اللي عنده خبره بلندن يتفضل---->

[Bent_alq8]

أخواني وأخواتي الأعضاء أبي مساعدتكم في إيجاد شقة في لندن وتكون قريبة من أماكن العرب والهايدبارك ويكون سعرها معقول ...فإللي عنده فكره يفيدنا رجاءً مع شكري...
بنت الكويت​

 

[zoya_y]

بــــتــروحين لــندن ؟!!

انا أقولج مالــج إلا الفيلجاوي ولد لــندن تــرا

وتقبلوا مروري ​

 

[الأرستقراطي]

صباح الخير ،،، نصيحتي تبتعدين عن شارع الاجورود ( شارع العرب ) والسكن في منطقة مثل بيكر ستريت ،،، الشقق تتضاعف أسعارها شهر 6 و 7 و 8 و يتراوح سعر الشقة والدفع بالاسبوع 500 دينار 2 غرفة 2 حمام مطبخ وصالة ،،، ضروري أن تكون الشقة مكيفة لأنه آخر 5 سنوات لندن صارت حارة ( يمكن بسبب الاحتباس الحراري ) ،،، وتروحين بالسلامة ،،،

 

[al-hajri]

حاضرين يابنت الكويت

 

[Bent_alq8]

بــــتــروحين لــندن ؟!!

انا أقولج مالــج إلا الفيلجاوي ولد لــندن تــرا

وتقبلوا مروري ​

ومنا للفيلجاوي ...​

 

[Bent_alq8]

صباح الخير ،،، نصيحتي تبتعدين عن شارع الاجورود ( شارع العرب ) والسكن في منطقة مثل بيكر ستريت ،،، الشقق تتضاعف أسعارها شهر 6 و 7 و 8 و يتراوح سعر الشقة والدفع بالاسبوع 500 دينار 2 غرفة 2 حمام مطبخ وصالة ،،، ضروري أن تكون الشقة مكيفة لأنه آخر 5 سنوات لندن صارت حارة ( يمكن بسبب الاحتباس الحراري ) ،،، وتروحين بالسلامة ،،،

صباح النور...
أخوي أرستقراطي...أنا للحين مو عارفة وين إسم الدورة اللي رايحين لها وعلى فكرة أنا رايحة بعد ثلاث أسابيع...يعني نص خمسة...بس مشكور على سرعة الرد والإهتمام لاهنت أخوي..​

 

[INFINITI]

مالج الا بارك ويست

 

[ياسر الروقي]

اللي بينزل لندن اول مره ولا يدل انا افضل يسكن في فندق يحجز له من الكويت فندق تشيرشل وهو خلف الاجور رود مقابل بنك الكويت الوطني او فندق كامبر لاند وهو في اول شارع الاكسفورد خلف مطعم ماكدونالدز
لمدة ثلاث الى اربع ايام ويدور على راحته شقه مفروشه
وعلى العموم العراقيين مسيطيرين على الشقق من بعد التحرير الى اليوم
والرحله تفرق ان كانت علاج او تمشي او دراسه او تجاره او بيع براقع

 

[q8q822]

مالج الا مديفل وين شقة سعاد حسنى الي طاحت منهاا يمهاا )

الشارع هذا من اجورود لى هناك اعطيج رقم الباص اذا تبين

بس قولي وين الدورة بالاول يمكن بريف لندن :d

 

[الأرستقراطي]

صباح النور...
أخوي أرستقراطي...أنا للحين مو عارفة وين إسم الدورة اللي رايحين لها وعلى فكرة أنا رايحة بعد ثلاث أسابيع...يعني نص خمسة...بس مشكور على سرعة الرد والإهتمام لاهنت أخوي..​

أوكي انمشيلج البدلية ،،، اذا رايحة دورة ،،، فهم غالبا يدزونكم كاردف أو بليموت ،،، وهي قريبة من ويلز وهناك المعيشة منخفضة نسبيا ،،،

 

