آخر محتوى من قبل Moto

ذكرتوني ب فاتن حمامة وعماد حمدي

الواحد مايبي يرش ملح على الجرح بس لاحظت اليوم ان اكثر خساير كانت في القطاع العقاري -43.18، انتبهوا منه ومن الشركات المرتبطه فيه من اسمنت وحديد وخلافه. اقاويل متواترة في السعودية والامارات بانفجار فقاعة عقارية اقوى من السابقة بسبب الفسقة بالاسعار

شفت الفيديو من سنتين،بعد ماقريت التعليقات قلت اكيد فيه شي جديد وموطبيعي، طلع نفس الشي مول اقل من عادي شوية سينمات وشوية مطاعم ومحلات وارضيات وطوف بيض كأنك بمستشفى، واكيد 14 ستاربوكس،ماني شايف شي يستاهل.

خيرا فعلت،الله يشهد ان هذا ماتوصلت له بعد 8 او 9 سنين من التداول ولله الحمد خرجت بخسارة 20% من راس المال (مو خسارة اذا حسبت وناسة التداول والمتابعة وتلقى شي يشغلك بديرة الغلقة) واتجهت للعقارات الخارجية ووزعت فلوسي على شوية شقق ذات مدخول جيد،ولله الحمد مرتاح والبال فاضي وحلالي لعيالي مو للمافيا...

تخيل داش حلبة ملاكمة ومكممين عيونك ضد ملاكم محترف عارف من وين يهاجمك وانت مو شايف شي، تقول التحليل ، اقولك التحليل واحد قاعد بآخر المدرجات يصارخ دير بالك يمينك يسارك، شنو تتوقع النتيجة. قالوها الطيبين ، الجنون هو ان تعمل نفس الشيء عدة مرات وتتوقع نتيجة مختلفة في كل مرة

مو بس المستثمرين في عقارات دبي ، الواحد من ينزل بمطار دبي يحس بالنعيم،يحس انه طلع من براحه ودش مدينة هاي تك

صار لنا 7 سنين نسمع لقوا نفط واكتشفوا حقل وباعوا نفط ولا شفنا شي لاحسيب ولا رقيب

اعرف واحد مفتش اغذية على المطاعم بالسالمية،من اللي شافه بالمطاعم الكشخة يحلف 12 سنة مادش مطعم ومانع عياله من اكل المطاعم،لو تعطيه قوطي ببسي وتقوله من مطعم يقطه ويغسل ايدينه

لا ماعندهم سالفة بصراحة، صرنا مركز مالي ومركز تجاري ومركز انساني ، ومصانعنا تطحن تسوي ايفون 6 حق العالم اللي صافه دور صارلها اسبوع في نيويورك ناطرته وسوقنا احمر، نحيسين.

متابعة وضاربت فيه من ال 2007 ، ال 102 مفصل رئيسي اذا كسره رايح للثمانينات، ديروا بالكم

حاولت وحاولت بس ماترهم

الله يرزقك وترد حلالك وفوقه ربح بس والله غلطتك مو هينه، طلع من العشرينات ووصل ال 180 تروح تشتري بال 182، يالله الدنيا تجارب.

الميزان وحدة من فروخ مزايا وياكثر فروخها

لاأملك في السهم، اللي شفته بالتصوير مال الجمعية يضيق الخلق خاصة الشياب الله يعينهم وفيه وحده عجوز، تحس مقهورين، والمتحدث مال الشركة يتحدث بعنجهية ويقول اللي يفهم وعنده عقل يمر مقر الشركة ويسأل اللي يبي، والمصيبة الشركة مالها مقر، والله التجار والحرامية فوق القانون هذا اذا فيه قانون.

انا اتداول عن طريق المثنى مال بيتك، اذا حولت فلوسك قبل الساعة 11 تقدر تسحبها بنفس اليوم واذا بعد ال 11 تسحبها ثاني يوم وكله عن طريق التطبيق مالهم بكل سهوله، بس اكيد لازم عندك حساب في بيتك