منشآت الى....................بإذن الله

[*بو عبدالله*]

السلام عليكم ورحمة الله وبركاته


السوق في وضع متذبذب وبحاجه الى استقرار نوعا ما لتحديد اتجاه المؤشر السعري والذي من المتوقع ان يشهد تذبذب والله اعلم

فبالتالي اتجاه المؤشر السعري له اثر على جميع الاسهم بما فيها الاسهم القيادية وغيرها من الاسهم فالحذر مطلوب وتفعيل وقف الخسارة مطلوب


السهم الي امامنا هو سهم منشأت

تم تداول كميات كبيرة وارتداد للسهم بعد وجود شمعة انعكاسية وكسر للترند النازل صعودا

اغلب المؤشرات في وضع اعطاء اشارة دخول

الدعم 335

المقاومة الاولى 380

الثانية400

الثالثة والهدف 420

ايقاف الخسارة اغلاق تحت ال 335 يومين وهو الدعم

والله الموفق


اخوكم


بو عبدالله

د​

 

[أبو فلسين]

الله يسمعك منك اخوى ابو عبدالله ويوصل للهدف

 

[ياسر الروقي]

خوفك ارتداد وهمي يا بو عبد الله السهم من ادرج وهو نكبه على ملاكه الله يعينهم مع العلم ان بيتك مقيم السهم قبل الادراج 800 فلس

 

[عندك سلف]

أحب أضيف معلومتين:
1- أرباح السهم بالربع الأول 15 فلس
2- السهم باع حق انتفاع وحقق ارباح تعادل تقريبا 22 فلس وستعلن بالربع الثاني
3- اليوم أول مرة منذ ادراج السهم يطلب بالحد الأعلى

 

[*بو عبدالله*]

نتمنى كما ذكرت ان يصعد السهم بناءا على تلك المؤشرات السابقة لكن ذكرنا ان الوضع العام للسوق مهم

بالتوفيق

 

[قاروه]

الله يجزاك خير ويرحم والديك يالطيب

 

[برنس]

اضافة بسيطة
اللى يقرا ويحلل القوائم المالية للسهم بلاقى 39 مليون دينار ارباح غير موزعة

 

[جيكر]

مشكور يا ابو عبدالله على التحليل الحلو

انشاله السهم يوصل للاهداف يارب

 

[Tan Tan]

بوعبدالله الله يرحملي اهلك كلهم

لاتورط امة محمد بفلسين مربح يمكن ماتطوله ولانطوله

عطنا سهم فيه ربح نسبه قولي والله على الاقل شهرين يعطيك خمسه بالميه

لكن تقولي مقاومه ودعم وتهدني هذا ما الله يرضاه ولا احنا نبغاه

شرايك تشوف جروب المرازيق عندك تمدين ع و ا

شوفهم بالزوووم الي عندك وعطنا توجهك

 

[ورق خسران]

يعني شرايكم ندش فيه والا ما يسوى الحين خصوصا ان لاتنسون ان الناس اكتتبت فيه بسعر من 600 - 700

 

[قاروه]

بوعبدالله الله يرحملي اهلك كلهم

لاتورط امة محمد بفلسين مربح يمكن ماتطوله ولانطوله

عطنا سهم فيه ربح نسبه قولي والله على الاقل شهرين يعطيك خمسه بالميه

لكن تقولي مقاومه ودعم وتهدني هذا ما الله يرضاه ولا احنا نبغاه

شرايك تشوف جروب المرازيق عندك تمدين ع و ا

شوفهم بالزوووم الي عندك وعطنا توجهك

سبحان الله

الرجال اجتهد ومو عاجبك

وفلسين مربح صارت يورط فيها الناس !

اقول ان كان لك رزق مكتوب لك بتاخذه وان ماكان مكتوب مالك نصيب لا بالسهم هذا ولا غيره

والرجال ذكر لك المقاومه والدعم شلون مالله يرضاه ؟؟؟؟؟؟؟؟؟؟؟؟؟؟؟

واذا انت ما تبغاه على قولتك

انا اقولك يا بخت من زار وخفف

 

[Tan Tan]

سبحان الله

الرجال اجتهد ومو عاجبك

وفلسين مربح صارت يورط فيها الناس !

