توزيع الأرباح

الموضوع في 'السوق الكويتي للأوراق الماليه' بواسطة بورش, بتاريخ ‏3 ابريل 2008.

  1. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    السلام عليكم :)
    انا بعرف ليش الناس تقول خل ناخذ الارباح وننحش
    انزين اذا خذيت الارباح راح يكون راس المال المستثمر هو نفسه ماتغير!

    لنفرض على سبيل المثال شركة جراند ( 100 ألف سهم مثلا على سعر 300)
    يعني الحين في محفظتك 30 ألف دينار
    اذا تفسخ السهم بتوزيع ارباح 10% نقدي و 25% منحه

    يعني راح يصير سعر السهم 232.

    انزين ..

    المنحه راح يعطيني 25000 سهم
    النقدي 1000 دينار

    خل نحسب جم ربحنا.

    المنحه 25000 * 232 ( سعر السهم المتفسخ ) = 5800 دينار
    النقدي 1000 دينار
    الأسهم الي أملكها انا 100,000 * 232 = 23200 دينار

    نجمعهم .. 5800 + 1000 + 23200 = 30000 ( 30 ألف دينار )

    انزين شنو الي تغير ؟ شنو فايدة كلمة ارباح اذا محفظتي فيها نفس المبلغ ؟
     
  2. OVER-THE-TOP

    OVER-THE-TOP عضو جديد

    التسجيل:
    ‏20 نوفمبر 2006
    المشاركات:
    1,706
    عدد الإعجابات:
    0
    مكان الإقامة:
    kuwait
    لا و ازيدك يا صديقي بورش من الشعر بيت

    يصير عندك اسهم كسور يطيحون بجبدك

    ما تلقى احد ياخهم الا اذا سويت لهم تنزيلات :)
     
  3. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    يمكن السهم بعلق جم يوم عقب ما يتفصخ :)

    واذا انت مستثمر ... ماتفرق وياك :)
     
  4. OVER-THE-TOP

    OVER-THE-TOP عضو جديد

    التسجيل:
    ‏20 نوفمبر 2006
    المشاركات:
    1,706
    عدد الإعجابات:
    0
    مكان الإقامة:
    kuwait
    بالعكس شنو الدافع اللي يخليك تاخذ سهم توه متفصخ؟ غالبا يرد ينزل اول ما يتفصخ

    انا خلص شحني من العصر وامي تفتر فيني من سوق لي سوق

    سلام مربع تصبحون على خير يا حلوين
     
  5. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    اي والله يا صديقي صدقت, كسور يطيحون بجبدك, لا ويكاسرونك بسوق الكسور بعد, يبونهم بسعر ارخص :)

    ميكا شلون ماتفرق معاي؟
    اخذ جراند نفسه على سبيل المثال
    440 فلس تفسخ لي 345 على شهر 5.
    واليوم سعره 310. يعني تقدر تقول الاسهم المنحه الي عطوني, انقعها واشرب مايها, لان حتى الاسهم المنحه خسرانه
    والمجموعة الدولية نفس الشي, واجيليتي نفس الشي
    انا بس اشوف الاستثمار في زين وبيتك. وهم الشركات الي دايم الحمدالله تربح الناس كاستثمار.
    انزين باجي الشركات ربحيتنا 60 فلس ولي 180 فلس. وراح نوزع ونوزع والناس رايحه مصدقه
    واخر شي محفظتك نفس ماهي, اللهم زادو الأسهم بس فلوسك نفس ماهي, هذا اذا ماقلت ( وهذا الأحتمال الوارد 90% )
     
  6. OVER-THE-TOP

    OVER-THE-TOP عضو جديد

    التسجيل:
    ‏20 نوفمبر 2006
    المشاركات:
    1,706
    عدد الإعجابات:
    0
    مكان الإقامة:
    kuwait
    صراحة بورش ولاتزعل مني

    العيب فيك هذول اسهم مضاربة وتخسر فيهم انت يا بوالشباب تبي تستثمر فيهم اكيد تخسر

    تبي تستثمر استثمر بشركات نفس العالم

    عارف - الدار - اعيان - الافكو حاليا - صكوك - مباني - زين - تمويل خليجي - بيتك

    مو البحر والبدر وهالنوعية من الشركات اللي ما وراهم الا الخساير
     
  7. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    اضغطني اكثر :p
    ادري والله ادري, خل ارد راس المال بس ولا لهم رجعه مره ثانيه

    بس نرجع حق محور حديثنا :p الأرباح شي وهمي :)
     
  8. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    2,246
    عدد الإعجابات:
    1,621
    شوفو هذا الرابط للإستفادة

    اخواني الأعزاء حبيت تشوفون هذا الرابط وصدقوني راح تستفيدون وهو موضوع مشوق يخص التوزيعات .


