برافووووو الأوسط برو

[بوبرجس]

فعلا قواهم الله عالتجديد في برنامج الأوسط برو

لأني دخلت بعد الظهر عالبرنامج وتفاجأت بعد الضغط على إسم الشركة طلعي سجل الأوامر للسوق الرسمي والصفقات وأوقاتها كذلك .
لأني عادة ماأشوف هالشغلات إلا على موقع البورصة الرسمي عادة بعد نهاية التداول . يعني دافع فلوس وأرجع حق بوبلاش . لكن جنه بدأوا الجماعة يشتغلون صح .
بس لاتكون غلطه بالسيستم .

مشكوررررررررررين .

 

[حدي متفائلة]

وانا احس فعلا انهم تغيروا وصاروا احسن من الاول 000 وبالذات بادخال الاوامر على طول يصير نشط الامر مو مثل اول انطر ربع ساعة ليمن الطيور تطير بارزاقها وبعدين ينشط الامر

وعساهم يتغيرون للافضل 000

 

[بوبرجس]

وانا احس فعلا انهم تغيروا وصاروا احسن من الاول 000 وبالذات بادخال الاوامر على طول يصير نشط الامر مو مثل اول انطر ربع ساعة ليمن الطيور تطير بارزاقها وبعدين ينشط الامر

وعساهم يتغيرون للافضل 000

يالله عسى

ترى يات فتره طفشت وايد ناس .

بس إن شاء الله للأمام .

 

[mbc_383]

هذي من جهود المدير الجديد

نعم هناك تغير في الاوسط بسبب المدير المتالق بسام مطر انشالة ما اكون غلطان بالاسم

 

[مستثمر عنيد]

نتمنى للأوسط كل التوفيق لأنهم سباقون دائما في تقديم الخدمات المتميزة للمتداولين

 

[بو فهمي]

انا كنت زهقت من الاوسط وكنت بغير بس قلت وين اروح
اتفق معاكم بس هم يبيله تطوير
انشاء الله خير

 

[nasy]

سرعة ادخال الاوامر تعود لادارة السوق وشركة ماكنزي اللي طورت نظام التدوال و زادت سعة ادخال الاوامر ( التطوير مو من الاوسط )

 

[مقاييس]

يالله عسى

ترى يات فتره طفشت وايد ناس .

بس إن شاء الله للأمام .

وانا منهم يومها بيع الرابطه اجل 1300 معلق الي ان وصلت الرابطه 1220 صار نشط

 

[حدي متفائلة]

هل الاوسط شغال معاكم انا الحين قاعد احاول ادخل على حسابي ما يفتح
الان الساعه 12:45 مساء يوم الجمعه ( علشان الدقه بس ).

شغاااااااااال وعال العال

 

[بوبرجس]

وانا منهم يومها بيع الرابطه اجل 1300 معلق الي ان وصلت الرابطه 1220 صار نشط

ياأخي أحسن الظن.... يمكن كانوا يدرون بتوصل 450 فلس وييخرعونك عشان تبيع وماترد تشتريها مره ثانيه .

 

[attractive]

فعلا قواهم الله عالتجديد في برنامج الأوسط برو

لأني دخلت بعد الظهر عالبرنامج وتفاجأت بعد الضغط على إسم الشركة طلعي سجل الأوامر للسوق الرسمي والصفقات وأوقاتها كذلك .
لأني عادة ماأشوف هالشغلات إلا على موقع البورصة الرسمي عادة بعد نهاية التداول . يعني دافع فلوس وأرجع حق بوبلاش . لكن جنه بدأوا الجماعة يشتغلون صح .
بس لاتكون غلطه بالسيستم .

مشكوررررررررررين .

