شركة الصناعات المتحدة ( ص متحدة ) ..... 5

[بصرك]

من كثرالشركات الي عندها وحده و40%

 

[mish3al_99]

من كثرالشركات الي عندها وحده و40%

لا بصرك فديتك ... لا تخلي السهم يأثر عليك ..
صوصو عندها شركتين .. نفطيه وحده حفر ابار و الثانيه ما دري شنو شغلها بس نفطيه الى رست عليها المناقصه 28 مليون مع نفط الكويت .. و الثالثه انشؤها حق تنظيف التربه تابعه حق اللى عندها مناقصه 28 مليون ...

طبعا غير ام الخير ... القرين ..

بصرك قوي اللبك .. ترى صوصو بتحبك ...

 

[بصرك]

وراك وراك ياصوصو لوتسيرب100فلس

 

[al7mly]

أضعط بعد

تكفا ..... ناطرينك بالفلسين ياحلوك ياصوصو

شباب ....حديد ...شركتكم اقوي شركه

 

[بصرك]

نعم نعم يالحملي منا القابضه 1080
صناعات القابضه المتحده المشتركه التعاونيه

 

[al7mly]

نعم نعم يالحملي منا القابضه 1080
صناعات القابضه المتحده المشتركه التعاونيه

هل يستحق السهم هالسعر واتحدي اذا احد اخذ فيه الا ملاكه

عندهم قرض بياخذونه وشرطوا عليهم السهم فوق الدينار

وكتموا علي الخبر ورفعوه
وا احد يقدر يغامر معاه

هذا اللعب بعينه وعلمه
سوالف البحر والبدر ارتفاع مفاجئ دون سبب او اي سببب تافه وتعال دش معاه يكسر فيك 180 درجه

لا يبه ...صوصو غيير ...اذا ارتفع علي سبب صحيح واذا نزل كذلك ... ياخي يكفي المصداقيه في السهم والسهم مهدود للعرض والطلب مع انه فيه حركات شويه وتهويشات الا انه يضل حديد وبصراحه عمري والله ماخفت منه مع انه نازل معاي من شريته بس يبيله صبر بس

 

[q8q822]

الله يصبركم وصبرنا ابطل صفحة التداول اشوف الخسارة غير محققة 2900 دينار اتحطم نفسيا

راح ابرد واخليه استثمار :d

 

[al-hajri]

السلام عليكم يا أخوان
شخباركم؟

وحشتوني والله
لكن للأسف هالسهم مو تكانه
وان شاء الله لنا عودة له مرة ثانية
ونركب بنفس المحمل

 

[بصرك]

الحملي تقول السهم تكانه يرتفع لشي زين وينزل لسبب يضر بالشركه
الي ابي اعرفه ليش نازل المؤشرات والارباح كلها زينه ليش النزول
صوصو اعلى نسبة ربحيه وقيمه دفتريه بالقطاع الصناعي
وكذلك ارخص سهم بالقطاع

 

[al7mly]

بصرك ...الشركه اصولها قويه


للمستثمر ممتازه .... ياخي ولا اقدع بنك بتالكويت يعطيك 35 %

اللي يدش هالشركه يبي اخر السنه مايفكر يبيع نهائيا حتي لو يربح فيه مستثمر لمده طويله اكثر من خمس سنوات مايبيع الا ليمن يطلع السهم عليه ببلاش هنيه يفكر يبيع

بس احنا مضاربين صغار نبي الربح السريع واي شركه تتاخر معانا او تنزل بالسعر نقعد نتحلطم


المفروض نبيع اول مانزل السهم ونوخر عنها ونستعمل قواعد المضاربه معاها يعني ستوب لوزر في حاله نزول السهم الي 10 % من راس المال بس احنا نعاند ...ونبي الشركه ذات الاستثمار تصير مضاربه علي كيفنا مايصير

فيه اسهم مضاربه كثيره في السوق واغلبها في الاستثمار
البحر الشمالي البدر
الشركه ماتفكر فينا الشركه ماشيه علي خطط ومشاريع وماهمها سعر السهم اهم شي انها تحقق نمو في الارباح وتحقق اهدافها المرسومه

بصرك .... نصيحه اذا في بالك سهم معين وواصلتك توصيه عليه اشتره وبيعه وارجع لصوصو تلاقيه نفس سعره لا تخاف ...

 

[al7mly]

هذي المشاركه ماخوذه من اخونا اعلامي جزاه اللله خير وقام بتحليل سهم الصناعات المتحده حبيت انقلها لكم للفايده .....



.ص متحده من المحتمل ان تلامس مستوى 240 فلس ومن ثم ترتد

مؤشرات السهم الفنية جيدة وفي وضع آمن ...

السعر الحالي مغري للدخول و التأسيس عليه للانطلاق للمستويات السعرية التالية

270 فلس مقاومة أولى
290 فلس مقاومة ثانية
هدف متوقع 305 فلس
__________________

 

[بصرك]

نعم والله العظيم اليوم واحد من الربع قالي نفس الكلام قالي لاتتوقع اذا بعت الصناعات راح يعلق قالي اقلب فلوسك بكم سهم وبعدين ارجعله بتلقاه نفس السعر
يالحملي الي اعرفه انها اول شركه بعد البنوك تعلن اغلب البنوك اعلنت يعني قرب الاعلان

 

[mish3al_99]

11:31:35 ِ.مجلس إدارة (ص متحدة) يجتمع فى 21-04-08 لمناقشة بيانات 31-03-08
يعلن سوق الكويت للأوراق المالية أن مجلس إدارة شركة الصناعات المتحدة
ِسوف يجتمع يوم الاثنين الموافق 21-04-2008 ، في تمام ‏
الساعة 1:00 ظهرا ، وذلك من أجل مناقشة البيانات المالية المرحلية للربع ‏
الاول عن الفترة المنتهية في 31-03-2008 .