    http://www.tawseya.com/forum/showthread.php?t=1242


    اخوكم بو محمد
     
  9. anacardia

    anacardia عضو نشط

    التسجيل:
    ‏9 يوليو 2006
    المشاركات:
    927
    عدد الإعجابات:
    23
    مكان الإقامة:
    الكويت
    هذا الكلام صحيح 100% مع الشركات التي لا تقدر مساهمينها وهمها نفسها وبعض المنتفعين من كبار ملاك السهم واعضاء مجلس الادارة والمقربين منهم ، لكن والحمد لله هناك شركات محترمة وقيادية في السوق وما سميت قيادية الا لانها تقدر مساهمينها وقد زادت من رؤوس اموالها عدة مرات ووزعت ارباح نقدية ومنح ومع ذلك سعر السهم بالعالي ومثال علي ذلك (بسنا فلوس يا اتصالات ) ؟؟؟؟؟ظ
     
  10. سوق خضرة

    سوق خضرة عضو نشط

    التسجيل:
    ‏12 سبتمبر 2007
    المشاركات:
    1,492
    عدد الإعجابات:
    1
    مكان الإقامة:
    اين ما يتواجد الهواء
    وزيد عليهم تمويل الخليج :D
     
  11. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    كلام صحيح وماعليه خلاف :)

    هذا خوش تحليل حق بيت التمويل الخليجي من بوعبدالله جزاه الله خير
    http://www.indexsignal.com/vb/showthread.php?t=101366
     
  12. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    سوق التكسير

    للعلم أذا علق السهم ، بتشوف حتى الكسور تروح بنفس السعر اللي تبيه
    لكن سوق الكسور اسم على مسمى ومعناته هو تكسير المساهم تكسيرا تكسيرا .
     
  13. malek

    malek عضو نشط

    التسجيل:
    ‏11 سبتمبر 2006
    المشاركات:
    2,421
    عدد الإعجابات:
    5
    مكان الإقامة:
    FREE KUWAIT
    يااخي خذيت بندول بسبب الرابط

    اخوي الله يجزيك الف خير والرابط اللي كتبته بصراحه دوخني ومافهت شئ منه وشربت جاي وقهوة ونيسكافيه واخرتها بندووووووووول .
    المهم صكني راسي ، لو سمحت أشرح لنا شسالفه
    نبيع يوم الجمعية العمومية
    ولا نبيل قل الجمعية العمومية
    ولا ننطر ،،،،،،،، ماادري شالموضوع
     
  14. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    الموضوع حجي موضوع الشركة, اذا الشركة استثمارية وفيها خير مثل بيتك, صناعات, زين. انا اقولك لاتبيع قبل الجمعيه العمومية, لأنه حتى التوزيعه من المنحه وزيادة راس المال راح تكون ربحان فيها ان شاء الله.

    ولكن في شركات ثانيه, لو تعطيك 200% منحه, يمكن لو تبيع قبل الجمعية العمومية احسن .. بمعنى :

    ان في من الناس ماتدري شالقصه وتدخل على اساس ان 200% منحه شي مو طبيعي والحبيب رايح تصرفين عليهم, والسهم يوم يتفسخ يعطيك مكانك سر, وهذا اذا مانزل ويرجع الحبيب يلم من تحت, وتعال انطر عاد متى يصعد السهم
    ولك في جروب المجموعة الدولية اكبر مثال
     
  15. TRADING

    TRADING عضو نشط

    التسجيل:
    ‏17 أكتوبر 2007
    المشاركات:
    216
    عدد الإعجابات:
    0
    مكان الإقامة:
    kuwait
    يعطيكم العافية كلن باسمه
    يا اخوان الكلام هذا غير صحيح - بالنسبة للتوزيعات والارباح اهي اهم شي بالاسهم وعلي اساس التوزيعات يتم الاستثمار بالاسهم - لو نختار لنا اي سهم وانا اتكلم عن الشركات التشغيلية وليس الورقية (البحر بالغالب) - يعني تشتري سهم استثمارات لنفترض بسعر 850 فلس ويقولك ان التوزيعة 15 نقدي 20 منحة حسابيا اول يوم يتفسخ السهم راح يكون بالمحفظة نفس راس المال (طبعا علي اعتبار ان السهم تفسخ من سعر الاساس للشراء) وهذا مربط الفرس
    الاسهم التشغيلية بالغالب يتبع التفسيخ ارتداد لسعر الاساس حتي تكون التوزيعة للمساهمين مجانية وبذلك يكون السهم انتج ارباح مدرة علي المساهمين وبشكل فوري بعد التفسيخ.
    النوع الاخر من الاسهم لا يرتد بعد التفسيخ وهذا لا يعني ان السهم لا يصلح للاستثمار ولكن يخليك ماسك السهم لغاية دورة سنوية اخري وبعدين يرده لنفس سعر الاساس للتفسيخ وهني تصبح ايضا التوزيعة مجانية لك ولكن بعد دوران الحول عليك وبالنهاية انت الكسبان لان افضل الودائع لم تتعدي ال 10 % في اي بنك من البنوك وبذلك تكون انت الربحان سواء ارتداد فوري او ارتداد باثر رجعي والفرق فقط بالنسبة للمضارب في سرعة استرداد راس المال.
    وهذا الكلام ينطبق علي الاسهم التشغيلية ذوات العائد السنوي المضمون ومنها الكثير بالسوق الكويتي علي الرغم من السلبيات.
    تحياتي
     
