صلاة الفجر

[يقولون]

يا اخي على ايش الكدر
والضيقه والهم والضجر
ابسألك يا صاحبي !!!
امانه ... صليت الفجر؟


نويتها قبل المنام
او نيتك بس بالكلام ؟
وقت المنبه للصلاة ؟
والا على وقت الدوام ؟


تخيل انك ما صحيت
والموت جالك وانتهيت
بتقابل الله بأي وجه
والا بتقول انك نسيت ؟


الله عطاك اللي تبي !!
الي متى يا صاحبي ؟
لا تامن الدنيا ترى
من يامن الدنيا غبي


يا لاهي بلبس البشوت
وتفكر.. تعمر بيوت
سؤال واحد جاوبه
ما جا على بالك تموت ؟


انت وانا نبي الاجر
وقلوبنا ما هي حجر
يالله نتعاهد بالصلاة
من بكره ما نخلي الفجر

 

[برميت]

بارك الله فيك يقولون

ويعطيك الف عافيه علي هل خاطره الجميله

 

[يقولون]

الله يعافيج شكرا على مرورج ولا تنسين تقوم الفير

 

[I_M SUGAR]

عسي الله ياجرك علي التذكير
وما قصريت

 

[يقولون]

اجمعييين مشكوره وجزاج الله خير

 

[تكانه]

ما شاء الله قواك الله على هالكلمات
واقعيه وتوصل القلب

 

[zoya_y]

بارك الله فيك يقولون ... عسى الله يثبتنا أجمعين

 

[INFINITI]

الله يرحم والديك
وعساه ميزان حسناتك
عاش سبع السوق

 

[يقولون]

حبيبي تكانه شكرا على مشاركتك
مشكوووووووره يا النزغه واللهم آمين
عاش من قال يا انفينيتي والسوق مافيه سبع هذا سوق الكويت والسبع اللي ينحاش بسرعه وانا فعلا مطبقها عدل

 

[باب عوود]

بارك الله فيك يقولون على هذا التذكير الطيب