ان شاء الله خير ...
ان شاء الله ارباح طيبة .

 

[mish3al_99]

مصدر: الصناعات المتحدة الكويتية تعتزم انشاء مصنع للكيماويات

دبي (رويترز) - قال مصدر مطلع يوم الثلاثاء إن شركة الصناعات المتحدة الكويتية التابعة لشركة مشاريع الكويت (كيبكو) تعتزم اقامة مصنع للكيماويات باستثمارات 300 مليون دولار في الكويت.
وتعتزم الشركة انشاء المصنع الذي تبلغ طاقته الانتاجية 400 ألف طن سنويا في مشروع مشترك مع بنك الكويت الصناعي.
وقال مسؤول تنفيذي بالبنك لرويترز على هامش مؤتمر للبتروكيماويات في دبي "نعتزم الدخول في مرحلة التصميم في غضون ثلاثة شهور وانجاز أعمال الانشاء بحلول 2010."
ويقام المشروع بمنطقة الشعيبة الصناعية وينتج حامض الترفثاليك النقي وهو مادة خام تستخدم في صناعة البوليستر.
وسيصدر حامض الترفثاليك بشكل رئيسي الى الاسواق الاسيوية.
وقال المسؤول ان بنك الكويت الصناعي سيبيع جانبا من حصته في المشروع في مرحلة لاحقة. كما قد تطرح أسهم المشروع للاكتتاب العام في غضون ثلاث سنوات.

__________________

أخوكم نبيل


يا جماعه شصار على هل الموضوع ... و مصنع البتروكيماويات .. ترى الخبر من 10/2007

 

[بصرك]

اهو بس مصنع بتروكيماويات
وين مصنع الاسمنت
وين مصنع الحديد
الضاهر بياعين حجي

 

[al7mly]

جم تتوقعون الربحيه مال الربع الاول

انا اتوقع بين 10 فلوس الي 15 فلس

اذا اعلن هالربحيه ممتاز ان شاء الله يتفاعل مع الربحيه

أتوقع دخول أجل عهلي السهم بشكل كبير

 

[mish3al_99]

و الله يا الحملي .. حتى لو معلنين خسارة .. مو هذا سعره ....

السعر العادل فوق فوق حيل ..بس ما ودنا نقول يقولون تبالغ ...

بصرك .. خوفي المصانع تتطلع فجأة .. و بعدين لحق ما تلحق .. اقول خلنا .معاها لآخر السنة .. شورانا ..اصلن ما نقدر نطلع ..

اهو صانع السوق لو يفكر عدل يبى الاسهم اللى عندنا .. ارفع السهم الكل يبيع .. ما فينا الطماع بنرضا على 10 و 15 فلس ربح .. الحين عقب مانزلت السهم علينا 100 فلس لو يطلع براسك نخل ما نبيع ..

 

[mish3al_99]

أخر تحديث 17/04/2008
قيمته 800 مليون دولار
الصباح: مشروع صناعي جديد لـ«القرين» مع شركاء محليين

كتب أحمد سليم

أكد رئيس مجلس إدارة شركة القرين لصناعة الكيماويات البترولية مبارك الصباح ان الشركة بصدد الدخول في مشروع صناعي في الكويت مع شركاء محليين وبالفعل وصلنا إلى مراحل متقدمة للحصول على الموافقات من الجهات المعنية.

وكشف عن ان المشروع الصناعي الجديد تصل قيمته إلى 800 مليون دولار وسيتم دعمه بخبرة عالمية رفيعة المستوى


فيما يبدو لي ( لست متأكد الى الأن ) بأن المشروع المشار الية اعلاة ...
هو كونسورتيوم يضم شركة القرين للبتروكيماويات وشركة الصناعات المتحدة وشركة افكار القابضة بالاضافة الى البنك الصناعي الكويتى بهدف اقامة مصنع بتروكيماويات فى الكويت لانتاج مادة حامض الترفثاليك المستخدم في صناعة البوليستر ...بطاقة انتاجية تفوق ال 400 طن سنويا فيما يصدر الفائض عن حاجة السوق الى الاسواق المتعطشة لتلك الصناعة

وبالتوفيق للجميع

منقول من الاخ حمدان ..

 

[بصرك]

مشروع800مليون دولار
اكتتاب مصنع حديد240مليون ريال
مصنع اسمنت30مليون دينار
ماشفنا شي
المشروع الجديدمفاعل نووي ترليون دولار

 

[yoyo1983]

بصرك

تفائل بالخييير اخوووي

توقع مني والله اعلم انه بالربع الثاني يبدي اتحرك السهم اكون بالفتره هذي كلها جمع اكبر كميه من الاسهم وجمع المنحه

وهذا توقع مني وشكرا