شركة راس الخيمة لصناعة الأسمنت ش .م.ع ( اسمنت ابيض )

[cool-man-28]

وعليكم السلام أخونا الباشا

عن نفسي _ لاحظ لأقولك عن نفسي _ أبنطره لين يتفصخ وأخذ نفس الكميه اللى ذكرتها ويمكن شويه أكثر على حسب السيوله المتوفره عندي ساعتها , وبنام عليها طال عمرك لنهاية السنه الماليه إن الله أحيانا وكنا من الحيين ,وياريت أحد الأخوان يخالفني _لأنى دائما ماحب أحد يأيدني _ لإثراء النقاش والإستفاده من الآراء المخالفه أيضا .

 

[boalons]

فنيا الهدف الاول باذن الله 180 فلس

لكن انا اتوقع ان رايح 200 فلس لان اكثر التجميع كان بين 140 و 150 خلال السنه السابقه ولو وصل 200 فلس يكون هامش الربح تقريبا 30% للي شرى ب150 فلس , صحيح ان السهم نزل بالربع الاخير من 2004 الى مستوى 120 فلس لكن ماكان عليه تداول يذكر .

 

[tarazaan]

اللة يعطيك العافية
سؤالي شصار على توزيع الارباح؟؟
فية توزيع ارباح ؟؟ وجم التوزيعات اذا تم الاعلان عنة؟؟

 

[الراقي]

اليوم الأبيض بيضه بس في سؤال وين ريح في الوقت القريب والبعيد هل صحيح 250

 

[الراقي]

وبعد اليوم الأبيض بيضه ونفس السؤال وين رايح وين المقاومه ودعم

 

[tarazaan]

رايح انشاءالله لل 200 فلس ومتراهي بعد

وانشالله الهدف ال 250 فلس

اليوم الثلاثاء تعليقة على 182 حد اعلى

مبروك يا شباب والخير بقبال

 

[tarazaan]

انا بخالفك
يا حجي اخذة الحين ورد بيعة بال250
وبعدين رد واشترة بعد التفصيخ
صدقني هالسهم باذن الله رايح فوق ال 220 باليومين الجايين

اليوم لليوم الرابع تعليقة بالحد الاعلى 182 فلس

 

[cool-man-28]

شورك وهداية الله ما عاش اللي يفشلك لو يطيح بجبدي ماردك , بس ماعليك من هالحجي تره من زمان أبي واحد يغمزلى بس على السهم وأنا أطيرله ويات الفرصه إنشاء الله أحصله باجر بسعر زين بداية السوق .

 

[kwthms]

الله يوفقكم

 

[ستوك]

اليوم السهم في بورصة أبوظبي ارتفع مطلوبا بدون عرض بالحد الأعلى بسعر 2.46 درهم
يعني تقريبا يقابلها 196 فلس كويتي

 

[cool-man-28]

السلام عليكم
دخلنا اليوم عضوية السهم الأبيض بالحد الأعلى, الله يستر ياطرزان جان مو الأسبوع على حظي الياي كله نزول ,وأقعد أصارخ ضاعت القرشينات يابوي.هههههههه
بس تبى الصج فدوه ربحنا وايد والحمد الله . (مع إن أستاذي المهذب جدا قال ريحوا هالجم يوم بس إيدينا تاكلنا ماكو فايده )هههههه

 

[tarazaan]

افا عليك والله طرشلي رقم تلفونك بالخاص وانا اقولك متى نتطلع من السهم

الحمد لله اليوم هم تعليقة 192

 

[cool-man-28]

أخوي طرزان لو أعرف أستخدم الخاص جان مازعلو منى شباب وايد بالمنتدي يدزولي وماعرف أرد عليهم ... ماعليه أعرف استقبل وأفتح رسائل الخاص بس ماعرف أرد ياريت ..... ياريت..... ياريـت..... لاحظت وايد ياريت تذزلى على الخاص وراح أقراه على طول

 

[cool-man-28]

لاتخلي أخوي طرزان ترى أخوك ناطر أخبارك الطيبه عن السهم الأبيض حق اليوم الأسود . مع الشكر
على فكره ملاحظه يعنى محد شاري الأبيض بهالمنتدى غيرنا أنا وطرزان والباقى كلهم سلطان والمخازن . ياعينى حلوهههههههههههههه

 

[الراقي]

اناكنت شرى ويكم وبعت لأني مو طماع اشوف ان صعوده اخذ حقه في الوقت الحالي يمكن يوصل الى250 والله اعلم

 

[الفهلوي]

السهم حقق هدفه الحالي

انصح بالخروج يوم السبت والبيع ان امكن بالحد الأعلى او مقارب له

او البيع الفوري في حالة وجود بيع بكميات كبيرة

والأنتظار لاشاره اخرى

والله اعلم



الفهلوي

 

[tarazaan]

يا شباب ممنوع البيع باقل من 220 فلس
انشالله انشوفة ب 250 والايام بينا انشاء الله

 

[cool-man-28]

ماشي كلامك

ماشى كلامك معلم وثاني مره أقولك شورك وهداية الله وبنشوف أخرتها وهم أقولك يسلم راسك يالحبيب

 

[بومهدي]

يالله السلامـــــــــــــــــه

السلام عليكم و رحمة الله


الأخ Tarazan

تحية وبعد

ممكن أخوي العزيز تنورنا على أي أساس حددت الأهداف السعرية هذه ؟ وهل هي بناء على دراسة أعددتها على السهم ؟ سواء كانت فنية أو أساسية ؟

شكراً على حبك للخير و ياريت تكمل معروفك معانا

أخوك بومهدي

 

[nabeels8]

يا شباب ممنوع البيع باقل من 220 فلس
انشالله انشوفة ب 250 والايام بينا انشاء الله

صباح الخير
أنا الحين ما أملك السهم بس بخصوص السعر حتى 400 فلس ممكن يوصل من كان يتوقع إسمنت الفجيره من 62 فلس سنة 2003
أنا كنت ببيع بالأعلى محد يشتريه واليوم 430
وحتى أم القيوين
وإسمنت الخليج وإسمنت الشارقه وشعاع
كل شي جايز ياأخوان