-= وأخيرا صحى التنين =-

[اعلامي]

هذا الموضوع مو لغز ولا غطاية ولا سوالف حبابة

هذا تنين السوق اكيد عرفتوه

اكيد مو سهم المشاريع ...

هذا اهو آجيليتي ... اللي لغاية اليوم تسميه الناس المخازن ( ما ادري ليش )

المهم ... وحتى ما اطول عليكم ... الشارت واضح يومين على التوالي التداول تبارك الرحمن عالي ... و اليوم اخترق ترند هابط ... و الله يجعل هالكسر فال خير على كل المستثمرين في هالسهم ...

1140 مقاومة ... 1180 هدف
1200 مقاومة .. 1240 هدف
1280 مقاومة وهدف في نفس الوقت

1340 هدف ... 1360 مقاومة ...

 

[السور]

تداول اليوم تقدر تطلق عليه

1) التنين الخثل

2) صحوة الموت

3) الهروب الكبير

 

[mohabbas]

خلة يصحى جمد حلال الناس على اسعار لاتذكر

 

[قاروه]

هذا اهو آجيليتي ... اللي لغاية اليوم تسميه الناس المخازن ( ما ادري ليش )

..

طال عمرك من كثر ما يخزن بهالعقود سموه المخازن

وكل الشكر للمتابعه الحلوه ياحلو

وناطرينك

 

[بلاحدود]

أصحاب الشركة مو متفقين على اسم!!

كل سنة اسم جديد.. مخازن .. ثم .. أجيليتي.. ثم .. أجيليتي للمخازن.. والله العالم شيسمونها بعد سنة!

 

[خبير النفط]

طالما انه تنين فهو شىء خرافى وما راح يكون حقيقى ابدا الا فى الاحلام

 

[Tan Tan]

خوش لقمه بنتلقم اعلامي اذا كمل السهم مشواره

الله يبارك لك

 

[اعلامي]

تنينكم قاعد يسخن​

:d

يا جماعة اشفيكم تخرعون اللي ما يخترع :d

كلكم تحاتون هالتنين .. تسألون رد نام ؟؟؟ اقولكم لأ ....

التنين قاعد يسخن ... شوفوه ماشي مع الترند الصاعد .... ممكن انه يطلع بره الترند .... لكن لا تحاتون ...

الخوف لما يكسر 1.100 فلس و يسكر تحته .... اهني اقولكم

خرووج​

 

[المبدا جوهر]

هلا باخوي أعلامي شرايك ندش عليه

 

[اعلامي]

اخوي تسأل اذا تدخل عليه او ما تدخل ....

اللي يتابع التداول من يوم كتابة هالموضوع لغاية اليوم يلاحظ ان السهم ما نزل عن 1.100 فلس

وباذن الله حركته وشيكه بس ننتظر يخترق ال مقاومة الاولى عند 1.140 فلس

وبعدها نتابع عروض التنين اللي راح تولع في السوق نار

 

[مرتضى منصور]

اهو الى الان ماصحا لكن خشمه يدخن

 

[heloOoOo]

عى ايدكم خله يسخن ويبرد ويسوي الي يبي يسويه بس خل الناس الي ماخذه فيه تترزق الله من وراه ماصار تنيين نبيه ديناصور مافيه حيل بس اذا فزعلى طوله عطاك شي

 

[فرصة]

بس حلوة منك مرتضى خشمة بدى يدخن تدرى هالسهم لغاية الان مخسرنى 40000دك ولاراضى يرحمنا لو امبدلة بالصفوة جان طلعت خسايرى بس لاحول ولاقوة الا باللة

 

[Borsagi]

هذا الموضوع مو لغز ولا غطاية ولا سوالف حبابة

هذا تنين السوق اكيد عرفتوه

اكيد مو سهم المشاريع ...

هذا اهو آجيليتي ... اللي لغاية اليوم تسميه الناس المخازن ( ما ادري ليش )

المهم ... وحتى ما اطول عليكم ... الشارت واضح يومين على التوالي التداول تبارك الرحمن عالي ... و اليوم اخترق ترند هابط ... و الله يجعل هالكسر فال خير على كل المستثمرين في هالسهم ...

1140 مقاومة ... 1180 هدف
1200 مقاومة .. 1240 هدف
1280 مقاومة وهدف في نفس الوقت

1340 هدف ... 1360 مقاومة ...

ليومك هذا يا طويل العمر أنا أعرف ناس شارين السهم على 5 دنانير

 

[الأرستقراطي]

أستاذي اعلامي ،،، الفيبوناتشي ما يعطيك نتائج دقيقة الا في مدة تتراوح بين ال 45 يوم وال 30 يوم ،،، تحياتي ،،،

 

[حضيرم]

أستاذي اعلامي ،،، الفيبوناتشي ما يعطيك نتائج دقيقة الا في مدة تتراوح بين ال 45 يوم وال 30 يوم ،،، تحياتي ،،،

اخوي اذا شكل وياك قمه وبعدها قاع ورتد السهم نصب الفيبوناتشي

 

[آفة السوق]

كفو يابومحمد

صج صحى التنين

الله يوفقك

 

[اعلامي]

شقول غير بشروا بالسعد يا اهل آجيليتي

 

[اعلامي]

هذا شارت لشركة آجيليتي ( فريم شهري ) .. لا حظوا الشمعة قبل الاخيرة ( شهر ابريل ) تعطي دلالة واضحة على ان القوة الشرائية للبائعين و المشترينقد تساوت ... وهذا يعطي دلالة على نهاية الموجة الهابطه للسهم

بالتالي يبدأ التجميع على السهم اعتبارا من الشهر التالي ( شهر مايو ) .. لذلك متوقع ان يستمر تصعيد السهم حتى 1.400 فلس ..

موفقين ​

 

[hassan_abu3eed]

شكلها فيه تعليقه

الاوامر تغيرة