  16. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة

    أخوي ماعندي اي نقطة خلاف معاك, ولكن اغلب الأسهم الحين ارباحها مجرد اسم وخدعه, وتستخدم للضغط على السهم بزيادة

    وحتى بعض الشركات التشغيلية تتبع نفس الأسلوب أخوي, وعطني رايك بجروب المجموعة الدولية, بتدور عليه سنه كاملة, ومانشوف الا السهم نزول في نزول, وين الأرباح ؟ راحت بخساره, لأن المستثمر استثمر سنه كامله, وارباحه بال% صارت بالسالب وليست بالموجب.
    ولو شاريله قحافي وبايعها جان مطلع فلوس اكثر من تجميده لفلوسه, والتجميد بخساره وليس بثبات راس المال.

    ونقيس على هذا الكثير من الشركات, الي تعطيك اسهم منحه, وتستخدم هذي الأسهم المنحه للضغط على السهم بزيادة, عشان تاخذ الارباح الي عطتك بخساره لك وربح لهم, وياخذون من راس مالك الأصلي المستثمر في المحفظة

    كلامك طيب عن بعض الشركات الي تنعد على الأصابع, مثل الاستثمارات, صناعات, زين, بيتك

    ولكن نقاشنا يكون على الغالبية بالسوق, صارت الارباح وسيلة للضغط على السهم, بدلا من ان تكون وسيلة لإنعكاس الاستثمار الناجح والمربح في السهم
     
  17. TRADING

    TRADING عضو نشط

    التسجيل:
    ‏17 أكتوبر 2007
    المشاركات:
    216
    عدد الإعجابات:
    0
    مكان الإقامة:
    kuwait
    الاخ بورش الله يعطيك العافية
    انت شكلك مبتلش بالبدر مثل الكثيرين الله يعينكم ويعين جميع من ابتلش بقروبات الجناعات ومع الاسف صارت الشركات المنتسبة للعائلات عليها الكثير من علامات الاستفهام(البحر-السلطان-البدر-الشمالي(اكتتاب)) والله يلوم من يلوم المتداول اللي ينحاش من السوق والسبة هالشركات.
    لكن للعلم اخوي بورش ان اغلب المتداولين بالسوق يلتفتون للاسهم المشهورة واللي عليها كلام كثير يعني مع الخيل يا شقرة وانا ااكد علي كلامي وكلامك انه بعض الشركات اهي صاحبة العائد السنوي المربح وليس الجميع (وصلنا حاجزال 200 شركة مدرجة وهناك القادم)
    فمشكلة الكثير يذهب خلف اوهام الشركات ذات السمعه الاعلامية السابقة واللي انتهي عصرها الذهبي وأّلت للركود فتجد الجميع يتحدث عن المخازن علي انها السهم الذهبي وله قفزة تصل الي عشرات الدنانير في وقت السهم يكون في تراجع ويخطئ التقدير والتوقيت في الدخول فارجو منك ومن الاخوان وعن نفسي معاكم التاني في اختيار السهم الاستثماري وفي التوقيت الصح

    وطبعا هذا الكلام للمستثمر قياسا علي توزيعات الودائع من افضل البنوك(التمويل في هالجانب = 8.6%) بينما ممكن تربح اكثر من هالنسبة مع كثير من الشركات بنسبة لا تقل عن 10% سنويا وهذا اللي قصدته وهالكلام لا يشمل المضارب نهائيا الا وقت التفسيخ علي حسب السهم والمحفظة اللي شغاله عليه.

    الله يرزقنا ويرزقكم حسن الاختيار ويغنينا بحلاله عن حرامه
     
  18. بورش

    بورش عضو مميز

    التسجيل:
    ‏25 سبتمبر 2005
    المشاركات:
    3,660
    عدد الإعجابات:
    1
    مكان الإقامة:
    دار بالبورصة
    يعطيك العافيه وكلامك ماعليه خلاف أخوي واتفق معاك
    وجروب المجموعة خسر ناس وايد, 40% من راس المال راح مع المجموعة الدولية. من 510 والحين انت شايف سعره, لو مستثمر في البيت التمويل مثل ماتفضلت افضل لي.

    انا مستثمر في زين (الهواتف) من سنة 2004, والحمدالله العائد فاق ال 100% معاه, والحين صرت مضارب مع هذا السهم فوق كميتي الي عندي.
    وفي توجه لزيادة اسهمي للاستثمار في هذا السهم ولكن انطر السعر المناسب للدخول مره ثانيه.

    والله يرزقنا معاكم الرزق الحلال وبالتوفيق :)