اقول ان كان لك رزق مكتوب لك بتاخذه وان ماكان مكتوب مالك نصيب لا بالسهم هذا ولا غيره

والرجال ذكر لك المقاومه والدعم شلون مالله يرضاه ؟؟؟؟؟؟؟؟؟؟؟؟؟؟؟

واذا انت ما تبغاه على قولتك

انا اقولك يا بخت من زار وخفف

شلون تبيني ارد عليك عشان ماتصكني مخالفه بالرسايله ؟

اقولك عيب تقول حق خلق الله يابخت من زار وخفف

او اقولك اني قلت حق ولد الناس لو سمحت مقاومه ودعم على سعر سهم صارله شهرين ينزف دم ماعادت مهمه كثر ما نبي سهم يعطينا نسبه

بالله عليك دلني على حجي اقوله عشان ما اخفف من زيارتي بالكتابه لكم في المنتدى

اعوذ بالله من غضب الله

 

[stock sniper]

شلون تبيني ارد عليك عشان ماتصكني مخالفه بالرسايله ؟

اقولك عيب تقول حق خلق الله يابخت من زار وخفف

او اقولك اني قلت حق ولد الناس لو سمحت مقاومه ودعم على سعر سهم صارله شهرين ينزف دم ماعادت مهمه كثر ما نبي سهم يعطينا نسبه

بالله عليك دلني على حجي اقوله عشان ما اخفف من زيارتي بالكتابه لكم في المنتدى

اعوذ بالله من غضب الله

اخونا هدي العب شوي ترى السوق متروس اسهم وبوعبدالله توصياته دايما حلوة ومجربه بس ما عندا عصا سحرية يقول حق السهم اطمر 100 فلس مرة وحدة اهو يوصي حسب التحليلات وان كان التوصية مناسبة ومقنعة بالنسبة لك امش عليها ولا اتركها وشوف توصية مناسبة تعطيك الهدف اللي تبيه بس لو تبي رأي خلك ورا بو عبدالله وانشاء الله ماتخسر بس لا تنسى تفعل ستب لوز لو نزل السهم عن الدعم مثل مايقولك وموفقيين خير

 

[ابو حضين]

اخونا هدي العب شوي ترى السوق متروس اسهم وبوعبدالله توصياته دايما حلوة ومجربه بس ما عندا عصا سحرية يقول حق السهم اطمر 100 فلس مرة وحدة اهو يوصي حسب التحليلات وان كان التوصية مناسبة ومقنعة بالنسبة لك امش عليها ولا اتركها وشوف توصية مناسبة تعطيك الهدف اللي تبيه بس لو تبي رأي خلك ورا بو عبدالله وانشاء الله ماتخسر بس لا تنسى تفعل ستب لوز لو نزل السهم عن الدعم مثل مايقولك وموفقيين خير

100%

 

[السليطي]

بارك الله فيك يا بوعبدالله
وجزاك الله خير
لما تبذله من جهود واضحه للعيان​

 

[نوط بو ربع]

الله يجعله في ميزان حسناتك يا بوعدالله .. حبك للخير وسعيك فيه لصالح اخوانك في المنتدى واضح وضوح الشمس عسى الله يعطيك على نيتك الطيبة يا بو عبدالله ويباركلك في مالك وأولادك .

 

[أبو فلسين]

السهم للمراقبه

 

[happyness]

العالي عالي

السلام عليكم ورحمة الله

جزاك الله ألف يابوعبدالله ما تقصر عسى عمرك طويل

والله غرقتنا بأفضالك، عسى الله يرزقك من حيث لا تحتسب ويطرح الله فيك البركة انت وعيالك.

 

[استحواذ]

صباح الخير
جزاك الله الف خير يابوعبدالله وبميزان حسناتك وعسا كل الاخوان على القوه ويوفقهم خير انشالله

عندي ملاحظه نتمنى الحوار يكون راقي ويستفيدمنه من يراه مفيد دون فرد عضلات واظهار الاخر بانه غير فاهم أو تعليق ممكن يراه مضحك او ملطف للجو وهو عكس ذلك

مع خالص تحياتي
اخوكم
ابو محمد

 

[ياسر الروقي]

نظرت إلى الدنيا
فرأيت الخلق
يعادي بعضهم بعضا
ويبغي بعضهم على بعض
ويقاتل بعضهم بعضا

ونظرت إلى كتاب الله
فرأيت قوله عز وجل
" إن الشيطان لكم عدو فاتخذوه عدوا "
فتركت عداوة الخلق وتفرغت لعداوة الشيطان وحده ​