لا والمشكله لو نزل مثلا نزله قويه ما راح اتبرد عليه واهني اتكون فعلا مربوط ومتضايق والفرص قاعده اطوفك لان احيانا يكون عندي السهم لكن لما ينزل اقدر اعرف باين سعر ابرد عليه طبعا بعد ما اعرف اسباب نزوله مثلا اذا كانت حاله عامه ان السوق نزل ولا خاصه بالسهم اهني اتقيس السعر الي تبرد منه وبخصوص الوطنيه للاتصالات لو سالت من سنتين كان قلتلك اشتر لكن مو بفلوسك كلها اكيد لكن الحين اقولك ضارب عليها يعني ادخل بسعر واطلع منه بسعر لكن لا طول اولا الشركه جديده ترى وليما الحين ماوزعت ارباح تستاهل وثانيي اهلها ترى ناشفين صدقني ممكن في اي لحظه يبيعون ويخربطون بالحسابات واتغير الاسعار على مشتهاهم واهي الحين باسعار انا اعتبرها مرتفعه جدا خصوصا انها بفتره بسيطه اصعدت يمكن ما تعدت سنه او اكثر اشويا 0 تحياتي لك ولك الاخوان والله الموفق وهو العليم الخبير سبحانه