إستفسار عمره 30 سنه

الموضوع في 'السوق الكويتي للأوراق الماليه' بواسطة alfahad-kw, بتاريخ ‏8 ابريل 2008.

  1. alfahad-kw

    alfahad-kw عضو جديد

    التسجيل:
    ‏21 ديسمبر 2005
    المشاركات:
    50
    عدد الإعجابات:
    10
    السلام عليكم ورحمة الله وبركاته


    اول شي يعطيكم العافيه على المجهود الكبير اللي تبذلونه في هالمنتدى الرائع ...
    وانا عندي استفسار وياليت من الاخوان اللي عندهم خبره يفيديوني فيه .. بالبدايه لازم اروي لكم قصه عشان تفهمون السالفه والموضوع

    الوالد اكتتب في سنة 1979 في شركة المخازن العموميه (اجيليتي)
    في سنة تأسيس الشركة .. اكتتب بأسمه واسم عمي واسم جدي
    وحذف هالاوراق بالدرج من ذيك السنه إلى اليوم.. فجأه وبدون اسباب تذكر هالاوراق القديمه (والله فلم مصري) وفعلاً راجعت فيها ولقيت الأسهم وارباحها لكن المشكله للحين ماوصلنا لها .. المشكله ان الوالد نسى لايدمج الأسهم بأسمه وجدي توفى الله يرحمه في سنة 1999
    والحين الموضوع معقد وشائك ..
    1- الأسهم غير مدموجه.
    2-جزء من الأسهم (اللي بأسم جدي) صارت للورثه مع ان الشركة الكويتيه للمقاصه ماعندهم علم إلى الأن بوفاة جدي يعني للحين بأسم المرحوم.
    3- جزء من الأسهم بأسم عمي اللي اكتتب بأسمه ابوي.


    والحين ابي الحل من الإخوه اللي عندهم خبره ابي افضل واقصر طريقه ادمج الأسهم بأسم الوالد اذا كان فيه للحين امكانية دمج للأسهم لأن اوراق الإكتتاب القديمه والوصولات للحين موجوده ومبين فيها ان الوالد هو اللي دافع المبالغ بالكامل ... والحين اتمنى من الاخوان بارك الله فيهم طلباً لا امراً يشرحون افضل طريقه اختصر فيها الموضوع ومابي اجرجر عمامي بالمقاصه وبرج احمد وهم الله يطول بعمرهم لو شرحت لهم الموضوع راح يتفهمونه اكيد لكن حتى الوالد كبير سن ومابي اتعبه معاي بالمراجعات .. شكراً لكم واتمنى منكم ماتقصرون معاي
     
  2. معرب الجد

    معرب الجد عضو جديد

    التسجيل:
    ‏12 يونيو 2006
    المشاركات:
    123
    عدد الإعجابات:
    0
    السلام عليكم
    أولا الله يرحم جدك وجميع أموات المسلمين
    ثانيا مابي أجيب لك إحباط الجرجره فيك فيك
    ثالثا من ناحية أسهم عمك فهذي بسيطه أول يعرف اللي له من أرباح طول هالسنين وياخذهم ويحولهم بإسم أبوك
    أما بخصوص الأسهم اللي بإسم جدك الله يرحمه فبحصر الورثه يتم تقسيم الأنصبه بينهم ويقوم كل شخص بتحويل أسهمه بإسم أبوك
    وسلامتك وتعيش
    ولو تشوف لك محامي يمكن يختصر عليك بعض الأشياء
     
  3. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    يبا اسهل شىء اذا الورثه مو وايد تروحون البورصه وتحولون الاسهم و تستلمون شيكات الارباح و توزعونها بينكم و السلام ختام
     
  4. هداف

    هداف عضو نشط

    التسجيل:
    ‏16 أغسطس 2007
    المشاركات:
    316
    عدد الإعجابات:
    3
    هذي مشكلة كبارنا بالسن الله يطول بأعمارهم يسوون الشي وينسونه مايتابعونه
    حرام انك توك ذكرت وينك يوم كان سهم المخازن ب 6 دنانير
    على العموم السالفة بسيطة تروح البورصة الدور الأول أول غرفة بعد الكقتريا على ايدك اليمين
    وتاخذ ورقة تنازل للأسهم وتخلي عمك يتنازل لأبوك ويصدقها بالبنك وترد لنفس المكان تدمجها بدون حضورهم
    اما بالنسبة لجدك أسالهم أفضل