كيف أشتري سيارة من السعودية بتقسيط بيت التمويل و الطريقة !!!!!!!!!!!!!!!!!

[Speed90]

هل أستطيع شراء سيارة من عبداللطيف الجميل ( السعودية ) بالأقساط من بيت التمويل ؟
تكاليف الرسوم إذا أفترضنا أن السيارة ب 10 ألاف دينار ؟
الإجرءات ؟

و جزاكم الله خير

 

[AL-AMIR]

والله خلال خبرتي ماكو فرع لبيت التمويل بالسعوديه واللى اعرفه غريبا يبون يطلبون بفتح فرع

والاقساااط اذا تعرف احد سعودي يكفلك بالاقساط

والسموحه والعذر

 

[خسران جداً]

انا دقيت على بيت التمويل قالوا ما عندهم فرع بالسعوديه على شان تقدر تاخذ بالاقساط.........

 

[Speed90]

طيب ياخوان اذا قدرت اشتريها عن طريق بيت التمويل
كيف اجرءات و تكاليف تدخيلها الكويت بلوحة كويتية

 

[كحيلان30]

والله اتصلت على موظف الخدمه اللى بيت التمويل قلى تصير تجيب عرض سعر وهم بدوره يشترون لك السياره من الوكيل تقدر تمر معرضهم اللى بالضجيج يفيدونك اكثر والله واحدمن الربع يقول رفيجه سوهل عن طريق التمويل .....تاكد

 

[kuwait225]

اخوي ماتقدر تشتري سياره بالسعوديه عن طريق بيت التمويل

مالك الا حل واحد تاخذ مراحبه مثلا بقيمه 10000 دينار وتروح تشتري السياره كاش

ونصيحه اخوي اذا شريت السياره من السعوديه خل لوحاتها سعوديه لفتره سنه تقريباا
لى ما تحس ان السياره مافيها عيوب مصنعيه
وهذا علشان اذا حولة اللوحات كويتيه كثير من الوكالات بالكويت ما تستقبل السياره ولا يسوون لها سيرفس ولا تكفلها
لاكن اذا اللوحات سعوديه غصبن عليهم يدخلونها لك ويسوون لك سيرفر وتعتبر تحت الكفاله

وطبعا تغير اللوحات اذا السياره جديده من الوكاله ماعليها جمرك لان الجمرك صار موحد بدول الخليج

 

[Speed90]

مشكور اخوي كحيلان الله يجزاك خير

اخوي kuwait225 السيارة جديدة
اتوقع تصير عن طريق بيت التمويل لانها جديده
بس يبغون رقم شاصي حجز السيارة و يعطوني وصل لعبداللطيف الجميل

او تورغ مثل ما ذكرت و هو نفس نسبة مرابحة السيارات الجديده

بس تعتقد اذا سياره جديده احولها لوحات كويتيه على طول احسن ؟
تعتقد ما في رسوم او جمرك او اي تكاليف اخرى غير رسوم التحويل ؟

 

[kuwait225]

انا نفس حالتك افكر اخذ سياره من السعوديه
وكل يوم اكلم بيت التمويل واسألهم يشترون لى السياره من وكالات السعوديه والجواب لأ

والله ياخوك انا انصحك تخلى اللوحات سعوديه على الاقل سنه كامله علشان اذا طلع فيها عيوب مصنعيه ما تطق دروب رايح وجاي السعوديه
خل اللوحات سعوديه ويكفلها لك الوكيل وتريح بالك

بالنسبه لرسوم الجمارك مافيه رسوم لان الرسوم صارت موحده بدول الخليج
بس عليك رسوم يمكن نقل السياره مثلا من الرياض لى الحدود وهذى تقريبا تكفلك 30 او 40 دينار يعني شى رمزي