[Bent_alq8]

حاضرين يابنت الكويت

ما تقصر طال عمرك الله لا يهينك..​

 

[Bent_alq8]

أوكي انمشيلج البدلية ،،، اذا رايحة دورة ،،، فهم غالبا يدزونكم كاردف أو بليموت ،،، وهي قريبة من ويلز وهناك المعيشة منخفضة نسبيا ،،،

شكراً على تطويفت البدلية...وبصراحة أخوي إحنا ما نسكن غير 5 نجوم حتى لو إسبوعين هذا مبدأ من عرفت السفر...
وبالنسبة للدورة فور شور لندن...
مو ويلز..
وشكراً​

 

[Bent_alq8]

مالج الا مديفل وين شقة سعاد حسنى الي طاحت منهاا يمهاا )

الشارع هذا من اجورود لى هناك اعطيج رقم الباص اذا تبين

بس قولي وين الدورة بالاول يمكن بريف لندن :d

لالا أخوي مو بالريف في لندن نفسها بس باجر إن شاء الله أجيب إسم المنطقة...شاكرة لك مساعدتك وما تقصر..​

 

[Bent_alq8]

اللي بينزل لندن اول مره ولا يدل انا افضل يسكن في فندق يحجز له من الكويت فندق تشيرشل وهو خلف الاجور رود مقابل بنك الكويت الوطني او فندق كامبر لاند وهو في اول شارع الاكسفورد خلف مطعم ماكدونالدز
لمدة ثلاث الى اربع ايام ويدور على راحته شقه مفروشه
وعلى العموم العراقيين مسيطيرين على الشقق من بعد التحرير الى اليوم
والرحله تفرق ان كانت علاج او تمشي او دراسه او تجاره او بيع براقع

ومنو اللي بيشتريها!!!!!!!​

 

[Bent_alq8]

مالج الا بارك ويست

هلا إنفنتي ووين هذا ؟؟؟
يعني فندق؟؟؟
ولا شارع؟؟؟​

 

[قاروه]

ومنو اللي بيشتريها!!!!!!!​

اللندنيات

بالسلامه ان شاء لله

 

[الأرستقراطي]

شكراً على تطويفت البدلية...وبصراحة أخوي إحنا ما نسكن غير 5 نجوم حتى لو إسبوعين هذا مبدأ من عرفت السفر...
وبالنسبة للدورة فور شور لندن...
مو ويلز..
وشكراً​

أوكي اذا نظامج 5 نجوم ففندق كمبرلاند ( جومان ) اسمه الجديد 4 نجوم ولكن بمستوى 5 نجوم ليلته من 120 الى 150 دينار ويبعد عن الهايد بارك 3 دقائق مشي و عن شارع الاجورود 3 ثواني ( لأنه في بوابة خلفية على شارع الاجورود ) بس ها ترا صمونة الفلافل ب 1 دينار و الشاورما ب 1،500 دينار ،،، والمطاعم العربية تارسة الشارع ،،،

 

[Bent_alq8]

أوكي اذا نظامج 5 نجوم ففندق كمبرلاند ( جومان ) اسمه الجديد 4 نجوم ولكن بمستوى 5 نجوم ليلته من 120 الى 150 دينار ويبعد عن الهايد بارك 3 دقائق مشي و عن شارع الاجورود 3 ثواني ( لأنه في بوابة خلفية على شارع الاجورود ) بس ها ترا صمونة الفلافل ب 1 دينار و الشاورما ب 1،500 دينار ،،، والمطاعم العربية تارسة الشارع ،،،

مو دازينا دوره؟؟؟
يتحملون عاد
شكراً أخوي شكلك قاز لندن قز​

 

[Bent_alq8]

اللندنيات

بالسلامه ان شاء لله

أنت مو توني قاطتك من الطياره!!!!!!!
الله يسلمك وما تقصر​

 

[al-hajri]

انحاشي عن بارك ويست يرزقج الله