السلام عليكم يا اخوان عندي استفسار بالنسبه للأوسط برو انا ماني شايف انه في سجل أوامر طلبات البيع والشراء ؟
بصراحه نزلت البرنامج كذا مره بس مو قاعد أشوف سجل الاوامر !!
هل فعلا موجوده ؟

 

[الأرستقراطي]

نعم هناك تغير في الاوسط بسبب المدير المتالق بسام مطر انشالة ما اكون غلطان بالاسم

الاسم مومهم انك اتغلط فيه انت غلطت بعبارة ( ان شاء الله ) ،،، وجب التنويه ،،،

 

[بوبرجس]

ترى جنها ردت نفس المشكله مره ثانيه

ياريت أحد من الأخوان اللي بالأوسط أو المشرفين يفسر لنا ليش ؟؟؟؟؟؟؟؟؟؟؟؟؟؟

لأن فعلا كانت تغنينا عن اللجوء لمواقع أخرى وحتى بدون إتصال إنترنت بعد تنزيلها على الجهاز .

( بعدين حنا دافعين فلوووووووووووووووس )::verymad::

مايظهر لنا سجل الأوامر مثل قبل + سجل الصفقات ؟؟


وجزاكم الله خير

 

[بيتك للتداول]

انا بصراحة اتداول عن طريق بيتك للتداول التابع لشركة المثنى للاستثمار

والله الكل مرتاح والموظفين شباب كويتي صج تفتخر فيهم

والاهم من جذي انك ما تحاتي الاسهم الغير شرعية لان تداولهم حلال والحمد لله

بس الاوسط؟؟؟ انشاء الله يتغيرون

 

[بيتك للتداول]

بعدين التداول معاهم بالمجان بدون اشتراك..

وعندهم تورق افضل من الاجل بالف مرة

 

[FOCUS]

هاذا كلا مومهم أهم شئ اللايف أوسط برو سووه مجاني ولا على حاله 20 دينار .... آنا كنت أول شغال بشركة الأوسط ... بس شفت بيتك للتداول بالمجان جان أعرج لهم واكشت بالأوسط !!! ليم إصيرون خوش أوادم بعدين أفكر أروووح لهم أم لا ...


أخوكم فوووووكس .

 

[بوبرجس]

كميفك

ردوا علينا ترى بيتك بيضوها


ترى موطالبين زايد بس تنسون لنا الدقمه مالت الأوامر والصفقات


وجزاكم الله خير

 

[الزنقيل]

صباح الخير
بالنسبه للأوامر تروح للخطوات التاليه :
1. تروح للقائمه إلي فوق ( ملف ، إدخال ، التداول .... الخ ) وتختار التداول .
2. تختار سوق الكويت للأوراق المالية .
3. تختار القائمه إلي تبيها وتحتاجها للسوق ككل وترتبها حسب الصوره الموجوده أو على كيفك .
والقوائم هي :
1. جدول أسعار الأسهم السوق الرسمي .
2. سجل الأوامر للسوق الرسمي .
3. الصفقات وأوقاتها للسوق الرسمي .
4. مؤشرات سوق الكويت للأوراق المالية .
5. معلومات وتقدر تحط أمر لشريط الأسعار والخطه هي أنك تروح على أمر الشاشات وتختار Scrolling Ticker وبعدين تختار الكويتي

عاد أنت رتب الأوامر حسب الصوره المرفقه لك أو على كيفك مثل ما تحب

بالمناسبه أنا أشتراكي للبنك الأوسط مو شركة الأوسط بس أعتقد أنه ما في فرق بينهم


وأن شاء الله يكون هذا إلي تبييه وبالتوفيق

 

[بوبرجس]

أخوي الزنقيل تسلم على هالتوضيح الممتاز

بس المشكله _ وإن شاء الله ماهي مشكله _ إن سجل الأوامر والصفقات اللي نتكلم عنها واللي إنت عارضها يالصور لانجدها بعد نهايه التداول الرسمي .

إن شاء الله تكون إوضحت .

 

[الزنقيل]

أخوي الزنقيل تسلم على هالتوضيح الممتاز

بس المشكله _ وإن شاء الله ماهي مشكله _ إن سجل الأوامر والصفقات اللي نتكلم عنها واللي إنت عارضها يالصور لانجدها بعد نهايه التداول الرسمي .

إن شاء الله تكون إوضحت .

الله يسلمك يا خوي

وأوضحت المسأله بالنسبه لي وهم نفس المشكله

وبالتوفيق للجميع