منا قابضة والشفافية وارتفاع 500 %

[برقر]

بل بل بل بل بل اوه اوه اوه السهم هذا مالك امل ينزل الله يوفق الملاك

 

[كويتي2006]

يوزو عن ملاك السهم رجاءا

تره فقاره كل واحد ايده على قلبه ، وكل التحليلات ماشيه عندهم

الله يعينهم ، الحين مالهم غير تاجر وبياناته

يعني بيصدقون تاجر غصبا عليهم ، يا يصدقونه يا بيطلعون بلوشي

يا معودين ان شاء الله تاجر يطلع كلامه صج ونربحجم دينار ، فقرتونه بحنتكم على جم هل البيزة الي بيطلعون منها الفقارة الخسرانين

مالهم الا تاجر وبياناته

 

[برقر]

الله يربحهم امين ويستاهلون الحبايب :d:d:d وبالذات كويتى 2006

 

[Madridi]

كويتي2006

اخوي الله يرزقك ان شاء الله ويوصل السهم 5 دنانير قول آمين ، لك ولجميع ملاك السهم واللي يبي يدش على السهم


بس في سؤال، ليش الشركة ما ردت على البورصة اليوم ؟؟ هذي تعتبر خسارة حق السهم

بعدين صاحبك تاجر الله يجزاه الخير ويرزقه ليش ما قالكم من الأول انه راح يتم ايقاف السهم عن التداول وما قالكم الا لما سكر السوق ؟؟


الله يرزقكم ان شاء الله ويبعد عنكم الحسد

 

[المحسود]

البورصة ما وقفت السهم الا بعد انتقادات عنيفة لها و لادارة البورصة كل هذا لصالح السهم النجم و الله يوفق كل واحد شر هذا السهم و الي مستويات اعلى رغم انف البورصة اللي هي سبب في نزول شرائح كثيرة في البورصة بسبب البيرقراطية و الروتين الملل توفيق للجميع ولا نريد الازدواجية و الكيل بمكيالين و شكرا

 

[ساره78]

مثل منا قابضه راح يصير...??

على الاخوه والاخوات اخذ الحيطه والحذر ..لانى لاحظت بعد وصول منا قابضه سعره الحالى وهذا المستوى القياسى بالارتفاع وهى ظاهره نادره التكرار وممكن تكررت مع اسهم على فترات متباعده كالمعادن وجيزان ونسبه اقل المال بسبب استحواذ الخرافى عليه..لكن حاله منا قابضه اعتقد نادره الحدوث والله يرزق من توفق وحصل على السهم فى بدايه صعوده...
لكن لاحظت الان كل سهم يعلق لمده يومين او ثلاثه حتى تبدا الاخبار عليه والتوصيات مثل الوسيط الى وصانى على منا قابضه الان يقول هذا السهم رايح دينار ومثل منا قابضه راح يصير..او صديقى اللى قال اخذ منا قابضه نفسه يوصينى على هذا السهم ويقول اخذه ترا مثل منا قابضه راح يصير...
او مدير محفضه يوصينى بهذا السهم وراح يصعد ومثل منا قابضه راح يصير....
عليكم الحذر والحيطه والتخلص من مقارنه اى سهم يعلق حد اعلا يومين او ثلاثه وانه لابد يواصل الصعود وانه لابد ان يكرر سيناريو منا قابضه وهذا خطأمقارنه سهم بسهم ارتفع صاروخيا ولحد الان غير معروفه اسباب ارتفاعه الحقيقيه..الحذر من متابعه السهم الصاعد بحد اعلا كم يوم املا بتكرار سيناريو منا قابضه ولنا مثال بما حصل بامتيازات وصلبوخ وماذا حصل بعد صعودهم حد اعلا كم يوم نزول بالحد الادنى اكثر من صعودهم الان الاحظ توصيات على كذا سهم طلع حد اعلا وانه مثل منا قابضه راح يصير.....
اخوانى وخواتى عليكم الحذر والحيطه حتى لاتشتروا بالعالى وتقع الفاس بالراس..ونسيان موضوع ارتفاع منا قابضه ومتابعه التحليل الفنى وحركه السهم وتداوله ومساره واحسن وقت للدخول والخروج من السهم..بدلا من سماع كلام فلان وعلان وانه مثل منا قابضه يصير ............

موفقين خير ان شاء الله..........

 

[MaLoOoK]

شكرا جزيلا ....طال عمرك...............

 

[الهدف البعيد]

مشكورة عالموضوع
فعلا جتني كذي توصية
ان السهم الفلاني راح يكون مثل منا القابضة
ديرو بالكم وانتبهو تري كل سهم يرتفع لة سبب
خذو بالاسباب
وتركو منا القابضة عنكم
اللهم ارزقني وارزق من بعدي

 

[الوسواسي]

كلامك عدل مدل ونا واحدمن الناس الي طحنا بصلبوخ والله كريم

 

[kmefic]

شكرا ،،،،، وقرار الشراء قرار شخصي ولازم ما يتبع قرار من اي شخص اخر وعلى المستثمر في السوق متابعة السهم قبل لا يفكر الدخول على السهم وتمنياتي بالتوفيق للجميع

 

[الجارح]

بارك اله فيكى اخت ساره

 

[السور]

لا انا سمعت ان فوائد قروضكم راح تصير مثل منا القابضة !!

 

[بوعبدالله _ 66]

كلام منطقي وفي محله

مشكوره اخت ساره على التنيه

 

[al7mly]

مشكوره علي فتح هذا الموضوع

اللي جاء في الصميم وفعلا جتني توصيه علي سهم قالولي نفس سيناريو منا قابضه

وراقبت السهم يرتفع ويصرف من فوق وصار له 3 ايام علي هالمنوال

ومره اخري اشكرج علي هالنصيحه وان دل وانما يدل علي حرصج علي الاعضاء من واختيار موفق للموضوع وجا بوقته بصراحه
بارك الله فيج

 

[فارس777]

يا اخوان علموني شنو السهم اللي راح يصير له مثل منا قابضه

 

[ناصر الخالدى]

حبه البركة

مشكورة طال عمرج ونتمنا ان الله يرزق الكل وقايلك انتى حبه البركة

 

[بوخمسين]

يا الله ترزق أخواننا خير و لا تخيب أملهم
آمين

الله يربحهم امين ويستاهلون الحبايب :d:d:d وبالذات كويتى 2006

بارك الله فيكم

 

[بوخمسين]

بأذن الله اليوم سوف يعود السهم للتداول

 

[المفرج]

الله يرزق ملاك السهم معناء والله مالي فيه ولا سهم بس حب لخيك مثل متحب لنفسك

 

[كويتي2006]

وينك يا بوعادل

وينك يا بوعادل انقذنا

بشر بشر ما عندك خبر من مصادرك السرية بالبورصة عن موعد رجوع منا للتداول

هل اليوم ام متى يا بو عادل

تره ضغطنا ارتفع ، وتدري اخف بعد يغما علينا ، ما تسوى علينا هل الفرجه الي ما تمت ، استانسنه اسبوعين ، نبي الفرحه تكمل

تصرف يا بوعادل ، كلم الفلاح كلم البورصة ، تدخل يا بو عادل وانجدنا

ناطرين منك الأخبار الي تفرح يا بوعادل


احنه يوم الخميس كنا
من يوم الأحد صرنا
تره وصلنا مرحله بنصير
واخف نوصل مرحلة اكبر ونصير

الله يسامحك يا الفلاح