بنك الإثمار ش.م.ب ( الإثمار ) ...... 1

[سمح]

الحمدالله الذي بنعمته تتم الصالحات

بنمو 11,80 % مقارنة بالعام السابق

بنك البحرين والكويت يحقق 39,15 مليون دينار أرباحاً صافية في 2010

ويوصي بتوزيع 25 فلس للسهم الواحد

بنك الاثمار يملك 25% من البنك​

 

[السور]

مبروكين

 

[ahmaaad]

تتوقعون شنو مدى تاثير هالخبر على السهم؟ غدا

 

[BARKAWI]

تتوقعون شنو مدى تاثير هالخبر على السهم؟ غدا

-1

طبعا هذه مجرد تكهنات ، مشكلة السهم انه صانع السوق ماله نحيس ويلعب بالأوامر بشكل غريب ومضحك وبدون هدف محدد اللهم إلا التشتيت وحتى لا نعلم ما يخبئه لنا ، لا يفضل وضع تصور فني أو توقع عشان ما حد ينصاد!!

 

[سمح]

-1

طبعا هذه مجرد تكهنات ، مشكلة السهم انه صانع السوق ماله نحيس ويلعب بالأوامر بشكل غريب ومضحك وبدون هدف محدد اللهم إلا التشتيت وحتى لا نعلم ما يخبئه لنا ، لا يفضل وضع تصور فني أو توقع عشان ما حد ينصاد!!

بالفعل كلام سليم , الاوامر يتم التلاعب بها بالدقائق

ماشاء الله عليك مراقب السهم تمام​

لااتوقع ان يؤثر على السهم الخبر

والله اعلم​

 

[ahmaaad]

السلام عليكم
انا معاكم ان الاوامر يتم التلاعب فيها وزيادتها وسحبها في دقايق
بس شفتوا شلون يوم الاحد لما كانت البورصه نازله تم دعم السهم بالطلب بالملايين مع العلم ان كان يقدر يهده ويلم من تحت كثر مايبي
ان شاء الله ان وراه صعده قويه ويكون كل هذا افلام تطفيش

 

[مساهم متواضع]

البورصه نزلت يا خوي بسبب مصر والاثمار من اكثر الشركات تاثرا بمصر لو ماتم الدعم كان وصل 20 فلس

 

[ahmaaad]

-1

طبعا هذه مجرد تكهنات ، مشكلة السهم انه صانع السوق ماله نحيس ويلعب بالأوامر بشكل غريب ومضحك وبدون هدف محدد اللهم إلا التشتيت وحتى لا نعلم ما يخبئه لنا ، لا يفضل وضع تصور فني أو توقع عشان ما حد ينصاد!!

انت صح شكلك انت صانع السوق

 

[BARKAWI]

انت صح شكلك انت صانع السوق

بس لا تخبر أحد

 

[ahmaaad]

والله ياخوي مليت من هالسهم واصل حدي منه ابي اتخلص منه اليوم قبل باجر بس لان صارلي صابر عليه فتره طويله اخاف ابيعه ويدق سلف عقبها اموووت قهر

 

[شرباكه]

بس لا تخبر أحد

أخوي برقاوي موجنه في غلط في البيت الاول من الشعر في التوقيع ولا إنت متعمد

اذا الشعب يوما اراد الحياة فلا بد ان يستجيب القدر

 

[BARKAWI]

أخوي برقاوي موجنه في غلط في البيت الاول من الشعر في التوقيع ولا إنت متعمد

اذا الشعب يوما اراد الحياة فلا بد ان يستجيب القدر

هلا أخوي شرباكة ، ما أحب أخرج عن موضوع السهم (باعتباري صانع السوق ) ، لكني حورت في بيت الشعر بناء على نصيحة من أحد الإخوان جزاه الله خير لأن البيت الأصلي في شبهة أنه يكون مناف للعقيدة فهذا اللي خلاني أغيره ، لكن المعنى مفهوم إن شاء الله

 

[صانع البورصة]

والله ياخوي مليت من هالسهم واصل حدي منه ابي اتخلص منه اليوم قبل باجر بس لان صارلي صابر عليه فتره طويله اخاف ابيعه ويدق سلف عقبها اموووت قهر

قول الى صانع السوق يرفعه

 

[mohalshaikh]

السلام شباب.....

الصراااااحه السهم محتاج له صبر عدل, وترى بصراحه السهم جيد حق الاستثمار وخاصه ان البنك اوضاعه زينه واخيرا حصل على تمويل من بنك الاهلي, سعره حاليا بنص القيمة الاسمية.

بس ما ادري شنو الي امخبنه هالسوق....

 

[نجوبي]

أعتقد والعلم عند الله ان عليه ديون كثيرة وهو يحاول ان يسددها بالاضافة الي احداث مصر فأدت الي نزول السعر لكن علي المدي البعيد يعني سنتين ثلاث راح يتعدل وضعه ويدوبل السعر .

 

[gmail]

متى الجعيه العموميه ياشباب اللي عنده خبر

 

[mohalshaikh]

الجمعية العمومية تاريخ 26/2/2011

 

[حمد العامري]

السلام عليكم ورحمة الله وبركاته

ان شاء الله نستفيد وانفيد في المنتدى الطيب

ابي شورككم يا الربع..
انا شاري من اسهم الاثمار..
وافكر اشتري اكثر

فشرايكم اشتري ولا اشتري اسهم شركه ثانيه

وجزاكم الله خير

 

[zizo 40]

السلام عليكم ورحمة الله وبركاته

ان شاء الله نستفيد وانفيد في المنتدى الطيب

ابي شورككم يا الربع..
انا شاري من اسهم الاثمار..
وافكر اشتري اكثر

فشرايكم اشتري ولا اشتري اسهم شركه ثانيه

وجزاكم الله خير

أخوى حمد, أولا أحب أرحب فيك فى المنتدى, أتمنى تفيد وتستفيد.

بالنسبه للسهم, أنا بصراحه مو محلل, لكنى أملك فى السهم كميه بسيطه ومتابع من فتره طويله.

وجهة نظرى, السهم سعره طيب الحين, وعنده أرباح طفيفه 2010 ممكن تدعم سعر السهم, لكن يعيب السهم إنه بطىء وصانع سوقه بخيل وكمية الأسهم المصدره عاليه, لذلك وجهة نظرى السهم يصلح للإستثمار المتوسط-الطويل ولا يصلح للمضاربه لغير المحترفين, والله أعلم

بالتوفيق

 

[شرباكه]

هلا أخوي شرباكة ، ما أحب أخرج عن موضوع السهم (باعتباري صانع السوق ) ، لكني حورت في بيت الشعر بناء على نصيحة من أحد الإخوان جزاه الله خير لأن البيت الأصلي في شبهة أنه يكون مناف للعقيدة فهذا اللي خلاني أغيره ، لكن المعنى مفهوم إن شاء الله

تمسكك بالدين والقيم الاسلاميه يجبرني أقول لك أحبك في الله