شباب ارجو المساعده بخصوص البد والاسك على اللفل تو هناك اشارات بالسالب والموجب امام بعض الاوامر واحيانا تكون الاشارات امام السعر نفسه ماهو المقصود بهذه الاشارات؟؟؟
اخوي دام محد من الخبراء رد عليك برد عليك رد على قدي وان شاء الله يكون صحيح ويفيدك :
Bid = سعر الطلب معناه ان فيه واحد من صانعي السوق يبي يشتري كميه نفرض الي مكتوب 1000
بسعر 2.00 $ ويسمى سعر الطلب ويكون افضل سعر طلب موجود ويكون البيع بالسعر هذا .
Ask: هذا سعر العرض معناه ان فيه واحد من صانعي السوق يبي يبيع كميه نقول 2000بسعر نفرض 2.20$ وهذا افضل سعر عرض موجود .
طيب انت تبي تبيع بسعر افضل من الدولارين وش تسوي
تحط امر بيع بسعر محدد يكون اقل من 2.20 $ نفرض 2.15$ وبكذا يكون سعرك هو سعر العرض لانه افضل من السعر الموجود بس الى الان سعر الطلب زي ماهو ما تغير شلون بتبيع اقول لك في حالة ادخال احد المستثمرين طلب شراء بسعر السوق وبكذا تكون بعت الكميه الي عندك بافضل من سعر الطلب هذا على حسب فهمي والعكس بخصوص الشراء تحط امر شراء محدد بسعر افضل من سعر الطلب واقل من سعر العرض طبعا بدون ان تحدد خاصية الكل اولا شي
+ وهذي تعني شراء بسعر اعلى من السعر السابق والسالب تعني سعر اقل اسف على الاختصار وانشاء الله يكون كلامي واجاباتي صحيحه بس اعذرني هذا الي انا اعرفه وانشاء الله اشرح لك افضل من كذا متى ما لقيت الفرصه واخوي دوجي راح يكون عنده الاجابة الشافيه وانا متاكد من هالشي لاكن اكيد هو مشغول الان
nassai19 الله يحفظك ماقصرت اخى انت حاولت تساعدنى بحسب معرفتك اتمنى من الاخوان المشاركة فى هالموضوع لاننى بصراحه احس ان هالاشارات مهمه احياننا اذا ضهرت بالسالب تحد من مسيرة السهم الى الامام هذا طبعا من ملاحظتى المستمره الرجاء ياأخوان تنويرنا
انا استخدم اللفل تو من زمان , ولا اذكر اني رأيت علامة موجب او سالب . لذلك يا ليت تعطيني الموقع او البرنامج الي يجيب الاشارات هذي . او ترفع صورة علشان نعرف وش المقصود .
عزيزي ابورواف انا استخدم برنامج ليس موقع اللفل تو كماهو معروف لديكم يعرض الاسك والبد فى خانة الاسك نرى طوابير تريد البيع وبكميات مختلفه وكذلك البد طلبات الشراء او البيع يكون امامها علامة موجب او سالب او موجب وموجب احيانا واحيانا تكون الاشارات اما الكمية موجب وامام السعر سالب والعكس عزيزي اتمنى انك فهمت على
انا لا اعرف العلمات هذي والمقصود منها . ولكني استخدم اللفل تو المدفيد وهو جيد . البرنامج ككل جيد , لا استغني عنة . انصحك فية . وهذي صورة منة . مع العلم ان اللفل تو حق المدفيد مافية علامات